Proposamen krudela
Bidenek Palestina Nazio Batuen Erakundean sartzea galarazi ondoren, orain Trumpek Gaza berreraiki eta negozio turistikora bideratu nahi du. Horregatik, badakigu bere esku dagoen guztia egingo duela auziak aurrera egin dezan, nahiz eta bi milioi palestinar ebakuatu edo israeldar bahituek bizia galdu.
Hala, AEBko Trump presidenteak esan du, Palestinako Hamas erakunde politiko eta militarrak bahituak askatzen ez baditu, infernua eragingo duela. Trumpek ez du esan, ordea, Hamasek egiten duena egiten duela, palestinarrei berdin zaiela, Trump larderiatsuak eta Netanyahu odoltsuak, nazioarteko legedia urratuz, erabaki dutelako palestinarrek beren lurra utzi beharko dutela.
Beste kontu bat da lortuko ote duten.
Gogora dezagun Israelek eta Hamasek, Palestinako erakunde politiko militarrak, su-etena sinatu zutela haien artean zuten liskarrari amaiera emateko, baina Israelgo gobernua ez da hitzartutakoa betetzen ari. Adibidez, Gazako iparraldera joandakoen itzulera atzeratzen ari da, edo Gazako eremuei erasotzen jarraitzen du, tiro eta artilleriarekin. Gauzak horrela egonda, ezinezkoa da Hamas erakunde politiko-militarrak inor askatzea, eta, hala egingo balu ere, uste dut ez lukeela inolako eraginik izango herri palestinarrarengan.
Nolanahi ere, ez dut uste Trumpen ideia zentzugabe hori aurrera aterako denik, bai gazatarren erresistentziagatik, bai herrialde desberdinetan edo munduko herritarren aldetik, adibidez, egiten diren ekintza solidarioengatik.
“Gaza, tourism ressort, Riviera, …”
Holako xelebrekeria ankerrak horren modu cyborg/zaborretan zabal-zabal iragartzen dabezanean “politikari”-txotxongilo istilu-sortzaile, xaxatzaile horiek, burura datorkidan lehenengo kontua: zer izkutatu nahi ote digute, jendearen arreta horra hain zabarki bideratu nahi daben bitartean?
Probokazioa ageri-agerian, media orotan jendea horretara begira, eta bitartean, azpiko lurretako mundu horretan zertan saiatzen ari ote dira ekin eta ekin?
Magoen dinamika ez ote horrelakoak? Danon arreta puntu batera eraman, beste aldean nahi beste astakeria askekeria osoz egiten daben bitartean?
Guggenheim Urdaibai eta Unai Rementeria/Elixabete Etxanobe (BFAko “buru”ak, ohia eta oingoa)
“panpinak” datozkit gogora, gurean. Horrelako kontakizun tokiz kanpoko xelebretan hainbeste urte dabizenean jo ta ke matrakan, hainbeste arreta hortaratua, zetan ez ete dire ari, bitartean?
Zein dugu gure inguruan aditu, propaganda, operazio psikologiko eta jende-tropelak maneiatzeko teknika hauetan?
Zinez eskertuko genuke kontu eta kontakizun hauen gainean gehiago ikastea, eguneroko buru-babeserako eta.
ge
ps. Hau be interesgarria: https://corbettreport.com/episode-463-the-gaza-holocaust/