Agente aktiboa
Isiltasunak eta konformismoak normalak diruditen mundu honetan, aldaketaren agentea bilakatzen den ekintzailea edo enprendedorea da benetako ekintzailea, aldaketaren, birrekitearen agentea.
Enprendedore izatea ez da edonolako enpresa bat sortzea bakarrik, enprendedorea ere bada eztabaida eta iritzi guneak hedatzen, zabaltzen saiatzen den ekintzailea. Kritika guneak sortzea, hor egotea. Molotov koktela ideiaz bete eta jaurti dezagun goitik behera ezarri eta inposatu diguten guztiaren, dugun herri-dekoratu faltsu honen aurka, eta itxurakeria hori gu zapaltzeko, lasaitzeko, ahultzeko, gure lanaren eta ahaleginaren etekina lapurtzeko prest dagoen makineria hutsa den horren aurka.
Zentsura, gizarte-kontrola, lapurreta, arpilatze fiskala gero eta makurragoak dira
Hori guztia gero eta konplikatuagoak eta sofistikatuagoak diren tresnen bidez egiten dute. Zentsura, gizarte-kontrola, lapurreta, arpilatze fiskala gero eta makurragoak dira. Izan ere, gizarte-anestesia ez da biderik egokiena; ez guretzat, ezta hurrengo belaunaldientzat ere.
Lokartze orokor honetatik iratzartzeko bada bide bat, beste hainbaten artean, zeure bizitzaren, zeure historiaren protagonista bilakatzea nahi izanez gero behintzat. Zure ordez beste batzuk idazten saiatzen diren historiak ez, baizik eta, benetan esanda, zuk zeuk zuzendu eta idatzi behar zenukeen historiak izan beharko luke giltza.
Aldaketa honetan, norbanako bakoitzak hautatu behar du bere eginkizuna
Jende multzo bat izango da aldaketa horren protagonista. Beste batzuek, aldiz, bere sudurren aurrean pasatzen ikusiko dute. Aldaketa honetan, norbanako bakoitzak aukeratu, hautatu behar du bere eginkizuna edo rola. Baina bada leku bat, AMESLARIEN KLUBA deitzen zaion leku bat hain zuzen, jakin badakitena benetako aldaketa ikusle hutsa zena AGENTE AKTIBO bilakatzen denean gertatu ohi dela. Galde iezaiozu zeure buruari, klub horretako, AMESLARIEN KLUB horretako bazkide zaren ala ez.
Non edo non irakurri eta berridaztea bururatu zaidan ideia besterik ez da… baina mamitsua.
Aupa!
Ameslarien kluba gero eta kide gehiago biltzen ari da, inposatzen diguten distopia ilunetik at, beste errealitate bat asmatzea eta gorpuztea posible dela dakiena …Gure baitatik hartutako indarrak balia ditzagun ametsak egi bihurtzen!
Txalo eta besarkada bat!
Zoragarri, Iñaki! Ez dakit zenbat aldiz irakurri dudan artikulua goizean zehar. Nola esan daiteke hainbeste hain hitz gutxitan. Mila esker!
Ba da denboralditxo bat nik klub honetako karneta atera nuela, hau da, bazkide egin nintzela. Ordundik kuota ordaintzen nago, baina ez zait gogaikarria egiten, guztiz kontrakoa.
“Nola bizi nahi dugun” hausnarketa hau faltan somatzen dut gaur egungo gizartean. Horregatik agian gurekin egiten daude guzti hau azken urteetan… Norbaiti entzun nion (irakurtzen banau, ea konturatzen den, kar, kar) guzti hau posible izan dela “bere baitatik erabat deskonektatukako izaki bat” nagusitzen delako mendebaldeko mundu industrializatu, teknologizatu eta lobotomizatu honetan.
“Esnatze” terminoa nahiko eskuztatua dago iada, baina barruraka begira ez bagara jartzen orain, ez da inoiz izango. Aprobetxatu dezagun Kali Yuga-ren aro hau sakon eta barruraino bizitzeko.
Ohore bat Ameslarien klubaren partaide izatea aukeratu dogunon txoko honetan egotea benetan.
Zoragarria idatzia Iñaki.
Kaka mierda hau gaindituko dauena Ameslarien kluba izan behar da bai edo bai.
Nork asmatuko dau bestela izaki bezala merezi dogun mundua? Ba geuk. Lehenengo amestu eta ideien munduan eratu eta ondoren gorpuztu. Pertsona bakoitzak bere talentuak, interesak eta arima biztuten deutsona eukiko dau eta hori da geure altxorra, pasioz ataraten dana.
Aurrera ameslari maiteak, jarrai daigun, ondo goaz!!!
Ekile: langile baino gehiago!
(https://studylib.es/doc/6612620/ekile-klasea-euskal-herrian-conocer-la-propia-clase–para
(zaharra baino…) )