Bidegurutze garaia
Euskaldunok halako egoera motari “bidekurtzioa” deitzen zioten, zeinetan edozein “sorginkeria” gertatu ahal zen. Bada, halakoxe egoera batean aurkitzen garela dager, INDEPENDENTEA taldekoak dagoeneko jabeturik daudenez. Hortik egunotan Bilbon eginen dugun “Gune Irekia”.
Uste dut denontzat garrantzitsua dela hilonen 26 eta 27an Zabalguneko Plazan biltzeko garenok TALDE hau irmoki boteretzea dugula zio, eta horretarako, partaide guztiok edo gehienok ADOSTASUN MINIMO batzuetan oinarritzea. Nik uste, honako puntu hauen inguruan batik bat:
2030-agenda
Hortxe datza Planetako lurralde orotan benetan agintzen duen Munduko Eliteak helburutzat jarri diguna, zeina abian baita honezkero, Sistema kapitalistaren aro oligarkiko barrian.
Egoeraren analisia
2020-2022 urteetan gertatutako egoeraren analisia egitea daukagu lehenik eta behin, aipatutako AGENDA begibistan dugularik, eta hartan begiak iltzatuta. Bi urte hauetan gertatutako aldaketak, azterketak eta aurrera begirako pausuak, “RESET” dekakoaren dinamika kontutan hartuz.
Garai barri honetan, egungo egoerari aurre eginen dion talde eragilea (“subjektu politikoa”).
Behar dugu zehaztea dagoeneko 2030-Agendari zein indarrek aurre egin diezaiokeen: adibidez, “Europako Ezkerra” deritzonak? Mundu mailako Indar indigenistek eta Herri zapalduek? Halaber, sortu barri den mugimendu feminista iraultzaileak? Indar hauen arteko Federazio batek?
Estrategia eta antolamendua
Gure TALDEak zer ekarpen egin dezake zehazki? Zeintzuk jarduera nagusi? Adibidez:
- Generoari dagokionez, zer erran Patriarkatuaz eta beronen pentsaera dan Patriarkalismoaz”?
- Euskal pentsaera tradiziozkoa Generoari buruz? Zein izan da oraintsu arte? Generoari “atxiki-bageko ikuspegia” zertan datzan euskal kulturan eta hizkuntzan bertan; genero-diskriminazio bageko pentsaera.
- LEINUAri erreferentzia euskal pentsaeran, “familia patriarkalaren” aurrez aurre.
- Horri buruz gaur egungo Prozesuaren analisia, bai eta zein litzatekeen Prozedura egokia BITARTE-GARAIKO aldi batean. Adibidez, Bitarte Garaiko Zuzenbidea (“Justizia Trantsizionala” delakoa),…
- Sistema Kapitalista “liberal-ondoko” paradigma oligarkikoa; RESET delako prozesuaren analisia eta horren aurreko ekintza/jarduera zehatzak; Kontrol soziala, Dogma inposaketa, Garun jana eta gizarte-bezaketa, hala orokorra nola EH mailakoa, Adierazpen askatasuna…
- “Euskal pentsaera eta Zibilizazio jatorrizkoaren pentsaera eta diskurtsoa. Adibidez: LEINUA, ABA/AMA, AITA, ABASOLOA kontzeptuen erreferentzia eta potentziala kultur-iraultza oso eta orokor bati begira.
- Belaunaldi barriari zer transmitzen edota ukatzen zaion Hezkuntza Ofizialaren Programakuntzan. “Hezkuntza Itun Berria” delakoa zertan dan. Zer egin zehazki egoera horren aurrean?
- Betiere, TALDEA trinkotzeaz gain, Talde horren ekarpenak, iraunkortasuna eta ERABAKI ZEHATZAK hartzea izanen dugu zio.
2022ko iraila. Naberan Josu
