Arabako Foru Aldundiak ez du etenik Iruña-Veleiako aztarnategian astakeria arkeologikoak burutzeko garaian.
Aurreko bi urteetan Quark enpresak hondeamakina erabiliz aztarnategiko hainbat eremu suntsitu zituen: San Juan monasterioa, harresi barnealdea, harresiko ate txikiaren ingurua eta hegoaldeko sarreran kokatzen den zaintza eremua. Epaitegietan salaketa jarri genuen, txosten arkeologiko batek lagunduta. Aldundiak, berriz, ez zuen aintzat hartu salaketa, argudiatuz instituzioak berak ez lukeela ezer egingo ondarearen aurka.
Eta ez al da ondarearen aurka egitea hiru metro zabaleko bidegorria, aztarnategian barrena Biloda eta Trasponte lotzen dituena? Ze behar dago astakeria hau egiteko, lehendik ere, aztarnategian zehar bi herri hauen arteko errepidea jada badagoenean?
Iruña-Beleian bidegorri bat / Josetxo Mendia
Hori aski ez eta zirkua egon litekeen eremuan bost zundaketa egin dituzte, bakoitza hamar metro koadrokoa eta metro eta erdiko sakonerakoa, hauek ere, ohikoa denez, hondeamakina erabiliz.
Non dira Euskal Herriko eragile kulturalak: EHU, Aranzadi, Eusko Ikaskuntza… jokabide hauei etena jartzeko?
Zundaketak hondeamakinaz / Josetxo Mendia
Josetxo Mendiaren artikulu gehiago hemen.
Iruña-Veleiari buruzko artikulu gehiago hemen.
