Iruña-Veleia Argitu, ez Suntsitu Plataforma osatzen duten elkarteek testu gogor bat bidali diete zenbait arduraduni lehenengo eta kopiak zenbait erakunderi, Arabako Espejoko Cesar eta Neron grafitoak direla-eta Eusko Jaurlaritzak zabaldutako prentsa oharraren harira.
Grafito hauek faltsutzat hartzea gaur egun bezala idazten direlako herritarrei gezurra esatea da, Europan orain arte 21 “Cesar” eta 11 “Neron” topatu direlako, hauen berdin-berdinak. Diogun hau bost minututan froga daiteke, edozein epigrafia latineko datu-basean topatzen baita.
Distrakzio ekintza bat izan da eta Lurmen indusketatik kanporatu zutenetik eskabadoraz egiten ari diren suntsiketak estaltzea beste helbururik ez du.
Ertzaintzari ere esaten zaio denborarik ez galtzeko gai honekin, objektu arkeologikoak egiazkoak diren ala ez jakiteko arkeometria laborategiak daudelako. Hau da, gai arkeologikoa dela eta ez poliziala.
Imanol Pradales eta Ramiro Gonzalez suntsiketa hauen erantzule nagusiak dira eta egunen batean herriak egia jakingo du eta gai hau behar bezala epaituko du.
Plataformak gutuna honako hauei bidali die:
Iruña-Veleiako suntsiketen errudun zuzenei: Eusko Jaurlaritzako Imanol Pradales lehendakaria, Ibone Bengoetxea Kultura Sailburua, Arabako Aldundiko Ramiro Gonzalez diputatu nagusia eta Ana del Vall kultura diputatua.
Ondarearen aurkako eraso honen aurrean isilik dauden alderdiei: EAJ, PSOE, Bildu, PP, Elkarrekin-Podemos, Sumar, VOX.
Isilik dauden erakundeei: Jose Ramon Bengoetxea EHUko errektorea eta Belen Bengoetxea Letren Fakultateko Dekanoa, Euskaltzaindiko Andres Urrutia, Aranzadiko Jokin Otamendi, Eusko Ikaskuntzako Ana Urkiza eta Kontseiluko Idurre Eskisabel.
Eta Ertzaintzaren zuzendariari: Victoria Landa.
