Estatu Batuen gainbehera eta arrisku nuklearra

Setioa hausteko Palestinara janaria zeramaten aktibista batzuek atxilotuta jarraitzen zuten bitartean, honako gogoeta hau:

Bigarren Mundu Gerra hasi aurretik, Hitlerrek beste herrialde batzuetako lurrak konkistatu bazituen ere, mendebaldeko potentziek ez zuten ezer egiten egoera tamalgarri hori saihesteko. Honek Palestinan gertatzen dena gogorarazten du, hau da, Israelek urteak daramatzala palestinarrei, mendebaldeko potentziei, lurrak lapurtzen, baina uste dut zirkulu ekonomiko berean egoteagatik, orain arte behintzat, ez dutela ezer egin.

Bestalde, aurreko gerretan gertatutakoa kontuan hartzen badugu, badakigu herrialdeen arteko aliantzak gerraren aurrekariak direla. Eta puntu honetan uste dut beharrezkoa dela gogoratzea orain gerra bat, ezinbestean, nuklearra izango litzatekeela. Zoritxarrez, baieztapen hori bat dator gaur egun bizi dugun egoera tamalgarriarekin, non BRICS herrialdeak eta mendebaldekoak aurkari diren. Testuinguru horretan kokatzen dira, nire ustez, Ukrainako gerra edo Venezuelaren kontrako setioa, non petrolioaren kontrola baita estatubatuarren jazarpenaren arrazoi nagusia. Ideia horri jarraiki, eta BRICS herrialdeek arlo ekonomikoan duten nagusitasuna agerikoa bada ere, oraingoz ez dago hain argi hegemonia hori arlo militarrean, eta uste dut hor egin nahi dutela azken saiakera Estatu Batuek, horrek bizitzetan ekar dezakeen kostu handia gorabehera.

Espero dut Estatu Batuen mundu mailako gainbeherak herrialde horrekiko independentzia handiagoa ekartzea Europako herrialdeei, eta baita Nazio Batuen Erakundearen eraldaketa sakona ere, erakunde horrek legeak errespetarazteko gaitasuna izan dezan, horrela Palestinakoa edo Mendebaldeko Saharakoa bezalako egoerak saihestuz.