Ziklo ezberdinak daude naturan, astrologian, historian, eta gizateriaren baitan ere bai. Horrelako epealdiak Kaliyuga delakoan azalduta datozen arren, ezagutza horren gabezia dugu gehienok. Hala ere, jakiteko grinari denbora eskaintzen diodanetik, zein gutxi kontatu zaigun jabetu naiz. Eskoletan, literatura-arloan, antzinako liburuen berri ematen zaigu, baina ez zaigu horietan sakontzen irakatsi, ezta haiekiko interesa piztu ere. Irakasle edo maisu-maistra batzuek izan ezik, gehienek ez dituztenez lan horiek ezagutu ere egiten, ez dute transmisioa egiterik. Egon badaudela esaten zaigu, baina Sanferminetako zezenen entzierroa bezala, hesitik begiratzeko bakarrik.
Has gaitezen Kaliyugatik: LINGA PURANAn jasotako testu bat da eta gaur egun bizi duguna ulertzeko aipatzea interesgarria litzateke. Zati bat bada ere, gurera ekartzea ondo legoke. Testua K.a. V. mendean idatzia da eta bertan ezagutzera ematen den edukiak gaur egungoarekin parekotasuna duela adierazi nahi dut. Orduan egoera horrelakoa zela kontziente baitziren, gertatzen denaz ba ote gara kontziente gaur egun?
Hona hemen testu horren gaztelerazko bertsiotik euskaratutako zati bat: […Kali Yugan, gizonak inbidiak jota biziko dira, haserre, sektario, beren ekintzen ondorioekiko axolagabe. Gaixotasunaren, gosearen, beldurraren eta zorigaitz izugarrien mehatxupean egongo dira. Beren desirak gaizki bideratuta egongo dira, beren jakintza helburu gaiztoetarako erabiliko da. Ez zintzoak izango dira. Asko krudelkeriaz hilko dira. Nobleziak behera egingo du, eta esklaboek jakintza, janaria, setioak eta oheak haienak egin nahi izango dituzte, eta gobernua partekatu nahi izango dute. Gehienak maila sozial baxukoak izango dira. Diktadore tiranikoak izango dira. Fetuak eta heroiak hilko dira. Artisauek jakintsuen papera bete nahiko dute, jakintsuek artisauena. Lapurrak errege bihurtuko dira, eta erregeak lapur. Arraroak izango dira emakume ederrak. Promiskuitatea areagotuko da. Harmonia soziala alde guztietatik desagertuko da. Lurrak ez du ia ezer sortuko leku batzuetan, eta asko ekoiztuko du beste batzuetan. Gobernariek ondasunak bereganatuko dituzte eta herria babesteari utziko diote. Maila baxuko merkatariak apaizak balira bezala ohoratuko dituzte, eta zientzia tradizionalen sekretuak arriskuan egongo dira, eta emango zaizkie horretarako duin ez direnei. Irakasleak doilortu (edo gaiztotu) egiten dira beren jakintza salduz. Maisu huts bakanak bizitza alderrai anonimo batean babestuko dira. Kali Yugaren amaieran, emakumeen kopuruak gora egingo du, eta gizonenak behera, gizontasunik ez dutelako. (…) Inork ez dio utziko hizkera zakarra erabiltzeari, inork ez du hitza beteko, denak bekaizti izango dira (…) Printzipiorik gabeko jendeak besteei predikatuko die bertutea. Zentsura nagusi izango da, eta hirietan haien elkarteak sortuko dira…].
Bizi-estiloan eragitean datza kontua. Tokiak kaltetu gaitzakeen bezala, osasuntsu egoteko aukera ere ematen digu
Astrologia jarraitzen dutenentzat oso ohikoa den egoera deskribatu genezake. Baina gai honetan ere, beste guztietan bezala, ez digute esan antzinako benetako astrologia badagoela. Aurreko idatzietan (lau dira) giza-gorputza eremu energetiko gisa aztertu genuen; kontuan hartuta bertan esaten genuena eta jakinik oraindik ere gizakiaren dimentsio pertsonala, gorputza eta arima ezagutzeko bidean gaudela eta, zer esanik ez, bizi garen eremua edo lekua ez dugula batere ezagutzen; ibilbide luzea dugu aurretik. Ibilbide luzean baino, bizi-estiloan eragitean datza kontua. Tokiak kaltetu gaitzakeen bezala, osasuntsu egoteko aukera ere ematen digu. Osasun biologiko zein psikologikorako aldagai bat da, baina ez edozein.
Eremu ez osasuntsuan ordu asko igaroz gero, gugan patologiak sortzeko aukera handia dago. Ezjakintasunak ere ahul egiten gaitu, ez baikara gauza “saltzen” diguten errealitatearekin datozen oztopo-, beldur- eta menderatze-estrategiak identifikatzeko. Kaliyugaren testu zatian irakurri dugun bezala, “Bere desirak gaizki bideratuta egongo dira, bere jakintza helburu gaiztoetarako erabiliko da”. Ezjakintasuna areagotuz, pertsonak emozionalki ahulagoak bihurtuko dira — hala bihurtzen ari dira gaur egun — eta psikologikoki kaltetuko dira horren ondorioz. Askotan adierazi badut ere, bizi dugunaz kontziente izateak gure psikologian zuzeneko eragina du eta, halaber, jakina da ordu asko igaro behar dugun eremuan zer dagoen ezagutzeak aukera izugarria emango digula geureaz jabetzeko, arduratzeko eta ahalduntzeko. Ondo bizi behar dugu jakintza garatzeko, buru-osasun ona izateko; bestela ez dago burujabetzarik, indibidualean hasten baita gizataldearen askatasuna.
Boteretsuek gustuko dute aldaketak eragitea eta hori oso azkar egiten ari dira 2020ko martxoaz geroztik
Argi dago boteretsuek aldaketak eragitea oso gustukoa dutela eta hori dena modu azkar batean egiten ari dira 2020. urteko martxoaz geroztik. Gogoan izan, ahaztu behar ez dugun plandemiaren aurretik bereziki, zer zegoen egunero komunikabideetan. Gehienek ez duzue gogoan izango 2005. urtean hegazti-gripearen (eta gero A gripearen) pandemia bultzatu zutela. Wolfgang Wodarg-ek, berak bakarrik, Europar Parlamentuan jakinarazi zuen eta diputatuak konbentzitu zituen farmazeutikek bultzatutako plana zela hori, eta bertan behera geratu zen. Gero, 2009. urtean, pandemia hitzaren definizioa aldatu egin zuten NBEn eta OMEn: hortik aurrera, pandemia bat deklaratu ahal izateko ez zen beharrezkoa izango hilkortasuna kontuan hartzea, nahikoa izango zen herrialde ezberdinetan agertzearekin eta, beraz, pandemia propagazioak edo zabalkundeak definitua geratu zen, eta ez gaixotasunaren larritasunagatik. 2010. urtean Iñaki Gabilondo kazetaria Cuatro telebistako albistegian farmazeutiken pandemia faltsuaz eta beldurraren negozioaz mintzatu zen, Wodarg-en ekimena gogoratuz. Hemen ikus daiteke bideo hori.
Leku askotan gel hidroalkoholikoa jarri zen 2005. urtean, eskoletan eskuak nola garbitu azaltzen zuten karteltxoak egon ziren, ikasleak lerro bananduetan eta ate ezberdinetatik sartzen ziren eskolara, etab. Egun batetik bestera dena bertan behera geratu zen eta, gaur, edonori galdetzen badiozu, batek gogoan du gel hidroalkoholikoarena, besteak karteltxoak, besteren batek geletan lerroetan sartzearena, baina ehuneko handi batek ez du ezer gogoan. Eta, 15 urteren ondoren (2020an), berriz egin zuten. Pandemiaren definizio berriari jarraituz, kasu gutxi baina leku ezberdinetan kasuren bat egotearekin, ekin zioten plandemia bat antolatzeari. Gaur egun, ia egunero, badago komunikabideetan oihartzun egiten duen zerbait, plan bati jarraitzen diona, eta jendeak ez duena identifikatzen 2020. urtekoa balitz bezala. Baina, egun, orduan baino okerrago gaude: jendeak ez du etsai bat bistaratzen, ez du alde edo kontra egiteko arrazoirik. Alabaina, boteretsuek sutsu darraite haien planarekin.
2005ean gel hidroalkoholikoa jarri zen toki askotan, eskuak garbitzeko karteltxoak jarri, eskoletan ikasleak banandu… Gaur, jende gehienak ez du gogoan. Eta, 2020an, berriro egin zuten
Valentziako uholdeak batetik, edo nahita sortutako suteak — hori diote etengabe — bestetik; herritarren kontrako erasoak dira. Jendea oso entretenituta dago bere zilborrera begira, eta, manipulazio handiaren ondorioz, jendea ez da konturatzen inguruan dagoenaz, esaten dute kalima dela, baina ez dago hegoaldeko haizerik, nola iritsiko da Afrikako kalima hori? Gerora, jendeak suteen eremuak eta poligono fotoboltaikoak jarri nahi diren tokiak alderatzen baditu, sorpresa hartuko du.
Bitartean, paradigma aldaketan murgildutako neurriak inplementatzen dira eta, Kaliyugan esan bezala, lapurrek boterea hartu dute, “Maila baxuko merkatariak apaizak balira bezala ohoratuko dituzte, eta zientzia tradizionalen sekretuak arriskuan egongo dira”.
Aurreko esaldia ulertu nahi duenarentzat; egoeraz ohartu nahi duenarentzat. Bitartean, ez dira gure diruarekin geratzen, boterearena baita eta itzuli egiten diegu, ez da denbora ere — abstraktua baita –, ezta gure borondatea ere — egunero diseinatu eta zuzentzen dute –, ezta gure pentsamenduak ere — 2021. urteaz geroztik badakigu ordenagailu batekin urrunetik esku har dezaketela garuneko pentsamenduak irakurtzeko eta, alderantziz, garunari pentsamendua ezartzeko –. Brain proiektua garunaren funtzionamendua deszifratzeko dela azaltzen digute beti, eta horrela izango da, baina AEBko gobernuko lehendakariari aurkeztuta dagoen proiektua da Brain; beraz, guk badakigu zer den, ikus dezakegu… eta militarrek ez dute horren berri, ezta? Azalpen zehatza ezagutzeko, ikusi bideo hau. Rafa Yuste euskaldunak, New York-eko Columbia Unibertsitateko irakasleak, azaltzen du Ikerbasqueko webinar batean.
Gugandik, benetan nahi dutena, gure energia da.
(Jarraituko du).
Ez oraindik monoteismopean, baina bai patriarkatuarekin gainean…
Ba nik kaliyuga testu horri kirats patriarkal klasista handia sumatzen diot eta faltan botatzen egungo egoera oinarri horiexen garaipenetik datorrela ondorioztatzea.
Agian gehixeago arakatu beharko genuke geure zilborrean harek lotzen gaituelako arbasoen senarekin eta ekialdeko kultura zapaltzaileak behar duten distantziaz begiratu, kuriositatez baina konplexurik gabe.
Yusteren bideoan euskal agintaritzatik bultzatzen den teknozientifismoaren akatsak agerian daude: batetik, zientziak dena konpon dezakeen sinismena eta, bestetik, zientzialari politikoen goraipamena.
Harritzen nau jakintsu hauek nola ez duten nanoteknologiaren frakasoa aipatzen txerto genetikoekin eta ze sumisoak izan diren boterearekiko azken urteotan.
Positibismoa bultzatu nahi dute erregea biluzik dagoela aitortu gabe.