Iñaki Mata

Iñaki Mata Independentearen euskarazko baraualdi autoeratuaren arduraduna da.

Euskal aktore, egile eta titiriteroa. Antzuolan (Gipuzkoan) jaio zen 1964ko urriaren 27an. Antzerki-arloan hasi zen lanean 1987. urtean, TAUN TAUN txotxongilo-taldearen sorreran eta zuzendaritzan parte hartuz.

1998. urtetik aurrera KILIMILIKLIK txotxongilo-taldearen ardura hartu zuen eta 2000. urtera arte, Zugarramurdiko (Nafarroa) txotxongilo-aretoaz, kobetako AKELARRE ikuskizunaren zuzendaritzaz eta Nafarroako herri horretan dagoen Sorginen museoaz arduratu zen, taldearen eskutik. Euskal Herriko beste antzerki-talde batzuekin elkarlanean ere aritu izan da, zuzendari eta zuzendari-laguntzaile lanetan eta baita txotxongilogintzan eta aktore-lanetan ere. Horrez gain, hitzaldiak, formazio-ikastaroak eta txotxongiloak maneiatzeko ikastaroak eskaini izan ditu Euskal Herrian, Espainian, Erdialdeko Amerikan eta Hego Amerikan.

2007. urtean talde independentea sortu zuen eta, bere izena erabiliz, ikerketa-proiektu propioak egiten hasi zen. Hemendik sortu zen BARRERAS, 20 herrialde baino gehiagotan eskaini duen lana, konpromisoa eta esku-hartze hiritarra biltzen dituena

Gaur egun, bere herritik jarraitzen du lanean, sormen-espresioaren modu berriak ikertzen ditu, TAUN TAUNen produkzio berrietan parte hartzen du eta prestakuntza-ikastaroak eskaintzen ditu.

https://inakimata.blogspot.com/