Astelehenean 9etan elkarretaratzea: Cabezudoren kontrako «epaiketa nagusia»

Biharko elkarretaratzea

Bihar, 2022ko martxoak 7, goizeko 9:00etan 684/2013 sumarioaren epaiketa hastearekin batera, KOTE CABEZUDOREN BIKTIMONTZAT JUSTIZIA! plataformak elkarretaratzea deitu du Gipuzkoako Foru Auzitegiaren aurrean, Donostiako San Martin kaleko 41. zenbakian.

9 urte pasa direlarik prozesua hasi zenetik. Oihana Ezkerro eta Mario Diaz abokatuek 17 emakumeren akusazio partikularra zuzenduko dute eta ia 2.400 urteko espetxe zigorra eskatuko dute akusatuarentzat, eta 2 milloi euro indemnizazio ordezkatzen duten emakumerentzat. Baliteke, nork daki, hilabete baten edo biren buruan, prozesu hau sententzia batekin bukatzea.

Insha Allah!

Kote Cabezudo Auzia

Donostiako ‘izen oneko’ argazkilari ospetsua izan da Jose Juan Cabezudo Zabala (Donostia, 1948), Kote Cabezudo izenez ezaguna dena. Donostiako Jet Set deiturikoarekin ondo lotua egon da beti. Modelo izatearekin amesten zuten haur eta nerabeei egiten zizkien argazkiak.

Bestetik, bere argazki platoan bazituen ezkutuko kamerak. Besteak arropaz aldatzen ari zirela grabatzen zituen, eta bazituen beste hainbat teknika ere, sakonagoak, pixkanaka-pixkanaka azkenean gazteak sexualki erabiltzeko, bai berak, bai senatariek, bai kazetariek, bai abokatuek, bai enpresariek…

Honek guztiak hamarkadatan iraun du. Bitartean, eta ez arduradunek jakin ez dutelako (alderantziz baizik: ondo mantendu eta lagundu nahi zutelako), TeleDonostik, EiTBk, El Diario Vascok eta beste hainbat irratik eta egunkarik, denek goraipatu eta laudatu dute argazkilari ‘artista’ hau. BBK-k eta Kutxak finantziatu dituzte bere argakzi bildumak eta liburuak. Euskal Aktoren Batasunak eta bereziki First Models agentziak ehunka haur bidali dizkio bere estudiora, urtero-urtero. Garberan TeleDonostik eta First Models-ek antolatzen duten «Concurso de ojos bonitos» taldean aukeratzen zituzten berarentzat eta bere lagunentzat gustukoak. Udaletxeak gizonentzako finantziatutako bere liburu batean, 2017an, ez zen erreparorik izan publikoki idatziz aitortzeko “Percuta” deitzen ziotela. Aldundiak Perkuta honi webak diruz laguntzen zizkion, handik urtetara frogatu denean haurrei grabatutako pornoa zabaltzeko erabiltzen zituela web gune horiek, hain zuzen… Non daude lagun hauek guztiak orain?

Lehen emakume batek 2013an jarri zion ondo ezagutzen dugun lehen salaketa, Cabezudok ateratako argazki sorta baten eskubideen afera baten inguruan. Ezin zuten imaginatu ere egin lehen salaketa horrek ekarriko zuen guztia.

9. urtera iritsi garenean, salatzaileen kopuruak handitzen jarraitzen du, salatuko diren delituen zerrenda ere gora doalarik: abusuak, haur korrupzioa eta bortxaketak penetrazioekin, adin txikikoei barne.

Eta, harritzekoa den arren, erabateko isilpean gorde zitzaizkigun sumarioaren instrukzioaren lehen bost urte luzeak. Madrileko kazetari talde batek argitaratu zuen zerbait, eta Senegalen ere bai, baina Euskal Herri osoan ezer ez zen publikatu 2018ra arte. Larriagoa dena: publikatu egin zen zerbait, bai, dena “Fake News” bat zela alegia, —20 urtez alkate izan zen Odon Elorzaren hitzetan— “una campaña de desinformación de la extrema derecha española,” bera desprestigiatzea bilatzen zuena. Eta, aitzakia horrekin, denak zirudien “fake”, hainbat hedabideetan zabaldu den bezala: Diario de Noticias, El Diario Vasco, Euskadi Irratia… Denek zabaldu zuten ikuspegi hori bakarrik, eta gizartearen parte ezjakin handi batek sinistu egin zuen.

Horri erantzuteko, urte hartan bertan sare sozialetan gaia lehertzen hasia zela jada, salatzaileen abokatuaren bidez alde batetik, eta KOTE CABEZUDOREN BIKTIMONTZAT JUSTIZIA! plataformaren bidez bestetik, antolatu eta maiatzaren 4an kalera atera eta ezagutzera eman zuen bere ikuspuntua plataformak: «benetakoak dira salatzaileak, gure artean daude eta ezagutzen ditugu», hedabide guztietan jasotzen hasi zen bezala. Egun horretatik, Martutenen dago Kote Cabezudo. Hau jada duela lau urte gertatu zen, beraz, ia amaitua du behin-behineko espetxealdia. Herriak inongo presiorik egingo ez balu, nork daki zer gertatuko litzatekeen epaitegietan.

Prozesu hau bera bortxaketa handi bat da. Ausartu eta etorri kontzentraziora, astelehenean goizeko 9etan, aurpegia ematera, beldurrik gabe!

Animatu!