Burujabetzaren 1. Bilkura
Ostegun honetan, abenduaren 18an, Bilbon
Auzolanak, Batzarrak, Komunalak…
Esperientziak, Teoriak, Gogoetak
16:00etan Bilboko Elkanoko Eskolan
Norekin
- Iñigo Larramendi (Nabarralde)
- Mati Iturralde (Arabako kontzejuak)
- Jone Alastuey (Nafarroa)
- Fernando Molinero (Bizkaia)
- Iratxe Lasa-Arana (Markina-Xemeingo alkatesa)
- Egoitz Garmendia (Otxandioko alkatea)
- Aia, Usurbil eta Hernaniko ekimenak
- Goiener eta Izarkom
- Patxi Azparren (Batzarren Errepublika)
- Gorka Torre (BatGara)
- Patxi Alaña (Biltzarre)
- Izan Auzokrazia
- Auzo elkarteen Saretzea, BDZ, DKNS
- Eta zuk ekar dezakezuna
685 272 958 (Xabier)
xabier.renteria@ehu.eus
Euskal Herria behetik zabalera
Burujabetza ez da subiranotasuna, euskararen zentzuan. Ez, behintzat, edozein subiranotasun, buruetan edo pertsonen partaidetzan sortzen dena baizik (bestela, elkar-jabetza deituko genioke). Honek esan nahi du euskaldunak demokraziari buruz duen ideia ez dela formala, hauteskunde-en eta ordezkarien bidezkoa. Nahitaez, emokrazia partehartzailea edo zuzena da.
Praktika horiek bultzatu nahian eta aldarrikapen historikoei jarraipena eman nahian, Burujabe proiektua dugu eskuartean zenbait herri erakundek (besteak beste, Biltzarre, Eus Ildoa edo DKNS). Euskal Herria behetik gora edo, hobekiago esan, behetik zabalera nola eraiki izango da hizketa gai:
- Jendeak instituzioetatik kanpo beharrak eta nahiak asetzeko dituen ekimenak, erabakimena besteen ordezkaritzari eman gabe (udaletxeek hori onartzen edo bultzatzen dutenean gogoratuko dugu ere).
- Horiek saretzeko eta xaxatzeko diren ekimenak.
- Azkenik, Euskal Herria ‘beheko’ erabakimenak saretuz eta uztartuz eraiki dezakegun.
Lagunarteko formatua izango da, ez akademikoa. Hitzaldi luzerik gabe, 5-10 minututan bakoitzak bizi duen ekimena azalduko da, elkarrizketak lehenetsiz. (Ez da aurkezpen digitalik behar, baina inor balego hori ezinbestekotzat jotzen, bideratuko dugu). Gero, bateratzeak.
Lekua: Bilboko Elkano kalea 21 (https://maps.app.goo.gl/RESxvccB41z1QWPg7), Eliptika enparantzatik gertu (Moyua du izen formala). Metroa gertu dago, Abandoko tren geltokia ere, busak ugari eta nonahi… Aparkalekua ere hor parean, ordaintzekoa baina. Norbaitek beharrezkoa edo oso lagungarria ikusten badu aparkalekua dohainik, esan diezadala eta eskolako parkingean lekua erreserbatzen saiatuko naiz (beti daude horrekin arazoak, baina tira) (bi aparkalekuen sarrera da https://maps.app.goo.gl/USkE22aFgqiEr4tc8). Edonola, aparkalekua ordainduko zaio behar duenari.
Hizkuntza kolonialean baino…
.
https://www.librote.com/libro/23028/nabarra-estado-y-democracia
Xabier eta lagunok! Eskerrik asko ekimenagatik!
Euskaldun pentsaekintsuak elkartzeko ekimen oro eskertzekoak jakuz!
Itxuraz, kantu eta dantzarako aukera gitxi izango dogu eguenean Elkanon ;-)!
Halan da be, Bilbora negoziotan etortekoak garenez juxtu egun horretan, akaso geu be B1Bra, eskerrik asko barriro be!
Kartelera begira, “Ba al dago Euskal Herria behetik gora eraikitzerik?”, hori irakurri dogu. Eta piztu, arean, be.
“Behetik gora” ez dot ondo ulertzen. Askotan entzuten dogu (eta esaten be, sarri, konturatu barik), baina burujatetzaren eta propagandaren, pentsamendu programatuaren katibu garelako ez ote?
Eta Euskal Herria “eraikitzea”, hankabidunen, (alderdi) politikoen ohiko kimera horietako bat ez al dogu? Humanoen gure-gurea den handi-uste hutsa?
Euskal Herria, izan, bada. Bizi, babiz. Niretzat, EH, labur, euskarazkoen arteko bizimodue.
Bizia da eta milaka lagun, kolore, gune, elkartze, uxatze eta elkar-topatze zoragarriz bizi-bizi bizi da euskal herria. Ezarri nahi dizkiguten ameka arau, aginte, eta pentsamolde “goi, behe, ezker, eskuin, urpean eta hegan” arnastuta ere, horien guztiek gaindituta, une oro han-hemen ernatuten dan euskal gogoaren emoitza.
Beste kontu bat, historiako liburuetan, eskoletan eta egunkari-telebista errepikakorretan sartu diguten pentsabide eta hiztegi propagandistiko hegemonikoa.
Horietatik zenbat eta askeago, are eta euskal-herrigo-biziko gara. Halan ote?
Ze, bizitza, konturatu barik di-da badoa hegan, kasu!
Gaur jakin dogu etxean, Joseba Bidaurrazaga joan egin da aurreko zapatuen.
A ze zuloa, hau negargura!
Eta a ze betekada, zeugaz izandako hartu-emon soil haietakoa.
Beti gogoan, beti euskalerri, Joseba, mila esker danagatik, zarenagatik ;-)!
Gentza Eleder
ps: Euskal herriak bizi-bizi bisitatu gaitu azken boladan, USA elkarteko hasierako urratsetan, egunero-egunero. Hor dago ate-joka tok-tok, bazter guztietan, lurrari, baserriari, jatekoak ekartekoan alkarri lotuta dabilen jende-modu horrengan!
A ze gozamena!
Aizue, asteotan ezaututako atomo libre horien artean bat jatorta zihetz eta argi barrura, BruxLi (Bruce Lee-zalea omen zan-eta, umetan)! Arratzuko bere auzo-herrietan, kiwixek batuten auzolanien, eta hak-bai eskolatik kanpoko unibertsitatea, periodikuetan agertuko ez bada, ziur aski, inoz ;-)!
Aska gaitezen tanto askeago gero-ta, eta lot gatxakozan alkarri euskerazko itsasoan, horra euskalerri askatu lotu ezina!
Mila esker berri emateagatik, Eleder.
Atsekabean lagun, Angel, eta Bidaurrazaga familia.
Besarkada bat.