Aramaion 2023ko martxoaren 4an egindako topaketen kari Andere Arriolabengoa Bengoak sortutako bertso-sorta.
–I–
Eolikoek dute
gurean diztira
baina ba al dakigu
zein kontrapartida
ez gaitezen gelditu
albora begira
eztabaida atera
plazaren erdira
gura bada badago
ta alternatiba
–II–
2.000 biztanleko
lau hipermerkatu
barazki homogeneo
fruta delikatu
plastikoen artean
dira sortakatu
ba al dakigu zertaz
garen elikatu
kontsumo eredua
behar da aldatu
–III–
Mendien suntsipena
dugu ikusteko
landa lurren afera
eztago hobeto
berdin hegoaldeko
zein iparraldeko
zoritxarrez larregi
dago egiteko
laster lurrik eztago
ezer landatzeko
–IV–
Ama lurraren mina
ta eritasuna
sendatzeko badago
berez gaitasuna
aurkitu beharrean
horren erruduna
zabaldu dezakegu
gure maitasuna
aitzurrarekin landuz
gaur etorkizuna
–V–
Gaur ekofeministok
dugu mila gudu
burujabetza eta
bizitza helburu
nahiz ta pasatzen dugun
hamaika apuru
ahizpa artean gaude
gustora, seguru
armiarma sareak
atsegin ditugu
–VI–
Izan gaitezen denok
ahizpa bidelagun
eta elkar bihurtu
señora ahaldun
bide luze honetan
elkarrekin jardun
bizitza erdigunean
ipini dezagun
guk bizi gura dugu
eta ez biziraun
Ekofeministok, ahizpa artean gaude gustora?… Feminismoak salbatu behar bagaitu gaixki goaz.
Ze polita ❤️.
Eskerrik asko Irati
Oso politak, Irati!!!
Eskerrik asko!!!
Proposamen polita Sañu Bizirik taldearena urte berrirako:
2025ean ere EUSKAL HERRIA EZ DAGO SALGAI!
Hasi urte berria zure mendi tontor edota txoko kuttunetatik aldarrikatuz, eta bidali argazkiak!
(sanubizirik@gmail.com / @sanu_bizirik)
Lehenengo bertsoak irriz irakurri ditut.
Gero haustura igarri dut:
Ahizpa bidelagun
señora ahaldun
… anai sinpleak berriz
ez lagun ez inun.
Bizitza erdigunean? Entenditzeko manerak…
Kariñoz esanda.
Belladona. Lehen mailako arra.
https://www.youtube.com/watch?v=h9VLgPrYkJI&ab_channel=Ellassonel%C3%A9ctricas
Baiiii…
…matrilinearitatearen
BIDEAN !
Matrizegintza ere.
Kriminalizatu gabeko gizonak eta biktimizatu gabeko emakumeak nahi ditut nik bidelagun. Existentzia erdigunean…