Uztailaren 23ko hauteskundeetako emaitzak begiratzen, gehien harritu nauena parte-hartzearen igoera izan da. Eta hurrengo egunetan, datuak prentsan begiratuz, beste zerbaitek harritu nau: nola da posible parte-hartzea handitu egin dela esatea, herri gehienetan jaitsi egin bada?
Bizkaiko datuak herriz herri aztertuz, 5.000 lagunetik gorako herrietatik, soilik Getxon (+%0,74), Muskizen (+%0,97) eta Lekeition (+%0,71) igo da parte-hartzea.
Beste Bizkaiko herri handienetan jaitsi egin da: Bilbo (-%1,71), Barakaldo (-%2,24), Santurtzi (-%1), Portugalete (-%1,43), Basauri (-%4,11), Leioa (-%1,23), Galdakao (-%1,61), Durango (-%1,99), Sestao (-%1,8), Erandio (-%2), Zornotza (-%1,09), Mungia (-%1,64), Bermeo (-%2,29), Gernika (-%2,99), Ermua (-%0,54), Sopela (-%3,19), Trapagaran (-%1,29), Arrigorriaga (-%0,67), Etxebarri (-%2,45), Abanto-Zierbena (-%1,45), Ortuella (-%2,33), Ondarroa (-%0,97), Zalla (-%0,65), Abadiño (-%2,87), Balmaseda (-%0,27), Berango (-%1,51), Elorrio (-%3,68), Derio (-%2,13), Gueñes (-%2,49), Gorliz (-%0,86), Urduliz (-%1,65). Ikus hemen: https://zenbaketa.naiz.eus/eu/
Zer gertatu da? Edo hobeto esanda, zer egin dute?
Orain dela 4 urteko atzerriko botoen osteko ehunekoa, aurtengo atzerriko botoen aurreko ehunekoarekin konparatu.
Kongresuko hauteskundeetako erroldak bi zati ditu: berton daudenak eta atzerrian daudenak.
Bizkaian 2019an: berton 909.639 eta atzerrian 39.954, guztira 949.593. Atzerriko ia 40.000 lagunetik, 37.000 lagunek ez zuten botorik eman. Horrela 2019ko azaroko hauteskunde eguneko parte-hartzea %69,37koa izan zen, atzerriko zenbaketaren ostean %66,76 jaitsi zelarik. Eta bide batez, PP-k parlamentari bat lortu zuen, EAJ-ren kaltetan.
Bizkaian aurten: berton 900.614 eta atzerrian 42.368, guztira 942.982. Hauteskunde eguneko parte-hartzea, %67,88koa izan zen. Aurrekoetan baino %1,49 gutxiago. Eta atzerriko botoen zenbaketaren ostean, parte-hartzea %65,34an gelditu da.
Hau da, Bizkaian, 2019an baino %1,42 gutxiagok hartu du parte. Araban, %0,99 gutxiagok, Gipuzkoan %1,38 gutxiagok eta Nafarroan %0,45 gehiagok. Orotara, Hego Euskal Herrian, parte-hartzea %0,94 jaitsi da.
Zer izan da? Akatsa? Gezurra? Adarjotze klimatikoaren beste ondorio bat?
Balorazioak, beste norbaitentzat uzten ditut.
Jada ez nau ezerk harritzen, Negu Goriak abesten zuen bezala, manipulazioak, nonahi dago.
Eskerrik asko ematen diguzun informazio eta datu argiengatik.
Getxon, Algorta auzoan, Neguri eta Areeta auzoetan espainiar eskuindar asko dagoenez, jende asko mobilizatu da VOX etorriko den beldurrarekin. Nire ustez, ez da datu kontrastatu bat, nire dibagazio bat baino ez da, argi geratzen dena, udalerri honetan “poder adquisitivo” handiena duen udalerrietako bat denez, seme-alaben indizea handiagoa dela. Beste leku batzuetan ikusten dut 40 eta 60 urte bitarteko jendeak seme bakarra duela; hemen, berriz, bi eta hiru bitartekoak dira. Horrekin uste dut botoa emateko aukera izan duten gazteak, eta haiekiko errespetu guztiarekin, errua ez dutelako, oso lekuz kanpo daudela, ez dela haien errua, eta beldurraren politikan konfiantza izan dutela eta botoa ematera buruz joan direla, parte-hartzearen ehunekoan eragin handiagoa izanik.
Gorriaken “R” bat galdu egin dut, aix!!
Kontutan hartu behar da azkeneko Espainiako hauteskunde orokorrak, 2019ko azarokoak (konparaketak horiekin egiten baitira) “errepikatuak” izan zirela eta, hauetan, abstenzio maila handiagoa izan zen hauteskunde errepikatuen patroietan ikusten den bezala (2019ko bietan
Espainian parte hartzea %71,76tik %66,23ra jaitsi zen; 2015ko %69,67tik, 2016ko “errepikatuen” %66,48ra jaitsi ziren). Beraz, konparazioetarako, 2019ko apirileko hauteskundeak kontutan hartu beharko ziren, nire ustez.
Kontua ez da zerekin konparatu, nik ez dut erabaki zerekin konparatu, baizik eta konparazio ‘okerrik’ ez egitea. Datu zuzenak ematea. Egia esatea. Nola da posible komunikabide guztiek ‘akats’ berdina egitea?