Globalismotik bultzatutako COVID plandemiaren ardatza izan dira propaganda eta informazioaren kontrola, eta horrela izaten jarraitzen du. Orain Suediako Nobel Akademiari bere aletxoa jartzea tokatu zaio Katalin Karikó eta Drew Weissman ikertzaileei Medikuntzako Nobel sariak emanez. Bata zein bestea RNAm-an oinarritutako “txertoen” garapenerako aurkikuntzengatik saritu dituzte. Nik ez dut dudarik biak ikertzaile bikainak direla eta biologia molekularrean egin dituzten lanek mereziko zutela Biologiako Nobel bat, baina Medikuntzakoa? Nik dakidanez, mederi latinezko hitzak osatzea esan nahi du eta, Wikipediak dioenez, osasunaren zientzia da. Big Farmari faborea eginez, Suediako akademiak RNAm “txertoak” jartzen ditu milioika bizidunen salbatzaile moduan saria emateko, eta bai zera!
Henrion-Caude doktorearen esanetan, Azti ikasleak (Les apprentis sorciers) bere liburuan agertzen den moduan, oraindik ezin da esan RNAm-an oinarritutako terapia genikorik egon denik emaitza onik eman duenik. 1989 urtean, Robert Malonek RNAm igelen arrautzetan txertatuz lortu zuen berak nahi zuen proteina bat sortzea eta, hortik, 2000 urtean prostatako minbizia sendatzeko gaixoekin egindako saiakerak porrot egin zuen, baita larruazaleko minbizirako egindako saiakerek ere, 2005ean. 2009an birikietako zelula txikien minbiziarekin, GIBarekin, glioblastomekin, hegazti gripearekin, 2 motako diabetesarekin… egin ziren probak, eta denek emaitza kaxkarrak eman zituzten. 2020 urtera arte, terapia mota hau gizakiengan erabiltzea DEBEKATUTA zegoen. 2022ko martxoaren 10ean, Pfizerreko zuzendari nagusia den Albert Bourlak onartu zuen: “RNAm-an oinarritutako teknologiak ez du inoiz emaitzarik eman orain arte: ez txertoetan ezta bestelako medikamentu bezala ere”.
2020 urtera arte, terapia mota hau gizakiengan erabiltzea DEBEKATUTA zegoen
Baina COVIDarekin dena aldatu zen; nahiz eta txerto bat frogatzeko 3 fasedun 10 urtetako ikerkuntza beharrezkoa den, alarma egoeragatik eta “beharragatik” ikerketaren bigarren fasea ere egin gabe, terapia esperimental hau masiboki txertatua izan da ia mundu osoan. Eta nola funtzionatzen zuela saldu ziguten? Esan ziguten “txertoak” RNAm zatitxo bat zeramala nukleosido (kapsula) baten barruan, sorbaldako deltoide muskuluan geratuko zena, eta han zeuden zelulei koronabirusen azaleko arantza (spike) proteinak odolera jariatzeko aginduz, hauek antigeno moduan gure immunitatearen erantzuna (antigorputzak) sortuko zutela, horrela COVIDetik babesteko eta osatzeko. Kaka zaharra!!!
Hainbat ikertzailek eta adituk salatu dute azalpen hau guztiz faltsua dela: RNAm gorputz osora zabaltzen da, eta spike proteina sortzen etengabe aritu daiteke, hau da, ez dago modurik guk sortutako antigeno horiek gerarazteko. Gogoratu COVID-koronabirusaren eragin patologikoa arantza proteina horietan dagoela. Proteina horien jario jarraituak gure defentsa sistemaren ahuldadea dakar, gorputz osoan inflamazio kroniko bat eraginez eta gure gorputzak berak geure atal batzuei erasotuz, hots, auto-immunitatea garatuz. Adibidez, hori omen da bihotz hormetako arazoen (miokarditis) iturria, ikertzaile batzuek arantza proteinak aurkitu baitituzte ehun kardiako inflamatuetan. 2020ko ikerketa batean, spike proteinak txertatu zituzten arratoietan, eta burmuineko ehunetan berehala agertu ziren, hau da, muga hematoentzefalikoa ere gainditu zuten. 2021eko artikulu batean azaldu zuten nola arantza proteinak, odol plasmarekin nahastuta, koaguluak edo odolbilduak sortzen dituen. 2022an, spike proteina hauek zebra arrainetan (geneetan gure parekoa den animalia) txertatuz, hil egiten zirela ikusi zuten, proteina toxiko hauek gibelean, giltzurrunetan, obulutegietan eta burmuinean agertzen zirelako. Beraz, txerto hauen segurtasuna oso zalantzazkoa dela konturatuko zineten, ezta?
“txertoa” hartzea COVID gaixotasuna pasatzea baino askoz arriskutsuagoa dela ondorioztatu dute beste ikertzaile batzuek
Horregatik, “txertoa” hartzea COVID gaixotasuna pasatzea baino askoz arriskutsuagoa dela ondorioztatu dute beste ikertzaile batzuek, baita gure immunitate naturala askoz hobea dela ere, txertoenarekin konparatuz. Zorionez, txertoen konpainia fabrikatzaileetan, RNAm mantentzeko txerto-ontzitxoek ez dute tenperatura egokia mantendu, ontzi horiek beira gardena baitzuten iluna beharrean, eta Moderna eta Pfizerren produktuak arin iraungitzen dira.
Txarrena izan da FDAk (farmakoen kontrolerako Amerikako Estatu Batuetako agentziak) eta Europako homologoek txertoen arriskuez bazekitela. AEBko epaile batek behartu du FDA Pfizerrek bidalitako 450.000 dokumentuak publikatzera eta, astero-astero ateratzen diren 10.000 orrialdeetan, ikertzaile independenteek aurkitu dute ”txertoa” sartu eta berehala 1.200 hildako egon zirela, emakumeek bereziki ondorio larriak jasan zituztela (antzutasuna, minbiziak,…) eta abar. Informazio hau, teorian, 75 urte barru ateratzeko asmoa zuten (?!!) eta bitartean etxe farmazeutiko hauek 1.000 dolar segundoko irabazten; aurpegi gogorra izan behar da gero.
Ez luzatzegatik, ez dut aipatuko RNAm terapiak zer eragin dezakeen gure genoman, baina, aurreko guztia irakurrita, Medikuntza Nobel Saria ondo emanda dagoela uste duzue? Nik behintzat ez.
Baina zer espero dezakegu Nobel sarietaz? Izen polit horren atzean dirudi gizateriaren gorena saritzeko ezer dagoela sartuta dugu muinetarano, baina nor zen ba Nobel jaun hori?
Ez al zen Dinamita ekoizten aberastu zen tiparrako bat?
Eskerrik asko, Angel, halako informazioak behar-beharrezkoak ditugu. Asko kostatuko da mito bihurrarazitako arrisku bat biluzten, baina segi egin behar.
Izan ongi.
Bai, biologiaren kontrako medikuntza inperioa.
$$, orain mendeko Schutz truppen.
Eskerrik asko Angel RNA-m gaia hain ondo azaltzeagatik. Bere garaian egindako froga horiek, emaitza txarrak baino eman ez zituztenak, erakusten dute, esperimentu hori milioika gizakiri engainatuz eta inokulatuz, krimen bat egin dutela. Txertoen argiaren eta tenperaturaren esposizioaz kontatzen duzuna dramaren barruko zorte bat da; izan ere, katastrofea minimizatu egin da.
Novel sariari dagokionez, iraingarria da pertsona horiei ematea, Baina Novel saria beste batzuetan nori eman dioten ikusita, sari horrek ez du balio errealik, beste gezur bat da, gaur egun, zoritxarrez, askok oraindik sinesten dutena.