Ur nahasietan, historian zehar ENAMen aurka kokaturiko hainbat sektorek, historia-errebantxa hartzeko baliatu nahi dute ENAMen likidazioa.
Euskal Nazio Askapenerako Mugimenduak eta ENAMen likidatzaile den Sortu gauza bera bailiran!
«Komando autonomoetan urte askoan zehar ibilitako kide baten mezua, txosnen inguruan:
‘Ni ez nau harritzen, atzoko eta gaurko sektario zaharrak. Urduri daude eta beldur dira hainbeste jendek ez ote dien egungo kolaborazionismoa dantzatuko. Eutsi gogor! ‘.
Ba hoixe, eutsi!»
KAAen aurka gogorren posizionatu zenetako bat Argala izan zen.
Egun hauetan, Gazte Koordinakundea Sozialista eta Sorturen arteko talkaren harira, hainbat izaten ari dira, Sortu kritikatzetik haratago, ENAMen aurka dabiltzanak, “betiko matoiak”, “hamarkadetan biolentzia antolatua erabili dutenak”, “beti herri mugimendua kontrolatu dutenak” erabat aipatuz.
Hainbat izaten ari dira,
Sortu kritikatzetik haratago,
ENAMen aurka dabiltzanak,
betiko matoiak,
hamarkadetan biolentzia
antolatua erabili dutenak,
beti herri mugimendua
kontrolatu dutenak
erabat aipatuz
Sorturekin bezala, ez dago zertan KAAekin edo orain GKSrekin ados egon beharrik ere. Pentsa daiteke, Argalak bezala, bai erreformismoa eta bai ezkerkeria kaltegarri direla.
