2022ko maiatzaren 12an idatzia
Gaur goizeko 10:15ean, Senperen 3 urteko alabarekin erosketa bat egin ostean, uniformerik gabeko espainiar indar zapaltzaileetako bi agentek abordatu eta mehatxatu naute.
Segidan kontatuko dut gertaturikoa:
Goizean, bi semeak haien ikastetxean utzi ondoren, Senpereko Intermarchera joan naiz alabarekin erosketa bat egitera.
Erosketa bukatzean aparkalekuan utzia nuen autora itzuli naiz, eta alaba besoetan, erositakoa autoan sartzen hasi behar nuen unean, bi gizon gerturatu zaizkit “Epa Eneko!” esanez.
Ez zaizkit ezagunak egin eta begira gelditu naiz. Orduan espainolez mintzatzen hasi zaizkit eta segidan ulertu dut bi espainiar agente zirela.
Esan didate “conocemos tu pasado en la Organizacion”, ETAri erreferentzia eginez, eta nirekin gelditu nahi zutela “guzti horretaz mahai batean lasai hitz egiteko”.
segidan ulertu dut
bi espainiar agente zirela
Nik erantzun diet ez nuela beraiekin hitz egingo eta aurpegiratu diet ni beldurtzera etorri izana, erantsiz badakidala nolakoak diren eta erantsiz bere garaian torturatua izan nintzela.
Berriz errepikatu didate nire iragana ezagutzen dutela eta esan didate “kontaktatuko” nautela. Nik esan diet ezetz, ez dudala beraiekin hitz egingo eta ni beldurtzera etorri direla inongo auzitegiren prozedurarik gabe.
Orduan errepikatu didate, nik nahi ez izan arren, “kontaktatu” egingo nautela eta hori mehatxu argia da nirekiko.
nik nahi ez izan arren, kontaktatu egingo nautela, eta hori mehatxu argia da nirekiko
Lehendik, duela urteetatik, jarraipenak egin dizkidate, baina gaur urrats bat haratago joan eta abordatu naute (50 urte inguruko bi gizon ziren) zuzenean mehatxatzeko.
Indar armatu okupatzaileak jaun eta jabe dira gure herrian, inpunitate osoz segitzen dute nahi dutena egiten eta edozer egin dezaketela jakinda nire babesgabetasuna erabatekoa da.
zeozer gertatzen bazait, espainiar okupatzaile kriminalen erantzukizuna izanen da
Beraz, kontatzen dut, jakiteko etsaiek nola jokatzen segitzen duten eta jakinarazteko zeozer gertatzen bazait espainiar okupatzaile kriminalen erantzukizuna izanen dela.
Hemen “bakea”, “elkarbizitza” etabar fartsa bat dira. Hemen Espainiak eta Frantziak okupaturik segitzen dugu eta nahi dutena egiten dute nahi dutenean.
Argi dut nirekiko jazarpena hori salatzen eta ahal dudan heinean borrokatzen jarraitzen dudalako burutzen dutela. Eta egoera hori aldatzen ez den bitartean eta bizi naizen artean horrela egiten segituko dut.
Denbora dudanean formatu formalago batean idatziko dut. Milesker hedapena emateagatik.
INDAR OKUPATZAILEAK KANPORA!
GORA EUSKAL HERRIA ASKATUTA!
