elkartu eta konspiratu

Indepe eguna, izen emateko azken egunak

Larunbatean, otsailak 1, Gernikako Astran. Goizean gune irekia, gero bertso-bazkari mundiala eta jarraian kalejira. Animatu!

4

Gentza Eleder Aurtenetxe

Gune Irekiaren Lagunak. Mundaka

Indepe Eguna datorrela ta

gogor gabiz egunotan

berrogei lagun jada zerrendan

ta hamaikatxu Astran lotan

gune irekian sormentsu goizik

gero ondo jan ta bertsotan

iji eta aja, baita kalean,

kantu ta dantzaren sokan

Barriz ein daigun askotan

(doinua:

Lazkao Txikiren TBko marrazki bizidunen saioko doinua;

ze izen du doinu horrek?)

Kaixo, lagun, zelan bizi gara?

Otsailaren 1ean (larunbata) Astran (Gernika) Indepe Eguna dugu. Egun osoko topagune eta ospakizuna.

Gune Irekia goizean, bertso-bazkaria jarraian eta kalejira herrian zehar eguna biribiltzeko.

Aukera aparta zeuon gaien inguruan sakontzeko eta elkarlanerako lagunak topatzeko.

  • Hau da Indepe Egunerako gonbidapen testua, zehaztasun guztiekaz.
  • Animatu eta eman izena, oraindik bada tokia! Antolaketa errazteko, ahal duzun lasterren egin, arren:
  • Erantsita, kartela, Telegram, Whatsapp eta halakoen bidez zabalduko duzu zeuk ere?
  • Umeak dohainik!
  • Auto partekatuak. Oraingoz, herri hauetatik datozen lagunen autoetara batu zaitezke. Gipuzkoatik: Alegia, Asteasu, Azpeitia, Beasain, Donostia. Nafarroatik: Amaiur, Erratzu. Bizkaitik: Algorta, Bakio, Galdakao, Mungia, Markina, Munitibar, Natxitua. Harremanetarako, idatziguzu burujabetzen@gmail.com-era.
  • Astran bertan dohainik lo egiteko aukera, bai urtarrilaren 31n, bai otsailaren 1ean.

Kalejirarako soinulari eta panderolari bila gabiltza. Inor animatuko balitz, jarri harremanetan, mese: burujabetzen@gmail.com.  Eta haren/haien bazkaria antolakuntzaren kargu!

Eskerrik asko mezua inguruan zabaltzearren!

P.S.: Indepe Egunaren bezperan, ostiralean, urtarrilak 31, tokia prestatzen ibilko gara, 5etatik aurrera, Unai Gazteluk gidatuta. 4 lagun inguru horretan izatea primerakoa izango litzateke :)! 8etan edo 9etan amaituta egongo da lana, zeregin nagusiak, gauzak mugitzea eta kartelak prestatzea. Eta bakoitzak gura duen tartean lagunduko du.

Nor dabil gogoz? Gune Irekiari buruz ikasteko aukera polita da.

Han, Astran bertan, lo egiteko aukera dago, dohainik, bai urtarrilaren 31n bai otsailaren 1ean.


Nahi baduzu, Independenteak aurrera egin dezan lagundu dezakezu. Idatziz, itzuliz, janariz, irudigintzan, bideogintzan, bertsotan, diseinuan, informatikan, psikologia klinikoan, abokatutzan edo diruz ere bai. Ziberjazarpenari aurre! INDEPENDENTEA LAGUNDU >

Honen harira

4 erantzun “Indepe eguna, izen emateko azken egunak” bidalketan

  1. Kaixo lagunok!

    Atzo jakin dogu, etorri ezinik izango da Iratxe Ibarra zapatuan, osasun kontuak tarteko.

    Asko eskertzen dotsegu hasieratik izandako gogoa, eta patxadaz eta atsedenez osatzea opa dotsegu.

    Hurrengo baten zeugaz, ba, Iratxe!

    Bikote handia geratzen jaku, halan da be, bertsotarako zapatuan, Fredi Paya eta Arkaitz Estiballes!

    Eta mikro ireki bat baita be, kantatu gurako daben lagunentzat 😉 !

    Soinu-panderoakaz be Iraide, Eneritz, eta bertoko lagunen bat gehiago be, araiz!

  2. Biharko Indepe Egune oso ederra izango dalakoan, azken hilabeteotan egindako bidetxuaren bitsetan eta bezperako kili-kili horretan, bero, goiz baltzean zulorantza gentozela, gaur piztu jatana botako dot hemen, eldarnio uneari libro jarraituta.

    “Barriz ein daigun askotan” etorri jakun, artikulu honen atariko bertsoa amaitzeko.

    Gaur hauxe proposatu gura dot, zehaztuz.

    Pozik batuko nintzateke zuekin, Astran bertan Indepe Egunak eratzeko barriro, honen antzeko egituran.

    Maiatzaren 1ean, udabarrikoa; urriaren 12an udaburukoa eta abenduaren 6an, udagoienekoa, esaterako. Egun seinalatu horietan, gune irekian alkartzeko, hausnartzeko, eta bizitza ospatzeko aukera ederra eman daiteke be.

    Uztailaren 14an udabetekoa egin ahal dogu be, barau astearen atariko? Hazparnen edo? Ziburun? Xiberuan?

    Biba zuek!

    ge

    ps. uBA proposamenari lotzen ote zaio orain hau? Ikus hemen, 19-12-19ko mezuan Busturialdea Auzolanean posta zerrendan botatakoa, “uBa, Urdaibaiko Batzarra”: https://groups.google.com/g/busturialdeauzolanean?hl=es)

Utzi iruzkina

Azken artikuluak