Osasun-balantzea egiteko datu interesgarriak argitaratu dira 2025ean zehar

Albiste mediko disidenteak

1

2025eko abenduaren 15ean, Alemaniako parlamentuko pandemiari buruzko batzordean, Jens Spahn ministro ohiak, COVIDaren krisi garaietan osasun-ministro izandakoak, onartu zuen “txertoak” froga gisa merkaturatu zirela eta kutsaketak etetea ez zela helburua, nahiz eta kontrakoa adierazi urte batzuk lehenago. Kolokan geratu da Koch ikerketa-erakundearen izen ona; izan ere, nahiz eta politikarien erabakiak oinarri faltsuekin hartuak izan, ez zituzten atzera bota publikoki. Ez txertatuen pandemia deitutako kanpainari aurre egin ez izanak agerian utzi du zientzialari askoren gezurrezko onarpena; zientzialari horiek jakin bazekiten birusa txertatuen artean hedatzen ari zela. Hala eta guztiz ere, COVID ziurtagiria zutenek abantaila sozialak eduki zituzten, itxialdia saihestuz, eta oinarrizko legedia eta eskumenak deuseztatu zituzten Europa osoan, Suedian izan ezik.

2

New Yorkeko auzitegi gorenak Amish familia batzuei onartu die ez zela derrigorrezkoa txertoak hartzea, beste epaile batzuek ebatzi zuten moduan. Gurasoen erabakimenaren eta erlijio-askatasunaren bermeak hobetsi dituzte politikoen erabakien gainetik. 2019 urtean New Yorkeko estatuak arau bat onartu zuen, eskola publikoetan sartzeko eragozpen erlijiosoen gainetik txertaketa derrigorrezkoa zela ezartzen zuena; kasu horretan elgorriaren txertoaz ari ziren. Aipatutako Amish gurasoek 118.000 dolarreko isunak ordaindu behar izan zituzten seme-alabak ez txertatzeagatik.

3

FDAk onartu du COVID 19 txertoak umeen heriotzak eragin zituela. Vinay Prasadek sinatutako txosten batean adierazten da gutxienez 10 umeren heriotza txerto genetikoaren eraginez izan zela. Txosten hori filtratu egin zen eta, bertan azaltzen denez, txertoaren ondoriozko heriotza-tasa 100 kasutatik batekoa da, nahiz eta segur aski askoz ere handiagoa izan daitekeen. Jakina da, gainera, txertoen farmako-bijilantzia erakunde estatubatuarrak, VAERSek, ez dituela eragin kaltegarrien kasu guztiak jasotzen (benetan gertatzen direnen %10 jasotzen direla kalkulatzen da). Txosten berean, mutilengan milioi batetik 300 miokarditis kasuren arriskua kalkulatzen da. Lehenago, ikertzaile ugarik adierazi zuten ume eta gazteengan Covid arriskua oso txikia zela; horrela adierazi zuen, adibidez, Tracy Beth Hoeg doktoreak, zeinak bere kargua laga behar izan zuen FDAn bertan bere kontra jasandako presioengatik. Tracyk 2022an salatu zuen erabaki politikoak hartu zirela oinarri zientifikorik gabe eta osasunaren kaltetan. FDAren barne-txostenean adierazten da txertaketaren kalteak handiagoak izan zirela onurak baino eta, horregatik, Prasadek neurri batzuk proposatzen ditu etorkizunean erabakiak neurritasunez hartzeko eta erregulazio-sistema gogortzeko.

4

Epidemiology aldizkarian, 1.700.000 ume eta gazterekin aurten egindako ikerketa batek (Andrews eta beste) baieztatzen du txertatutakoek miokarditis eta perikarditis arrisku handiagoa dutela (10.000ko 0,22) eta, gainera, COVID gaixotasuna garatzeko aukera handitu egiten dela txertatuengan eta — beraz — txerto horren “babesa” ia hutsaren hurrengoa dela.

5

Long Covid edo Covid luzearen arrazoietariko bat odoleko mikrokoaguloen agerpenarekin lotzen da. Izan ere, horrek tronbo inflamazio kronikoa eragingo luke; hala dio 2025eko urriaren 2ko artikulu batek Journal of Medical Virology aldizkarian. Ikerketa horretan azaltzen da nola mikro-odolbildu horiek ez diren fisiologikoak; egonkorrak dira odol-bideetan eta fibrinaz osatuta daude. Odolbildu txiki horiek osasuntsu zeuden gizakiengan ere aurkitu dira. Aipatu ikerketak Covid luzearen sintomak zerrendatzen ditu eta azaltzen du ez dagoela modurik analitika normaletan mikrokoagulo horiek detektatzeko. Beste ikerketa batek esaten du Pfizerrekin txertatutako pertsona guztiek odolean aldaketa horiek jasan dituztela.

6

IMA elkartea (Mediku Independenteen Aliantza, MIA euskaraz) etikan eta ezagutza informatiboan oinarritutako medikuz osatuta dago eta AEBko Kongresuko politikariekin bildu da aldaketa sanitarioaz hitz egiteko. Ebidentzia zientifikoaren oinarritik abiatuta, kasu honetan, gurasoen eskubideak azpimarratu dituzte, Estatutik datozen neurrien aurrean babesteko.

7

B-Hepatitisaren kontrako txerto unibertsala kendu egin da AEBn. Aspalditik ari ziren mediku asko neurri hori hartzeko eskatzen, ez baitago arrazoi medikorik jaioberriei txerto hori jartzeko amak gaixotasun hori ez badauka. Nonbait entzuna daukat txerto hori jaioberriei jartzeko arrazoi mediko bakarra pederastak babestea dela.