Gune Irekiko Teknologia

Gune Irekia: topaketa argitua sortu eta laguntzeko modua

Parte-hartzaileek beraiek sortuko eta kudeatuko dute euren agenda, garrantzi estrategikoa duten gai nagusien gainean, aldi berean emango diren lan-saio paraleloak.

2

Gentza Eleder Aurtenetxe

BFA/Ekonomia Sustatzeko Saileko antolaketa teknikaria. Gune Irekiaren Lagunak. Mundaka

Zer da Gune Irekiko Teknologia?

Gune Irekiko Teknologia (GIT edo GI, laburtuta) era guztietako jendeari edozein motatako antolakundeetan bilera eta topaketa argituak sortzen laguntzeko modu bat da. Argi geratu da, halaber, 1985etik-edo, espazioa irekitzeak, nazioarteko aitzindaritza-praktika intentzional gisa, jende arruntak elkarlanean jardungo duen antolakunde argituak sor ditzakeela eta jarraitasunez emaitza ezohikoak sortzen lagundu dezakeela.

Gune Irekiko bileretan, topaketetan eta antolakundeetan parte-hartzaileek beraiek sortzen eta kudeatzen dute euren agenda, hau da, garrantzi estrategikoa duen gai nagusi baten gainean aldi berean emango diren lan-saio paraleloak. Gaia izan daiteke, esaterako: zer estrategia, talde, antolakunde edo komunitate babestu dezakete edo sortu daiteke lankidetzan parte-hartzaile guztien artean?

5-2000 arteko lagunekin (egun bateko lantegietan, hiru eguneko topaketetan zein asteroko lan-bileran) honako hauxe da ohiko emaitza, antolakundean jada gertatzen ari dena: plangintza eta ekintza; ikastea eta egitea; pasioa eta ardura; parte-hartzea eta jarduna; konektatzea eta indartzea. Ikusi honako hau ere: WorkingInOpenSpace (Gune Irekian lan egitea, gidatutako ibilaldia).

Noiz eta zergatik?

Egin beharreko lana konplexua denean, eragindako jendea eta ideiak askotarikoak direnean, kontua bideratzekopasioa (eta, beraz, gatazka emateko aukera ere) handia denean, eta gaia burutzeko epea “atzorako”, orduantxe funtzionatzen du ondoen Gune  Irekiak.

Zer da Gune Irekia? Definizio laburrak

  • ardurak zedarritutako pasioa;
  • kafe-eten on baten energía;
  • intentziozko auto-eraketa;
  • lan-esparruko izpiritua;
  • anabasa eta sormen kolektiboa;
  • antolaketa-eboluzioa
  • eta,… gehien behar den unean eta gunean jendea eta antolakundeak mugimendua jartzeko modu sinple eta ahalmentsua dela esan izan da.

Eta, itxurazko egiturarik ezagatik eta sorpresei ongi etorria emateagatik ezaguna bada ere, oso egituratua suertatzen da Gune Irekiko bilera edo antolaketa.

Baina, hain da egitura hori jendeari eta esku artean den lanari modu perfektuan itsatsitakoa, ze bere zereginean, hau da, lanik onena sustengatzen (ez oztopatzen), igarri ere egin gabe ematen baita.

Izan ere, Gune Irekian ehundutako istorioak eta lan-planak konplexuagoak, sendoagoak, iraunkorragoak izan ohi dira eta adituek edo zuzendaritzak gidatutako diseinuak baino askoz bizkorrago mugi daitezke.


Irakurri ere datorren Gune Irekiaren inguruan Angel Bidaurrazagak idatzitakoa:
Garai nahasiak: elkarrizketa publikoa Bilbon, irailaren 26 eta 27an
ANGEL BIDAURRAZAGA VANDIERDONCK


Zer gertatuko da?

Inoiz ez dakigu zehazki zer gertatuko den jendeari bere lanik garrantzitsuena egiteko espazioa irekitzean, baina honako emaitza hauek berma ditzakegu talde bat Gune Irekian sartuz gero:

  1. Parte-hartzaileentzat garrantzirik HANDIENA duten gaiak aterako dira.
  2. Ateratako gai bakoitzari parte-hartzailerik prestatuenek eta zerbait egiteko gaienek helduko diote.
  3. Egun bateko edo egun biko epe laburrean ideiarik, mintzaldirik, daturik, aholkurik, ondoriorik, azterketa sakonagoa behar duten gairik, eta berehalako ekintzarako planik garrantzitsuenak txosten ulergarri batean jasoko dira eginda, inprimatuta eta parte-hartzaileen esku, alde egiten dutenerako.
  4. Horretarako espazio eta denbora egokia uzten bada, txosten horretako eduki osoa fokatu eta lehentasunez hornitu daiteke, ordu gutxi batzuetan, ehunka lagunen taldeekin ari bagina ere.
  5. Ekitaldi baten ostean, egun batzuen buruan emaitzak antolakunde edo komunitate osoaren esku utzi daitezke, mintzaldiak, stakeholder (gai jakin batean eragina izan dezaketen pertsona edota taldeak) inplementatzera gonbidatuz orduantxe.
  6. Eta… horrelako emaitzak planeatu eta inplementatu daitezke talde handiko ekintza izeneko beste horietako edozeinetan baino arinago. Egun edo aste batzuetan lortu daiteke beste bide batzuetatik hilabeteak edo urteak beharko lukeena.

Michael Hermanek idatzia
Euskaraz estreinakoz OpenSpaceWorld.org gunean argitaratua
Eleder Aurtenetxe Pildainek itzulia

Zubideiak gune irekia, 2016 / Euskaltzaleen Topagunea

Nahi baduzu, Independenteak aurrera egin dezan lagundu dezakezu. Idatziz, itzuliz, janariz, irudigintzan, bideogintzan, bertsotan, diseinuan, informatikan, psikologia klinikoan, abokatutzan edo diruz ere bai. Ziberjazarpenari aurre! INDEPENDENTEA LAGUNDU >

Honen harira

2 erantzun “Gune Irekia: topaketa argitua sortu eta laguntzeko modua” bidalketan

  1. Ez dakit ba zer esan nahi duten hain ongi antolatutako esaldiek.
    Zer da, metodo bat huts -hutsik? Muduko beste taldeekin koordinatzen da? Nola? Beno, galdera batzuk besterik ez dira baina herritarren batzarrak aspaldi zeuden asmatuak eta honek zer aportatzen duen ez dut ulertzen, baina izan liteke, bai, izan liteke. Ez dakit.

  2. Kaixo Gorka, hori duk, herritarren batzarrak aspaldikoak ditugu.
    Eta sen horri heltzea proposatzen dugu. Heldu, berrikasi, zabaldu, ugaldu.

    Gaur egun, zenbat batzar ditugu bizi-bizi?
    Zenbat herriska, auzo, lan-talde dabiltza batzarretan oinarrituta, harmoniko, jori, emankor?

    (oharra: goiko testua, beste baten testuaren 2010 bueltako itzulpena da, http://www.burumapak.blogspot.com blogean ateratakoa. Beste modu baten idatziko nuke Gune Irekiari buruzkoa, neurea.)

    Talde handien batzar luzeetan (egunbetekoak, gutxienez) nagusitu izan zaiguna azken hamarkadetan: kongresua/konferentzia/”jardunaldiak”.

    Bertan, “aditu” aukeratu batzuei ematen zaie, aldez aurretik, espazio, ardura, garrantzia gehien, eta gainerako parte-hartzaileei entzule zeregina. Zentzunik gabeko eta gatzik eta piperrik gabeko hainbeste denbora ematen dugu horrelakoetan. Eta horrelakoetara garamatzate, elizan, eskola eta unibertsitatean bezala, agintari gehienek.

    Testuinguru horretan sortu zen 1985 bueltan Gune Irekiko batzar mota. Askoz biziagoa, emankorragoa, eta batez ere atsaginagoa/dibertigarriagoa. Elkarrekin egoteko/pentsatzeko/sortzeko berezko modua.

    Bakoitzak nahi duenari helduz eta ardura hartuz.
    Datorrena datorrela!
    Bizitza autoeratzen dala onartu eta ospatuz.

    Bai, horixe, gune irekia, aintzinako batzarren izpiritua berreskuratzea eta eguneroko esparruetara ekartzea, xumeki.

    Gai konplexuei, era guztietako jendearekin heltzeko batzar modu honetaz jakiteko , onena, holako batzar baten parte hartzea ;-)! Hainbeste egin izan ditugu Euskal Herrian azken hamarkadan. Jendea gustora geratzen ohi da.

    Nola lortu dezakezu herri bat xehatzea? BEsteak beste, batzartzeko debekuak eta oztopoak jartzeaz gain, batzartzeko modu itzel hutsalak inposatuz.

    Batzartzeko modu sortzaile, atsegin eta emankorragoei buruzko interesa duenak, aukera aparta iraila bukaeran Bilbaon.

    Talde eragilearen aldetik, irailaren 26 eta 27ko horrekin, gainera, Independenteko jendearentzat (ere) berezia izan daitekeen oparia.

    Urte luze bitan ukatu/debekatu/jazarri izan diguten talde elkarrizketa luze, zabal eta osasuntsu baterako gonbitea, era guztietako herritarrentzat: 2020tik aurrerako hau guztia zer izan den, zer ikasi dugun eta nola/zertarako erabiliko dugun elkarrekin hausnartzeko herri batzarra proposatzen ari gara,. Non eta Bilbo erdigunean, astelehen eta astearte bat horretarako hartuta.

    Gonbidatuak zizte, oro! Eta gonbidapena zabaltzea eskertzen dizuegu:
    https://independentea.eus/garai-nahasiak-elkarrizketa-publikoa-bilbon-irailaren-26-eta-27an-bilbon/

    Aurrera GiGi Mundiala!

    Gentza Eleder
    Gune Iekiaren Lagunak
    http://guneirekiarenlagunak.weebly.com/

Utzi iruzkina, izen eta abizenez

Azken artikuluak