Berriki ikusi dugu Espainiako Osasun Ministerioak, autonomia erkidegoetako osasun sailekin batera, COVID pandemian huts egindako estrategiara itzuliz, epidemia geldiarazteko protokolo bakarra ezartzea adostu duela. Agian urte batzuk barru honekin lotutako ustelkeria kasuak azalduko dira, Covidarekin gertatu bezala.
Bestalde, esaten digute aurtengo gripearen K aldaera ez dagoela sartuta gripearen aurkako txertoetan. Hala ere, aurtengo gripearekiko eraginkortasun oso mugatua izango duela jakin arren, txertaketa orokortua gomendatzen dute erakunde ofizialek.
Gobernu erakundeak txertoekin zein musukoen alde erakusten ari diren temak diru irabazi asmoei erantzuten die, Covidarekin gertatu zen bezala. Europar Batasuna ezkutuan mantentzen ari da harekin emandako ustelkeria kasuak. Ez al da jarrera hipokrita eta susmagarria, profesional eta politikarien aldetik, eraginkorra ez dela onartzen duten txertoaren gomendioari eustea?
Ez al da jarrera hipokrita eta susmagarria, profesional eta politikarien aldetik, eraginkorra ez dela onartzen duten txertoaren gomendioari eustea?
Eusko Jaurlaritzako Osasun Sailaren arabera, 2017-2018tik 2025-2026ra, gripearen txertoa hartu dutenen batezbestekoa % 20,63 da:
- % 13 < 5 urtekoetan
- % 4 6-60 urtekoetan
- % 30 60-64 urtekoetan
- % 73 65-74 urtekoetan
- % 75 75 urtetik gorakoetan
- % 48 haurdunen kasuan
- % 44 profesional sanitarioetan
Datu horiekin, ikus dezakegu gripearen txertaketa 65 urtetik gorakoengana mugatzen dela batez ere. Beraz, garai pandemikoan bezala txertodromoa jarrita ere, ez du zentzurik jendarte osoari zuzendutako kanpainak, are gutxiago ikusita profesional sanitarioen txertaketa 65 urtetik gorakoen eta haurdun dauden emakumeenaren azpitik dagoela. Osasun langileak kutsatze arrisku handiko langileak izanda, zer dela-eta ez dira txertatzen, ez al da eraginkorra ala?
Beste burugabekeria bat da 2020-2021 bitartean (100.000 biztanleko 45eko tasarekin, gripea desagertuta zegoela esan ziguten, 2017-2018 ikasturtetik gaur egunera arteko batezbestekoa izan den 2.385ko tasarekin alderatuta) gripearen aurkako txertatze errekorra eman zela, Covidarenarekin batera sartzen zelako.
Osasun langileak kutsatze arrisku handiko langileak izanda, zer dela-eta ez dira txertatzen, ez al da eraginkorra ala?
Nola da posible urteroko batezbesteko kutsatzea 2020-2021 tartekoa baino %5.000 altuagoa izatea? Ez al ziren gripe kasu asko Covidtzat hartuko? Eta urte horietan gripea desagertua baldin bazen, zergatik txertatu zen hainbeste jende? Ez ote da izango interes ekonomiko kontua osasun kontua baino gehiago?
Gripearen birusa urtero mutatzen da, baina ez da birus problematikoa osasungintza arloan. Arazoa ospitaleak kolapsatzea baldin bada, konponbidea ez dator herritarrak txertatzetik, baizik eta giza baliabideak eta baliabide materialak handitzetik; txertatuta dauden zaharrek eta pertsona ahulduek oro har, txertatu gabe ere, edozein hotzeriarekin ospitaleratzea beharko luketelako, dituzten beste gaitzek eragindako konplikazioengatik.
Txertoa hartu dutenen ehunekoen arteko korrelazioa eginez ikusten da jende gehiago txertatzeak ez duela gripe kasuen apaltzerik ekarri
Txertoa hartu dutenen ehunekoen arteko korrelazioa eginez ikusten da jende gehiago txertatzeak ez duela gripe kasuen apaltzerik ekarri. Txertatuek, neurri handi edo txikiagoan, gripea izango dute, bai ala bai; beraz, txertoa hartu ez dutenak kutsa ditzakete. Azterketa epidemiologiko bat egin beharko litzateke jakiteko gripearen txertoa sartu zaien zenbat pertsonak harrapatu duten gripea eta datu horiek txertatu ez direnen datuekin alderatu, nahiz eta jakin azken horietako asko txertatuek kutsatuak izan direla.
Honengatik guztiagatik, esan daiteke gripearen txertaketak, huts egiteaz gain, politikari eta osasungintzako profesionalen erabateko hipokresia ezkutatzen duela, azken horien artean salbuespenen bat egon badagoen arren.
2025eko abenduak 5
