‘COVID 19ak 5 urte’ serieko artikulu guztiak esteka honetan
Pandemiari buruzko AEBko Kongresuaren txostena (eta V): Bukaera eta euskal txostenak
AEBko Kongresuko Ikuskapen eta Erantzukizunen Batzordearen txostenean, azken orrialdeak pandemiak izan zituen ondorio ekonomikoez ari dira: zenbat enpresa eta lanpostu galdu ziren, eta horiei aurre egiteko zein baliabide erabili zituzten AEBko gobernuak eta banku zentralak. Ez naiz ekonomian aditua eta, horregatik, beste norbaiti lagako diot orrialde horien laburpena egiteko lana.
Edonola ere, txosten mardulak niri gogorarazi dit pandemian bizi izandakoa, eta ulertu dut osasunari dagokion pandemia bat baino gehiago izan dela politikagintzatik sortutako plandemia. Izan ere, ugariak dira hartutako neurriek oinarri medikurik edota zientifikorik ez zutela esateko frogak eta, kontrara, boterearen bultzadak gizartean eragin kaltegarriak sortu zituela frogatuta geratu da. Bestetik, nahiz eta aztertu dugun txostenak hutsune asko izan (PCR frogen inguruan, edo politikoen paperaz, edo Bigfarmaren erantzukizunaz…), miresgarria da egindako lana eta txalogarria onartutako autokritika. Txostenaren 580 orrialdeak oinarrizkoak izan dira ezkutatutako egia asko azaleratzeko.
BAINA hemen ez dugu LABIren aktak irakurtzerik, ezta aipatutakoen posta elektronikoetara heltzeko modurik ere
Argi dago txosten hori Amerikako Estatu Batuetan eta estatubatuarrentzat egindako lana dela, eta, hortaz — pentsa liteke –, zertarako balioko du euskaldunentzat? Egia esan, izenak aldatuz, ia modu paraleloan gertakizun berdintsuak gertatu ziren hemen; jarri Bidenen ordez Urkullu, Fauciren ordez Sagardui eta beste arduradun batzuk lirateke Zubia, Basaras, Galarraga. Otamendi, Fernández edo González jarrita ia txosten berdina egin genezakeen, BAINA hemen ez dugu LABIren aktak irakurtzerik, ezta goian aipatutakoen posta elektronikoetara heltzeko modurik ere. Ziur naiz Jaurlaritzako Lehendakaritzan eta Osasun Sailean “garbiketa” dagoeneko egin dutela edo laster egingo dutela, badaezpada ere, zer gerta ere; inoiz halako batzorde, ikerketa-kazetari edo historiagileren bat agertuko balitz, frogarik aurkitu ahal ez izateko. 1936an ere horrelaxe jokatu zuten; frankistek, Bilbon sartu orduko, Basurtuko ospitaleko artxiboak erre zituzten, Gernikako bonbardaketaren ondorioak desagerrarazteko.
1936an ere horrelaxe jokatu zuten frankistek; Basurtuko ospitaleko artxiboak erre zituzten, frogak ezabatzeko
Nik dakidala, Euskal Herrian bi txosten egin ziren pandemia dela-eta. Bata COVID-19aren liburu zuria da, 2021eko maiatzean argitaratua. Unibertsitateko eta Osakidetzako langile batzuek bultzatuta idatzi zen eta nik ezagutzen dudan herri-ekimen bakarra da pandemiaren arazoei aurre egiteko proposamenak hausnarketa kolektibo gisa bildu zituena: osasunean, ekonomian, hezkuntzan eta gizarte-arloan aplikatzeko moduko proposamenak ziren. Lan mardula egin genuen orduan, eta nire ustez alferrikakoa; izan ere, prentsaurreko baten ondorengo albisteez gain, dokumentuan landutako gomendioei ez zitzaien kasurik egin. Beste txosten bat EHU/UPV-k egin zuen 2022 urtean, hori bai ofizialtasunetik. Horrela ageri da Campusa aldizkariaren orrialdean: “UPV/EHUren txosten batek Euskadiko osasun-sistemak COVID-19-aren pandemian izan duen erresilientzia handia nabarmendu du”. Bertan, pandemiaren kudeaketaren azterketa bat egiten da ia kritikarik planteatu gabe eta ondoriorik atera gabe. Horren froga gisa, hemen duzue komunikazio-arloaren laburpena: Herritarrentzako informazioa eta komunikazioa. Benetako informazio egiaztatuak segurtasuna eragiten du ziurgabetasuneko egoera batean, eta ahots baimendu ofizial bat izatea lagungarria izan da helburu horretan, txostenak nabarmentzen duenez. Ordura arte ez da sekula hain beharrezkoa izan pandemiari erantzuna ematean parte hartu duten erakunde- eta sektore-agenteen arteko koordinazio eta lankidetza hain estua, eta, nahiz eta une askotan koordinazio-tresnek tentsio handiaren eraginpean egon diren eta etengabe sendotzen jarduteko beharra izan duten, azken emaitza oinarri ona izan daiteke koordinazio-eredu bat zehazteko etorkizuneko osasun larrialdien aurrean.
Ez dakit komentariorik behar duen. Eskerrak INDEPENDENTEA dugun.
Ahobizarrik gabe Anjel.
Ea noiz egiten duen euri piskat isilkeriaren porlanmortuan eta zirrikituetaik ernetzen diren egiaren haziak, haiengandik garatutako zuhaitzen adarretan urkatzeko iruzur kriminala.