“Bertakoak” atarian eta kanpokoak aterpean
Euskal kostaldeko edozein herritan irakur liteke edozein etxe atariren aurrean “Bertakoak” lurrean idatzita. Nolabait bertakoentzat soilik den lur eremu babestua izendatzen du, ibilgailuren bat utzi ahal izateko. Eta bidezkoa deritzot udaldian behintzat kanpotik datorren jende uholdearen aurrean bertakoa babesteari, tokian tokikoak iraun dezan, bizi ahal izateko.
Aldiz, kontrakoa ikusten da herri berberetan aterpeari dagokionean. Etxebizitza oro ez da bertakoek aterpea izan dezaten eraikitzen, bertakoen beharretan egiten. Etxebizitzak eraikitzeko herriko lur sailik egokienak erabili arren, bertako gazte, bikote edo familia berriek inolaz ere eskuratu ezingo dituzten baldintzetan eraikitzea ahalbidetzen dute bertako udalek. Alegia, aterpeak ez dira bertakoentzat egiten, kanpokoentzat baizik.
Aterpea hotzetik, euri, elur, izotz edo ekaitzetik babesteko beharrezkoa dugu. Gazteek beren garapenean ezinbestekoa dute, eta herriek, iraun nahi badute, hil ala bizikoa dute.
Ez da ulertzekoa etxebizitzen merkantilizazio hau, hain oinarrizko behar batekin dirua egiten uztea, udalek hori ahalbidetzea. Herria horrela saltzea, etorkizunik gabe uztea, akabatzea, “extingi”araztea bertakoa.
Ez da ulertzekoa ere, gure seme-alabentzat etxebizitzarik ez dugunean, CONFEBASKek hamarkada gutxitan Euskal Herrira milioi erdi bat lagun ekarri nahi izatea, soilik esku lan merkea eskuratzeko, soilik diru irabaziak biderka ditzaten. Herri hau, bertako hizkuntza, bertako kultura, jaiotze tasa extintziora eramanez.
Guk ez dugu “extingitzea” erabaki, Goia jauna; zuek, politikariok, erabaki duzue, herritarrei aterperik ere opa ez dien etxebizitza politikaz.
Guztiz bat nator zuk esandakoarekin
Ikuspuntu egokitik begiratzen Aitor.
Urte berri On
Gaberako aterpe on bat urte berrirako denoi.
Zehazte aldera: Confebask-ek (gure onerako, seguru asko, ez) ekarri nahi dituen milioi erdi lagun horiek ez dira, uste dut, kostaldeko herrietako “lur sailik egokienetan” biziko, jeneralean.
(Bi gertakariren arteko loturak txoka nauelako, diot.)
Hala ere Confebaskek ongi izatearen politika progrearekin zer ikusi urria du herritarren konzientzian. Eta extinsioa haurrik ez izateagatik da.
Eta hor euskal gizarte osoa dago inplikatuta, goitik behera eta ezkerretik eskubira .
Hori behintzat onartu behar dugu.