Humanitatea

Bortizkeria egunerokoan

Mundu guztiak daki laztana eta erasoaren arteko aldea zein den, atsegintasunaren eta abusuaren artekoa. Puritanismo globalizatu honek izaki bortitzak sortzen ditu.

6

Gorka Setien Berakoetxea

Zaintza eta etxeko lanak. Poema eta irudiekin jolastu zalea. Hernani

Gelditu pixka batean mundua, begiratu ingurura, sentitu, hausnartu ikusi duzunaz; Bortizkeriak zeharkatzen ditu gure jendartearen alor guztiak, ez? Behin biziko eta, horrela? Eguneroko jendarte harremanak, harreman politikoak, gazteen arteko giroa asko eta askotan eta baita hain gazte ez garenon artekoa ere, sexuen arteko harremanak eta inposaketak, familia giroko kontuak (izugarria umeek jasan behar dutena), kirol lehiak, eskoletako erregimen autoritario kuartel zaleak, sanitarismo tekno-nazia, perinatalidadeari dagozkion prozedura eta protokoloak, erlijio kutsuko diskurtsoak eta ekintzak, lantokietako erregimena etab. etab. luze bat. Erabat minduta eta kaltetuta biziarazten gaitu honek guztiak. Gaixotu eta hil egiten du giro honek.

Ez naiz hain inozoa, badakit une jakin batzuetan beharrezkoak direla bortxazko ekintzak, hala eskatzen dute, adibidez, autodefentsa feministak edo herri zapalduen babes eta defentsa beharrek, badakit odola jaurti beharrean aurkitu direla zapalduenak bizirauteko sikira edo askatasuna xede. Baina egunerokoan ezarrita dauzkagun bizi- ahaleginetarako ekimenetan, hainbeste bortizkeria?

Charla Casilda Rodrigañez / Jaiotza-Osasun Mentaleko Europar Institutua

Asko estimatzen dudan Casilda Rodrigáñez Bustos idazle eta emakume jakintsuaren testu artean bilatu dut eta hauxe aurkitu:

Umeen sexualitatea, gorputzaren plazera eta autoerregulazioari buruz

«Uste dut mundu guztiak dakiela laztanaren eta erasoaren arteko aldea zein den, atsegintasunaren eta abusuaren artekoa.

Okerrena da gorputzaren plazera ukatzen duen puritanismo globalizatu honek izaki bortitzak sortzen dituela.

Hori da James W. Prescott estatubatuar neurologoak demostratu zuena Atomis Scientis aldizkarian argitaratu zuen Body pleasure and the origins of violence lanarekin 1975eko azaroan.

49 herrialderen, oraindik aurreindustrializazioan bizi zirenak, zenbait alderdi aztertu zituen. Batzuek emakumeek gozatzen zuten sexu askatasunari buruzkoak, ama-umeen arteko loturari zegozkionak, edo gorputz plazera haurtzaroan eta nerabezaroko sexu harremanen askatasuna; eta beste alor batzuei erreparatuta bortizkeria eta joera suntsitzaileak aztertu zituen herrialde horietan.

Sexu askatasun faltaren eta bortizkeria handiagoaren arteko korrelazioa oso esanguratsua zen. Herrialde horietako batek jartzen zuen kontraesanean korrelazio hori.

Ondorioa izan zen, %2ko errore aukerarekin soilik, zenbat eta gorputz plazeraren gaineko errepresioa handiagoa izan, orduan eta bortizkeria handiagoa sortuko zela. Hauxe bera bada ikerketa zientifiko batean ezarri daitekeen korrelazio altuenetako bat. Bada, gerora Prescotten lana berraztertu da eta erratu egin zela aurkitu zuten, eta korrelazioa ikertutako herrialdeen %100i ezartzen zitzaiola, hots, %0 aukera zegoela korrelazio hori gerta ez zedin.

James W. Prescott, “Origins of Love and Violence” erreportaiaren fotograma batean

Ikerketa honek Carl Sagani bere COSMOS liburuan esanarazi zion, humanitatearen alde zerbait egin nahi izatera, ume bat ikusten badugu besoetan hartzeko eta besarkatzeko.

Sexualitatea, ez nagusion genitalitatearekin identifikatua baizik eta gorputz plazeraren produkzio eta hedapen oso bezala, beharrezkoa da umeen autoerregulaziorako.

Sexualitate eta genitalitatearen arteko nahasmena oso grabea da, hori baita umeen sexualitatea erreprimiarazten duena, baita haurtzaroaren eskubideen defendatzaile handienen aldetik ere».

(Honaino Casildaren testu zatia. Askoz gehiago kontatzen du baina adibide honi nahikoa deritzot zerbait hausnartze aldera. Ongi izan eta ez etsi).

humanitatearen alde
zerbait egin nahi izatera,
ume bat ikusten badugu
besoetan hartu
eta besarkatu

Maru Soloresen “Aztarnak” dokumentalaren fotograma bat

Nahi baduzu, Independenteak aurrera egin dezan lagundu dezakezu. Idatziz, itzuliz, janariz, irudigintzan, bideogintzan, bertsotan, diseinuan, informatikan, psikologia klinikoan, abokatutzan edo diruz ere bai. Ziberjazarpenari aurre! INDEPENDENTEA LAGUNDU >

Honen harira

6 erantzun “Bortizkeria egunerokoan” bidalketan

  1. Lehen araua izan beharko lukeena,

    UMEAK EZ KALTETU, are gutxiago
    Nagusiok babesteko arrazoia Edo aitzakia argudiotzat jarrita.

    Horixe da, hain justu ere egin duguna, haiek inokulatzean.

    Sakonean faxismoa dugu, eta gainera UME eta nerabeengan ezarria.

    Horretaz konturatzen ez garen arte eta DAMUA erakutsi, gizateria infernuan gautza!

  2. Bide garrantzitsua, Gorka, mila esker!

    Hausnarketa jarraitze aldera, “autodefentsa feminista”-ren adibidea, “otzandurik nahi gaituztenon autodefentsa” edo bestelakoren batengatik aldatuko nuke, batez ere “feminista” hitza hartzen ari den kutsu pozoitsua ikusita (turbokapitalak goitik fabrikatutako ideologiaren edukiontzi den heinean).

    Beharbada termino berriak behar ditugu… Gurasoen bortizkeriatik defendatzeko balio duen autodefentsari, adibidez, nola deitu?

    Edo esanahiak xehatu. Emakume batengandik jasotako bortizkeri (ziurrenik sotilago) batengandik defendatzeko gizon batek erabilitakoa definituko luke baita ere?

    Besarkada!

  3. Meloi ederra ireki duzu, eskerrik asko!

    Nik ere uste dut “autodefentsa feminista” delako hori sistemak pozoinduta dagoela, boterearen helburua baita gizonekiko harremanak gaiztotzea, beste biolentzia batzuk zuritzea (Estatuarena gizakien aurka, batik bat), emakumea autoritateen meneko izaki ahul eta ezgauza egitea, feminitatea dekonstruitzea, etab.

    Biolentzia beti gauzatzen da ahulenaren aurka, ez da generozkoa. Eta botere-borroka da beti, hamaika formatan jasan daitekeena: fisiko edo material, mental, emozional, espiritual… Estereotipoz puztutako txiringitoen ziri hori niri ez didate sartu, ezta sartuko ere.

    Esan duzu sexualitatea eta genitalitatea nahastu ditugula. Bai, eta nik gehituko nizuke plazera eta zoriona ere nahastu ditugula, eta sexu-askatasuna eta promiskuitatea ere bai, eta maitasuna eta atxikimendua eta kodependentzia ere bai. Eta neurosia eta narzisismoa pandemia bihurtzeko bidean dagoela, zerbait oso gaizki dagoen seinale.

    Bazkalondo luze baterako gai potoloa, hau. Mila esker Gorka, hona ekartzeagatik.

  4. Zelan deitu “ahularen autodefentsari”

    Horrelaxe, adibidez,

    A.A
    besterik gabe, alfabetoko lehen letrak

Utzi iruzkina, izen eta abizenez

Azken artikuluak