korporazioak eta estatuak

BlackRockek Alemaniako gobernuburu jarri nahi du Friedrich Merz

“Demokraziaren festa” aurki Alemanian: hauteskundeak irabaziz gero derrigorrezko soldadutza berrezartzeko asmoa agertu du Merzek.

1

Ihintza Tellabide Amunarriz

Irakaslea. Donostia

Jatorriz Mpr21eko erredakzioak argitaratutako albistea, 2025-01-05:

“BlackRock quiere ponerse al frente del gobierno alemán (y por lo tanto de Europa)”

Berlingo gobernuak Parlamentua desegin eta hauteskundeak deitu ditu otsailaren 23rako. Inkesten arabera, Friedrich Merz Batasun Demokrata Kristauko (CDU) buruzagia da kantziler izateko aukera gehien dituen hautagaia.

Merzek 69 urte ditu eta CDUko kide da duela 44 urtetik, nahiz eta inoiz ez den inongo gobernuren kide izan. Luzaroan egon zen Angela Merkelen itzalean.

2018an CDUren buru izateko aurkeztu zen, baina galdu egin zuen. 2021ean, bigarren saiakerak ere porrot egin zuen, eta 2022ra arte ezin izan zuen presidentetza hartu.

“Alemaniako Trump” deitzen diote daukan dirutza izugarriagatik, baina berak “klase ertainekoa” dela dio. 2018an bi jet pribatu erosi zituen, berak pilotatzen dituenak.

Irismen handiko Taurus misilak Ukrainara bidaltzea proposatzen du

Formazioz legelaria da eta distritu-auzitegi batean hasi zen epaile. Urte batzuk geroago 20 multinazional handiren zuzendaritzan zegoen jada.

Scholz kantzilerra kritikatu zuen Ukrainari armak emateko denbora gehiegi hartzeagatik. Errusiaren aurka Ukrainak egiten dituen erasoei mugak kentzea proposatzen du, baita irismen luzeko Taurus misilak bidaltzea ere. Hauteskundeak irabaziz gero derrigorrezko soldadutza berrezartzeko asmoa duela esan du.

BlackRockek Ukrainako gerra finantzatzen du

2016tik 2020ra Merz BlackRocken filial alemaniarraren buru izan zen. Filial hori da Ukrainako zorra eta aktiboak dituena nagusiki.

2018an funts putreei iruzur fiskala leporatu zietenean, bankuek aurrekontu publikoetatik kopuru handiak lapurtu zituztelako, Merz BlackRockeko ordezkari gisa aritu zen.

2018an, funts putreei iruzur fiskala leporatu zietenean, Merz BlackRockeko ordezkari gisa aritu zen


Merzek beti kritikatu du jendaurrean Merkelen migrazio-politika. Alemanian ezaguna da baztertutako asilo-eskatzaileen aurkako iruzkin xenofoboengatik. Alemaniara “hortzak konpontzera” datozen “turista sozialak” direla dio. Haurrei dagokienez, Espainian “menak” badira, Merzentzat “bajá txikiak” dira.

Merz ezaguna da baztertutako asilo-eskatzaileen aurkako iruzkin xenofoboengatik

“Ongizate-estatuaren” murrizketen eta desegitearen alde agertu da Merz, baina beretzat garrantzitsuena legez kanpoko immigrazioa mugatzea da.

Dena den, Merzentzat klima-politikak ukiezinak dira, baina bere ustez ez lirateke “motibazio ekologikoetan” oinarritu behar, “teknologia errentagarrietan” baizik. “Karbono-neutraltasuna” lortzeko, Merzek erregai fosilen isurien gaineko zerga handitzea proposatu du. Bere irudiko, herrialdearen etorkizuna hidrogenoan eta ibilgailu elektrikoetan dago, baina diesel eta gasolina ibilgailuen debekuaren aurka dago.

CDUk Frantziako ereduari jarraitzeko eta 2023an itxitako zentral nuklearrak suspertzeko asmoa ere badu.

Mpr21etik ekarria eta Independentean euskaratua.

Nahi baduzu, Independenteak aurrera egin dezan lagundu dezakezu. Idatziz, itzuliz, janariz, irudigintzan, bideogintzan, bertsotan, diseinuan, informatikan, psikologia klinikoan, abokatutzan edo diruz ere bai. Ziberjazarpenari aurre! INDEPENDENTEA LAGUNDU >

Honen harira

Erantzun bat “BlackRockek Alemaniako gobernuburu jarri nahi du Friedrich Merz” bidalketan

Utzi iruzkina

Azken artikuluak