Burujabetza eta askatasuna

“Burujabetza eta askatasuna – Mikel Altzuart” bideoa / lbry.tv

Hitzaldian azaldutakoaren inguruko zertzelada batzuk:

Ezabatu adituak eta izan arituak: Denok dugu jakintza bat. Ekonomia ez da adituen gauza. Gure buruetatik ezabatu behar ditugu adituak, eta izan behar gara arituak. Ni ez naiz aditu ezertan. Nik ez dakit deusetaz, eta badakit denetatik pixka bat.

Ume galderak: Ikusten dugu zein absurdoa den, zein perbertsoa den, zein zentzugabea den? Gertatzen ari den guztia beldurrean oinarritu da, eta beldurra irrazionala da. Beldurrak gauza zentzugabeak egitera behartzen gaitu, eta absurdoaren logikan sartzen gaitu. Ez ezazu galdetu sekula zergatik. Zergatik. Umeen galderak. Ume izan beharko genuke zentzu horretan bizitza osoan. Ume izateari ez genioke utzi behar sekula. Beti galdetu beharko genuke zergatik? Baina helduarora iristen garenean heltzen da garai bat non jada ez dugu zergatik galdetzen. Zer da, dena dakigula? Edo agian jada gure burmuina itxi da, ez dut gehiago jakin nahi, ustez dena dakigula, eta ez dakigu ezer.

Ekologismo alternatiboa konbentzitu zuten: ze kasualitatea, aitzinago, ez zen horrelako arriskuaren abisurik, kontuz, hurrengo gerlak, hurrengo krisiak, hurrengo holokaustoak… birusek sortuko dituzte. Eta birus horiek animalietatik gizakietara pasatuko dira. Ekologismo alternatiboari esan zioten: nola biodibertsitatea galtzen ari den, eta nola abelazkuntza industrializatu den erabat, ustiategi industrialetatik gizakietara pasatuko da, eta globalizazioaren bidez mundu osora zabalduko da.  

Kapitalismoaren logika, beharra sortu, “konponbidea” saldu: Farmazeutikaren industria ekonomian handienetako bat da, armen industriarekin batera. Nola izan daiteke ba armen industria hain potentea, hain indartsua? Armak zertarako dira, defendatzeko ala erasotzeko? Armen industrian gerrak sortzeko, herrialdeak desegiteko, besteen ekonomiaren jabe egiteko dagoen perbertsio bera da: gaixotasunak sortu behar dira medikamentuak fabrikatu daitezen.

Gizakiaren gaixotasun nagusia, botere egarria: ikusten da diru kapitalaren metaketak norbait ez duela asetzen, zeren hori jada badute. Botere egarria da, besteen gainetik egon beharra, besteei agindu beharra. Hierarkia hori. Besteak menderatu beharra.