Badatoz hauteskundeak eta etorri bezala joango dira, betiko errotan dena jiraraziz, gu labirintoan utzita.
Ez dute bizitzari bizitza deitzea mereziko lukeen gauzarik onbidean jarriko, betiko alderdi politikoek ez dutelako horretarako asmorik (nahiz eta pulpitutik hori adierazi) eta sortutako plataforma herritarrak egitura berdinean jokatzera behartuta daudelako. Benetako erabakiguneek oso urrundik eta oso gainetik ematen dituzte aginduak.
Benetako erabakiguneek oso urrundik eta oso gainetik ematen dituzte aginduak
Alderdi politikoek, beren heldugabetasunezko jokoekin, ezin dute antzinan errotuta dagoen emakumeen aurkako krimena gizartetik erauzi, ezin dutelako, ez dakitelako nondik hasi eta, kasu askotan, nahi ez dutelako.
Alderdi, plataforma eta enparauek, betiko ordezkaritza sistemaren antolamendu bidez ez dute umeen gaineko tratu txarra zein bortxaketa ekidingo, ezin dutelako, ez dakitelako nola eta kasu askotan jakin ere ez dutelako egin nahi.
Ordezkaritza piramidal horrekin jokoan dabiltzanek lurra maite omen dute, baina hori zer den arrastorik ez, haietatik inortxok ez baitu desazkundea aipatu ere egiten, eta horrek porlanizazioa, dependentzia eta naturaren suntsiketa dakar.
Ezkertiar horien arteko elementu batzuek beste ikuspegi bat adierazten dutenen aurkako jazarpen bortitz eta psikopatikoa erabili dute
Alderdi politiko zein egitura piramidal kapitalistek ez dute norbanakoon zein gizartearen osasuna bermatuko, osasuna zer den ez dutelako ikasi nahi, ditxosozko pandemia deiturikoan erakutsi bezala. Osasuna ez da negozio, osasun oro ez da ospitale. Baina osasunaren plangintza tekno-eliteetatik datoz aginduak eta alderdiak oso txintxoak dira. Botoa ematera deitzen gaituzten ezkertiarrak ere plangintza horren konplizeak dira eta ezkertiar horien arteko elementu batzuek osasunaren gaineko beste ikuspegi bat adierazten dutenen aurkako jazarpen bortitz eta psikopatikoa erabili dute.
Hauteskundeetara deitzen gaituzten alderdi zein plataformek ezin dute ezer konpondu herritar gehiengo eta xumeenaren denbora ebatsia itzuli ezin digutelako, ez dakitelako hori zer den, ez dutelako jakin nahi eta, azken finean, nahi ez dutelako (salbuespen txikiak salbuespen).
Egitura, elkarte, erakunde horiek guztiek ez dizkigute ongizate galdua eta oinarrizko sexualitatea berreskuratze bidean jarriko, ez dago halakorik haien programa eta plangintzetan, zapalkuntzaren pieza bat gehiago direlako (berriro azpimarratuz salbuespentxoak) eta nabarmen, ezin dutelako.
Esertzen bagara, elkarri begiratzen badiogu, non dugun min adierazi eta gure benetako beharrez hitz egiten hasten bagara, zer, gaizki? Ze, behin biziko, eta horrela?
“egitura berberean jokatzera behartuta”
Hala da, bai.
Gutxi izanik ere, egin dezagun ahalegin amiñia!
Oso gustora irakurri dut txukun txukun esaten duzuna Gorka. Zure hausnarketak partekatzen jarraitu.
Eskerrik asko Gorka,
eskerrik asko Independentea,
buru osasunerako eta barru orekarako arnasa ematen didazue!
“Benetako erabakiguneek oso urrundik eta oso gainetik ematen dituzte aginduak“
Beraz, ezin dute, ez dakite nondik hasi eta, gehienetan, ez dute nahi.
Horrexegatik, guztiagatik, gure esfortzu txikienak ere merezi du, sikiera gure txiki ta gazteen eredu izaten jarraitzeko.
Milesker Gorka
Nik beste iritzi bat daukat, zerbait aldatu nahi izanez gero, egin behar da herritarrari boterea hurbilduz, plataforma herrikoien bidez,bestela galduta gaude. Baina honek arazo handi bat dauka herritarren inplikazioa ezinbestean dela.
Mila esker Gorka