EZ PASS NORA GOAZ kolektiboa lanean dabil beti Covid krisiak ekarri dituen hamaika gogoeta, eztabaida, datu, kezka eta egoera plazaratzen. Frantses gobernuak, Madrilgoak edo Euskal Herriko agintariek Covid pasaportea kendu badute ere, argi da diskriminazio edota obligazio berrien mehatxupean bizitzera behartzen gaituztela, luzatzea interesatzen zaien sasikrisi sanitario baten aitzakian. Ez da ahantzi behar, bestalde, frantses hexagonoan, milaka osasun langile lanpostutik baztertuak eta soldatarik gabe bizi direla 2021eko uztailaz geroz eta Iparraldeko zein frantziar estatuko ospitaleetan indarrean dagoela beti pasaportea. Ez Pass Nora Goaz kolektiboak, errealitate gordinak aipatzeko eta herritarren irizpideak osatzen laguntzeko, eztabaida zabaltzeko eta elikatzeko, mintzaldiak antolatzen ditu Iparraldean aditu, kolektibo eta beste gogoeta sortzaileak gonbidatuz.
Datorren apirilaren 23an, Izpuran, KONTRA PASS eguna izango da hurrengo topaketa, mintzaldi, aurkezpen, erakusmahai eta giro onarekin.
Pasa den apirilaren 15ean, Ezpeletan, Eric Ménat familia-mediku eta Frantziako CSIko (Kontseilu Zientifiko Independentea) sortzaileetarikoak mintzaldi interesgarria eskaini zuen 150 pertsonaren aitzinean. Mintzaldia baino lehen, gure galderak erantzun ditu.
Dr Eric Ménat, zure burua aurkezten ahal duzu zenbait hitzez:
Familia-medikua naiz, homeopatia eta fitoterapian espezializatua, azken 30 urte hauetan. Unibertsitate diplomak baditut, elikaduran, kantzerologian, immunologian eta genetikan. Nire praktikan, aski molde “naturala” segituz eramaten dudan medikuntza jeneraletik kanpo, nutrizioaz anitz arduratzen naiz (arlo guzietan) eta maiz minbizia duten pazienteak segitzen ditut, haien ospitaleko tratamenduen denboran eta ondotik. Lyme eritasunean eta infekzio kronikoetan berezitu ere naiz.
Badu 20 urte fitoterapia eta aromaterapia irakasten ditudala medikuntza eta farmazia fakultateetan. Medikuntza arloko zenbait elkartetan parte hartzen dut eta horren bidez ditut aurkitu Violaine Guerin eta Martine Wonner, eta honela naiz Laissons les médecins prescrire (LLMP) elkartean sartu, medikuei
sendatzea edo hidroxiklorokina preskribitzea debekatua izan zaielarik, arras faltsutua izan den ikerketa batean oinarrituz.
Eritasun infekzioso kronikoen arloan ditudan ezagutzek ekarri naute Covid eritasunaz arduratzeko moldeari buruzko gogoeta hasterat, eta parte hartu dut Covida duen pazientearentzako tratamendu anbulatorio goiztiar bat pentsatu duten lan taldeetan.
Honen bidez, artatu ditut 500 bat pertsona, zinez Covidaz eri zirenak, eta momentukotz ez da bihirik hil, ez eta ere ospitaleetako arta intentsiboetara joan. Hiru pazientek ospitalizazio baten beharra ukan dute, zenbait egunez “presio gorako” oxigenopean izateko.
Kontatzen ahal diguzu nola eta zergatik sortua izan den Kontseilu Zientifiko Independentea?
LLMP eta beste elkarte batzuekin (Bon Sens, Reinfocovid edo AIMSIB), Violaine Guerin-en inpulsioa jarraikiz, Santé Liberté koordinazioa (CSL) sortu dugu, xerkatuz epidemia honen kudeaketa sanitarioari buruz gogoetatzea eta zientzian oinarrituriko proposamen konkretuak egitea. Argi iruditu zaigu Frantziaren politika sanitarioan eragiten zuen sobera jendek sekulako interes
konfliktoak zituela, eta “zientifiko” horiek telebista kateak okupatzen zituztela informazio ez osoak edo ez xuxenak zabalduz.
Politika sanitarioan eragiten zuen sobera jendek sekulako interes-konfliktoak zituen, eta “zientifiko” horiek telebista kateak okupatzen zituzten informazio ez osoak edo ez xuxenak zabalduz.
Ondorioz erabaki dugu “Kontseilu Zientifiko Independente” bat sortzea, ikerketen eta egoera sanitarioaren irakurketa zehatzago bat ukaiteko gisan, eta zientziaren datuekin lerrokatuago iduritzen zitzaizkigun proposamenak eta gogoetak zabaltzeko helburuarekin, hau guzia noski lobby-en presiorik
batere gabe, eta laborategiekin edo beste finantza talde batzuekin interes konflikturik ukan gabe.
Kontseilu Zientifiko Independenteak ba ote du ezagupen ofizialik, Frantzia edo Europa mailako osasun erakundeengandik?
Ez, zorigaitzez, ez da batere ezagupen ofizialik, nahiz eta ongi ikusten dugun erreakzio edo posizio hartze batzuetan entzunak edo “zelatatuak” garela, erabaki hartzaile edo aditu ofizial zenbaitzuengandik. Giza baliabide eskasez (denak bolondres gara eta ez dugu diru laguntza edo emaitza euro bakar bat ere) ezin izan dugu gure lanari buruz aski komunikatu atzerrian.
Halere, gure sorkuntzaren lehen urtemuga ospatu berri dugu eta entzun ahal izan ditugu 40 bat zientifiko, bakoitza bere arlo berezitik heldu zena, eta egoera sanitarioari eta osasun politikari buruzko beste argitasunak ekarri dizkigute.
Bestalde, harremanetan gara gure desmartxa bera segitzen duten atzerriko beste jende batzuekin.
Egun nola funtzionatzen du Kontseilu Zientifiko Independenteak? Zein ditu helburu nagusiak?
Kontseilu Zientifiko Independentea arras molde autonomo eta demokratikoan ibiltzen da. Ez dugu “bulego” ofizialik. Familia bat bezala gara, baina konflikturik gabe eta egorik gabe. Kide sortzaile eta kide elkartu talde bat gara (15 bat), ostegunetako gaualdiak antolatzen ditugu zenbait
teknikalariren laguntzarekin, interbentzio horiek zabalduak izateko gisan.
Egoera sanitarioari buruzko ikuspegi independente eta zehatz baten aldeko interesa erakutsi duten adituak kontaktatzen ditugu, interes konflikturik ez dutenak, beren ikuspuntu eta beren ikerketak aurkezterat etortzeko gisan.
Helburua sinplea dugu: begiak ideki, hedabide nagusien leloak lokartu duen jendea iratzarri; zehaztasun handiz eta objektibitatez zientzia, zifreak eta terrenoko errealitatea aztertu.
Helburua sinplea dugu: begiak ideki, hedabide nagusien leloak lokartu duen jendea iratzarri; zehaztasun handiz eta objektibitatez zientzia, zifreak eta terrenoko errealitatea aztertu. Hori guzia herritarrak objektiboki informatuak izaten laguntzeko, egoerari buruz beren ideia egiteko gisan eta beren beldurrak uxatzeko gisan.
Ez dugu inposatzeko mezurik, agerian ezartzeko dogmarik. Denak errespetatzen ditugu, ideia guziak, eta ez dugu bizitzeko molderik inposatu nahi, eta pentsatzeko, hautatzeko eta ondokoa errespetatuz bizitzeko
askatasuna lehentasuntzat daukagu. Segur gara krisi sanitario hau beste molde batez kudea zitaikeela, hertsadura, heriotz, drama eta ospitale gainkarga gutiagorekin.
Ez diogu hau errextasunez, latzakeriaren ondotik. Hau aztertua genuen, ikertua eta adierazia duela urte bat; Kontseilu Zientifiko Independentearen helburua ere da zientzia aipatzea eta zabaltzea, ideiak pausatzea, ondotik ez genekiela erratea posible izan ez dadin!
Dakidanez, ez da beste Kontseilu Zientifiko Independenterik, baina badira beste elkarte edo zientifiko talde anitz herrietan, zentzu berean lanean ari. Adibidez, ICS (Internationnal Covid Summit) bildu da bigarren aldikotz Frantzian, Marseillan eta Parisen, herri batzuetako zientifikoak bilduz eta pandemia honen kudeaketari buruzko gogoeta aitzinarazteko.
Ikusten ari da Covid txertoen ondorio larrien kopuru emendatzea? Zein da gaur egungo zientifikoen ikuspegia?
Gure gogoetaren puntu konplexuenetariko bat da hau. Arras zaila da kausa/ondorio lotura frogatzea patologia, sintoma baten eta txerto baten artean. Halere, farmakobigilantzia sistemak badira denetan munduan.
Hiru datu-baseetan agertzen dira 100 aldiz ondorio kaltegarrien deklarazio gehiago Covid txertoei loturik beste edozein txertorekin loturik baino, datu base hauek existitzen direnetik.
Gu hiru sistema nagusitan oinarritzen gara: frantses, europar eta amerikar datu baseetan. Hiru datu-baseetan agertzen dira 100 aldiz ondorio kaltegarrien deklarazio gehiago Covid txertoei loturik beste edozein txertorekin loturik baino, datu base hauek existitzen direnetik. Kasu bakoitzean ez bada kausa ondorio lotura frogatua ere, uste dut deigarria dela. Sustut badakigularik efektu bigarrenkari guzien %10 bakarrik direla zinez farmakobigilantziaren xifreetan sartuak izan eta datu-base horietan kontuan hartuak izan. Txertoa arras eraginkorra balitz, pentsatzen ahal genuke efektu bigarrenkari horiekin egin behar dela (nahiz eta etikoki eztabaidagarria izan).
Baina ohartzen gara txertoek ez dituztela gelditzen ez infekzioak eta ez birusaren transmisioa. Badakigu egun jende txertatuek ez txertatuek bezainbat covid harrapatzen dutela. Gutxiago larriki eri direa? Bazitekeen ingles aldakiarekin eta delta aldakiarekin, baina Omicronekin ez da frogatua.
Erran dezagun benefizio gutti dela aski kopurutsu iduri duten ondorio larri batzuekin.
Txertoaren benefizio-arrisku orekak (hau ditaike aztertu behar praktikan) aski ahula dirudi, negatiboa dela ez errateko. Hala dela ere iduri luke aldaki berriekin.
Zein dira Kontseilu Zientifiko Independentearen gomendio nagusiak? Kezkak? Lehentasunak? Ekintzak?
Erantzun orokor eta doi bat sinplifikatuak eginen ditut galdera bakoitzari.
Gomendio nagusiak: iratzarri, begiak ideki, iturri anitz erabiliz bildu informazioa, egoeraren ideia zehatzagoa ukaiteko.
Gomendio nagusiak: iratzarri, begiak ideki, iturri anitz erabiliz bildu informazioa. Eri garelarik sendatu, ez etxean egon beldur eta etsipenez beterik.
Interes konfliktuak ulertzen saiatu, hauek egiten baitute honelako edo halako pertsonak ikuspuntu honelako edo halakoa ukanen duela, terrenoaren errealitatearekin ez lerrokatua dirudiena. Beldurrik ez ukan ideiak argiago ukaiteko.
Eri garelarik sendatu, ez etxean egon beldur eta etsipenez beterik, ospitalizatua eta intubatua izanen garen mementoa goaitatuz.
Gure helburuak: zientzia zabaltzen segitzea, azaltzea, esperientziak partekatzea interes konflikturik gabe, dogmarik gabe eta deus nehori ez inposatuz.
Gure kezkak: kezkatzen gaitu udazken guziz bezala ondoko udazkenean ukanen dugun koronabirus epidemia kontsideratua izan dadin Covid-19 epidemia larri gisa (Covid-19 ez delarik existitzen gehiago!) eta berriz traba inutilak inposa diezazkiguten, askatasun kentzaileak eta depresiogenoak, eta benefizio-arrisku oreka objektiboki neurtu ahal izan ez diogun txerto bat inposatzea.
Hitz guttitan, gure kezka da askatasunak eta bizipoza murriztea aitzakia txar batzuk erabiliz, eta sanitarioak baino gehiago finantziarioak diren interes batzuen alde.
Gure kezka da askatasunak eta bizipoza murriztea aitzakia txar batzuk erabiliz.
Gure lehentasunak: ahal bezain objektibitate handienarekin zientzia aztertzen segitzea eta gure sintesiak ahal bezainbat partekatzen segitzea, frantsesak herritar informatuak eta arduratsuak izan daitezen eta ez ahalkerik gabe manipulatzen diren ardiak.
Gure ekintzak: beti berak, gure gogoetak ahal bezain molde zabalenean hedatuz. Oraino gehiago lan egin gure Europako eta beste lekuetako lankideekin.
Ezpeletakoa bezalako mintzaldiekin, nire helburua berriz ere ahal bezainbat objektibitaterekin informatzea da, osasunaren erabiltzaileek jakin dezaten nola iharduki infektatuak baldin badira eta herritarrek egoera sanitarioaren ideia zehatzago bat moldatzeko parada ukan dezaten. Hau guzia beldurrak
uxatzeko, bizi berriz lasaiagoa eta gizarte solidarioago eta bihotz onekoagoa atzemateko gisan, azken bi urteotako mesfidantza, salaketa, kanporatze, nor bere baitan herste giroa baino.
Itzulpena: B. Lascano
