Kaixo, GuraSOSeko laguntzaile izan/izango zaren horri.
Hitzaldi eta Bilera bakar batera gonbidatu nahi zaitugu, beharrezkoa dela ikusten dugulako. Nahiz eta bileren dinamikan parte hartzeko ez dizuegun eskatuko, badakigu prest izango zarela lan edo une zehatzetan laguntzeko. Horregatik, zurekin hurrengo gogoeta hau partekatzea beharrezkoa iruditzen zaigu.
Agian arraroa egingo zaizu esaten badizugu Erraustegiko proiektua inoiz baino ahulago dagoela eta inoiz baino baldintza hobeak daudela geldiarazteko. Baina hala da.
Transformadore nagusia izorratu dute, kutsadura oso larria atzeman da lurretan, azpiko uretan eta azaleko uretan, horien artean dioxinenak… Hori dela eta, hainbat ikerketa kriminal irekita daude epaitegian nahiz fiskaltzan….
Inguruabar honetan GuraSOSek erabaki du sozializazioa, sentsibilizazioa eta mobilizazio soziala berpiztea. Berriro aktibatzera goaz, eta zuen beharra izango dugu antolatuko ditugun hainbat ekimen aurrera eramateko edo/eta mezua zabaltzerako orduan.
Hitzaldia Fernando Palacios zientzialariak eta Joseba Belaustegi abokatuak emango dute. Lehenak erraustegia sortzen ari den kutsadura larriaren berri emango du (dioxina eta bestelako toxikoekin), eta honen eragina ingurugiroan eta osasunean zein den. Bigarrenak gertaera hauen ikerketa judiziala eta polizialaren azken berriak azalduko ditu. Hitzaldiaren bukaeran estrategia berria labur zuekin partekatuko dugu.
Beraz URRIAREN 20an, arratsaldeko 19:00etan Sutegi Aretoan (Usurbilgo Kultur gunean), elkar ikusiko dugulakoan
Joxemari Izeta Martiartu
GuraSOSeko lehendakaria
Aupa! Umeek, Gurasos-en logoan, maskara antzeko hori jantzita izateak, ez dut uste laguntzen duenik (erraustegiaz babesteko baldin bada ere). Beste irudi batek hobeto lagunduko luke umeen babesa adierazten. Maskarak ez ditugu atsegin!
Arrazoia ez zitzaizun falta, Eñaut. Ea horrela zer moduz…
Txapo!
👏👏👏