Botorik gabe alderdi politikoek ez dute botererik, ezta aginterik ere

Hauteskundeak

EAEko hauteskundeetan abstentzioa %52,8koa izan zen, eta baliteke %52,8tik gorakoa izatea ere. Horren arrazoia da botoak multinazional baten esku geratzen direla eta boto horiek manipulatuak izateko arriskua dagoela.

Abstentzio honekin, alderdi politiko guztiek galdu dituzte botoak eta horregatik aurreratu dituzte hauteskundeak uztailaren 23ra. Botorik gabe alderdi politikoek ez dute botererik, ezta aginterik ere.

Testuinguru horrek berresten du inperialismoa abstentzioaren beldur dela, eta herri honen etorkizuna ere bermatzen duela. Abstentzioa irabazle suertatzen denean, alderdi politikoek boterea galtzen dute. Eta botere hori herritarrek berreskuratzen dute.

Trantsizio demokratikoan alderdi politikoak legeztatuak izan ziren herriari bere nortasuna ken ziezaioten asimilazioaren bidez

Badakigu trantsizio demokratikoan alderdi politikoak legeztatuak izan zirela herriari bere nortasuna ken ziezaioten asimilazioaren bidez, nortasun hori alderdi politikoen menpe jarriz. Horrela, gure nekazaritza, gure abeltzaintza, gure arrantza, gure industria eta gure hizkuntza desagertu egingo lirateke etorkizunean.

Egoera horrek erakusten digu gure arbasoek agintea eta boterea nola kudeatzen zuten jakitea komeni zaigula. Gure arbasoek demokraziaren gakoa eman ziguten: batzarrak. Eta IX. mendean, Nafarroako estatua antolatu zuten Europako beste estatu batzuen erasoaren aurrean. Estatu nafarra demokratikoa zen batzarretan egituratuta zegoelako. Étienne Polverelek Table des Matier liburuan jasotzen duen bezala, Nafarroako erregea auzoetako batzarretan hartutako erabakien betearazle hutsa besterik ez zen, eta erabakiak bete ezean kargutik kentzen zuten.

Bestalde, Vatikanoak bere eskuetan eduki nahi zituen Europako estatuak, erromatar inperio sakratua sortzen saiatuz. Horregatik borrokatu zuen Aita Santuak Nafarrroako estatuko batzarren aurka, eta bereziki herria defendatzen zuen batzar taldearen aurka. Batzar talde hauek Aita Santuak eskumikatu zituen bulen bidez eta klandestinitatean herria defendatzen jarraitu zuten. Ondoren, nekez, Aita Santuak Nafar Estatuaren konkista, kolonizazio prozesua eta inkisizioa indarrean jarri zituen.

Euskal alderdi politikoek ez zuten Vatikanoa etsai nagusitzat jo, eta hori izan da gure historian galdu gaituena

Argi dago euskaldunen etsai nagusia Vatikanoa izan dela bere elizarekin, eta Aita Santuak sortu zituela Espainiako Estatua eta Frantziako Estatua. XX. mendean euskal alderdi politikoek ez zuten Vatikanoa etsai nagusitzat jo, eta hori izan da gure historian galdu gaituena.

Bestalde, arbasoen ondareak erakusten digu herri bat libre dela boterea duenean, eta gure arbasoek burujabetasunaren ondarea utzi ziguten: batzarrak. Batzarrak auzokideek osatzen dituzte eta auzotarren artean hartzen diren erabakiak lege bihurtzen dira. Batzarra demokrazia zuzena da, behetik gora doazen erabakiak. Oraindik batzarrak daude leku askotan, eta horrek laguntzen du horiek ez dauden lekuetan berreskuratzen eta batzar sare indartsu bat antolatzen. Batzar sare indartsua izateak herri honen burujabetasuna ekarriko du.

Ez dugu ahaztu behar gure arbasoek batzarrak egiten zituztela zuhaitz baten azpian. Zuhaitzak bizitza adierazten du, bere sustraiek gure arbasoen jakituria, enborrak indarra eta irmotasuna bizitzaren gorabeheren aurrean, eta fruituek bizitzaren berpizkundea.

Horrela, kontuan hartu behar dugu etsaia identifikatzeak zer estrategia erabiliko den jakitea erraztuko duela; bestalde, abstentzioak burujabetasunerako bidea ematen digu, eta batzarrak gure gizartearen indarra, babesa eta berrantolaketa aurrera egin ahal izan dezagun. Euskaldunok ez gara espainiarrak ezta frantsesak ere, gure bizitza gurea da.