/ Utzi pakean
Iruña-Veleiako grafitoen aurkikuntza eta aurkezpen publikoa duela 20 urte egin zuten. Urteurrenaren ospakizuna egin zuten joan den ekainaren 7an eta bideo honetan jaso dugu. Txalapartariak bertaratu ziren eta, ondoren, omenduen familiartekoek hitz batzuk egin zituzten, benetan hunkigarriak. Izan ere, Henrike Knörr, Jose Luis Alvarez Enparantza Txillardegi, Emilio Illarregi, Iñaki Aldekoa, Jose Ignacio Vegas Aranburu, Gontzal Fontaneda eta Jose Antonio Villar omendu zituzten gure ondare arkeologikoaren eta euskararen historiaren aitortzaren alde egindako lanagatik eta izandako konpromisoagatik. Eliseo Gil eta Idoia Filloy arkeologoek ere hitza hartu zuten eta aztarnategiaren bisita gidatua egin genuen. Herri-bazkariarekin eta kantuan bukatu genuen ospakizuna.
Euskaldunok gure kontakizun propioaren beharra dugula azpimarratu du Eliseo Gilek
