Osabide kolektiboa

Herriari dagokigu suizidio kolektibo horren ondorioak sendatzea

Albo kalte kontsideratu gintuztenon ondoeza denon ardura delako, osasun sareak garatu behar ditugu.

5

Aitzol Talavera

Sorkuntza, osasun mentala, euskara. Zornotza

Herria zaindu!

Gatazka guztietan bezala, gorabeherak egoten dira, baina galdu behar ez dena zaintza da.

Gurean, barne mailan, azken urteetan gerra zikin, botere harreman, bortizkeria, zatiketa eta tratu txar kolektiboaren ondorioz, txikian lan egitera behartu gintuzten, sareak berreraikiz.

Baina, ildo ofizialak hartutako ibilbidea aurrera eramatearren, tratu txar kolektiboak berretsi eta zaintzarik gabe utzi gintuzten dena ematen zutenen familiak, kideak, seme-alabak… OINARRIA. Zaintzarik gabe, entzunak izan gabe, parte hartzerik gabe, bazterrean utziak, jazarriak…

Horrek osasun ondorio larriak sortu ditu gure herrian. Osasun mental galera handiak eman dira. Trastorno larriak sortu ditu, eskizofrenia, bipolaritatea, depresioa, antsietatea, elikadura nahasmenduak, alkoholismoa… besteak beste. Eta, nola ez, alboan utzitako jende mordoa noraezean galdua.

Baina agintean daudenek beraien arduraz arduratu gabe segitzen dutenez, herriari dagokigu elkar saretzea eta suizidio kolektibo horren ondorioak sendatzea. Albo kalte kontsideratu gintuztenon ondoeza denon ardura delako, osasun sareak garatu behar ditugu. Gugatik, ondoko belaunaldiengatik eta gure borrokaren egiazkotasunagatik. Berriro elkar lotzea tokatzen zaigu, elkar entzutea, haserreak konpartitzea, min amankomunak ikustea, etsaiak identifikatzea… parte hartzea eta berriz altxatzea!

Erresilientziaren garaia da, txikian lan egitera bultzatu gintuzten arrazoiak gainditu eta kolektibo anitz eta sendo bat osatzeko unea da, herri boterearen alde. Bakoitzaren sormen iturrietatik batera bultza egin eta, buruz buruko konpromezu eta duintasuna galdu gabe, aurrera egiteko garaia da.

Nahi baduzu, Independenteak aurrera egin dezan lagundu dezakezu. Idatziz, itzuliz, janariz, irudigintzan, bideogintzan, bertsotan, diseinuan, informatikan, psikologia klinikoan, abokatutzan edo diruz ere bai. Ziberjazarpenari aurre! INDEPENDENTEA LAGUNDU >

Honen harira

5 erantzun “Herriari dagokigu suizidio kolektibo horren ondorioak sendatzea” bidalketan

  1. Oso ona, bai, argi ta garbi elkar entzutea, min amankomunak ikustea, etsaiak identifikatzea… parte hartzea eta berriz altxatzea herri boterearen alde!

  2. Guztiz ados, Aitzol, zaintzagun herria, txikitik hasita baño jakinduria saretuz… ahalik eta goxoen… zaurietan muxu, beti

  3. Ongi etorri Aitzol mundua bere konortera bidean jartzeko ahaleginak egiten dituen Independentearen aterkinpean batu garanon izaki talde honetara. Eskerrik asko zure ekarpenagatik.

  4. Tira ba! Utziko al didate sorgin digitalek mezu hau bidaltzen!

    Nioen BIDEGURUT
    ZIO garai bizitzea egokitu zaigula sorgin nahiz deabru sortu ohi diren “BIDEGURUTZEAK”, euskal mitologiak txit ongi islatuta utzi duenez…

    Oraingoan, PLANDEMIA aldia izan da (2019-2022) eta jarraituren dau (2.024-3.030).

    Erromatarrek baino askoz lehendik dakigu “CRUX”, eskarmentua, zeren haboro crux pairatu baitugu, GERNIKAKO bonbardaketa selektiboa adibide, eta
    garko PLANDEMIA OROKORRA, zentzura korporatibo “madrea”…

    Baina euskaldunok, EUTSI GOIARI eta EZ GALDU IPARRA!

    ERRESILIENTSIAN ere maisu gara, GURE hizkuntza eta kulturak 150.000 urte dauka, eta ez dirudi desagertzeko trazarik duenik!
    aur 9

Utzi iruzkina, izen eta abizenez

Azken artikuluak