Filantropoa

Bill Gates: “Oraingoan arreta lortuko dugu”

Beren hitz propioek biluzten dituzte Bill eta Melinda Gates. Okerrena da filantropotzat hartzen direla, egiazki gertatzen ari dena honakoa denean: botere politiko eta finantzieroaren eskuratzea.

0

Aitor Unanue

Euskal Herritarrok-eko zinegotzi ohia. Azpeitia.

Guztiontzako Duintasuna DignidadParaTodos— ikustea merezi duten bideo mordoxka dituen rumble kanal ezaguna da. Gaurkoan, Bill Gatesi buruzko hau partekatu nahi izan dut, bere hitz propioek biluzten dutena. Hauek esaten baditu, isilpean gordetakoak nolakoak izan behar diren! Hor doaz, beraz, bideoa eta euskarazko transkripzioa.

“Txertoak Behin Betiko Dokumentala – Bill Gates irabazi billonarioak txertoekin” bideoa / DignidadParaTodos

TRANSKRIPZIOA:

– [Bill Gates] Genetikoki eraldatutako organismoak hartzen ari gara eta, badakizu, haur txikien besoetan injektatzen. Xiringatzen ditugu, besterik gabe, zuzen-zuzenean zainean.

Gatesen estrategia komertzialak 1998an kritikatuak izan ziren, AEBko Justizia Departamentuak monopolioaren aurkako legeak hausteagatik Microsoft salatu zuenean.

Epaiketak iraun zuen 18 hilabeteetan zehar, Gatesek orduak eman zituen bideotan jasotako testigantza ematen.

– Zeintzuk ziren 1996ko urtarrilean Microsoftenak ez ziren eta  kezkatzen zintuzten nabigatzaileak?

– [BG] Hilabete horretan?

– Bai, jauna.

– [BG] Zeren inguruan?

 – 1996ko urtarrilean Microsoftenak ez ziren eta  kezkatzen zintuzten nabigatzaileen inguruan; zeintzuk ziren?

– [BG] Ez dakit. Zer esan nahi duzu kezkatzen nindutela diozunean?

– Zer du “kezkatu” hitzak ulertzen ez duzunik?

– [BG] Ez nago ziur berarekin esan nahi duzunaz.

– Justizia Departamentuak Microsoft akusatu du ordenagailu pertsonalen sistema operatiboaren bere monopolioa mantentzeko helburuarekin lehiakortasunaren aurkakoak eta baztertzaileak diren jarduerak burutu izanaz.

Kontrako prentsa estaltzeko jokaldi batean, Gatesek 100 milioi dolar inbertitu zituen Bill eta Melinda Gates Fundazioan. Goizetik gauera, Bill Gatesek bere irudi publikoa eraldatu zuen, monopolizatzaile gupidagabetik, munduko filantroporik eskuzabalenera.

– [BG] Atseginez iragartzen dut mila milioi dolar gehiago hitzeman ditugula…

Bill Gates 2.0 ikusteko parada izan genuen, ezagutzen ez duzun gizon hori.

Irudi-aldaketa kanpainak bere etekina eman zuen, bere ondare garbia azkar batean bikoiztu zen eta Bill Gates munduko gizonik aberatsena bilakatu zen.

– 10.000 milioi dolar inbertitu dituzu txertoetan azken bi hamarkadetan eta horretarako inbertsioaren itzulera kalkulatu duzu; harritu egin nau. Azal diezazkigukezu kalkulu horiek?

Wall Streeteko saiakera batean, Bill Gatesek txertoak “egin dudan inbertsiorik onena” direla adierazi zuen.

– [BG] 1ekiko 20tik gorako itzultze-tasa egon da, beraz, irabazi ekonomikoak soilik begiratzen badituzu, zenbaki nahiko handia da, beste edozerekin alderatuta.

Gates Fundazioa arin asko hedatu zen, urrats bakoitza kontrolatzen duen bertikalki integratutako korporazio multinazional izugarri bihurtzeraino, Seattleko egoitzako bere biltzar-aretoetatik Afrika eta Asiako herrixketara iristen den hornikuntza-kateaz.

– Munduko filantropia pribaturik handiena da, kaltea eragiten ari dena. Bill eta Melinda Gates Fundazioak urtero milioika dolar irabazi ditu, nondik eta fundazioak konpontze aldera heldu nahi dien gizarte eta osasun arazo berberak sortzea egozten zaizkien enpresetatik. Gates Fundazioak AEB eta Kanadako 69 enpresa kutsatzaileenetan ditu inbertsioak. Eta fundazioaren karterako beste enpresa batzuk lege-hausteengatik salatuak izan dira; milaka pertsona euren etxeak galtzera behartzea, haur-lana babestea, iruzur egitea eta arreta medikua behar duten pazienteak ez zaintzea barne.

Bai CDCetako eta bai OMEko diru-emaile nagusi den heinean, inongo gizakik ez du Bill Gatesek adina botere pertsona guztion osasun eta askatasun medikuan eragina izan eta berauek kontrolatzeko.

– [BG] Normaltasuna munduko biztanleria osoa neurri handi batean txertatua dugunean soilik itzuliko da.

– Hau izango da normaltasun berria txerto bat garatzen den bitartean.

– Txerto bat aurkitzen dugun bitartean, normaltasunera itzultzea bizitzak arriskuan jartzea da.

– Ekoitzi eta munduko bazter guztietara zabaldu behar da.

– Gure haur eta emakume haurdunen guztizko txertatzea.

Terapeutika berrien garapena… Txertoa, txertoa, txertoa, txertoa, txertoa…

– Jada badakigu gertatuko dena, izango den horretan pentsatzen ari gara, plan honen barne dago guztia.

– [Trump] Gure armada mobilizatzen ari da oraintxe, beraz, urte amaieran jende askori emateko moduan egongo gara, oso, oso azkar. 

1986an, Ronald Reagan presidenteak haurren txertaketaren ondoriozko lesioen lege nazionala sinatu zuen, zeinak erabateko immunitatea xedatzen zien txerto-fabrikatzaileei. Txertoek eragindako lesio eta heriotzekin loturiko salaketak hamarkada batez izan ondoren, txerto-fabrikatzaileak porrot egiten ari ziren. Arduradun politikoak hertsatzeko jokaldi batean, legez  babestuak egon ahal izan arte txertoak fabrikatzeari uztearekin egin zuten mehatxu txerto enpresek. Gaurdaino, zergapeko estatubatuarrak dira erreakzio kaltegarri baten ondorioz norbait lesionatzen edo hiltzen denean kalteak ordaintzen dituztenak.

– Ongi etorri berriro ere, ez ziren bat edo bi izan esperimentu-haragitzat erabilitako indiar tribuko neskatoak. Bi erraldoi farmazeutiko amerikarrek tribuko milaka neskatori beharrezkoak diren ikerketa eta izapideak egin gabe oraindik probatua ez zegoen txertoa eman zietela azaltzen du txostenak.

Herrialde kaltetuenetakoa izan zen India, Gates Fundazioak ikusleak txertaketa masibotara makur zitezen premiatzera Bollywoodeko ospetsuak sustatu ostean. 2009an GPBren (Giza Papilomaren Birusa) aurkako txertoa jarri zitzaien tribuetako umeei. Hogeita lau mila neskato baino gehiagori euren hobe beharrez txertatuak izaten ari zirela esan zitzaien, beraien guraso edota tutoreen baimenik gabe maiz.

– Txerto hauek jartzen ari ziren pertsonek neska hauen tutoreei gezurra esan zieten: “O, honek minbizia sendatuko du, inoiz ez duzu minbizirik izango”. Eta neska hauek larriki kaltetuak geratu ziren. Horietako batzuek konbultsioak garatu zituzten, hainbatek minbizia, eta zazpi hil egin ziren. Eta ez zegoen asegururik, ez zegoen beraientzako laguntza medikorik, eta Gates Fundazioak entsegu klinikoak egon izana ukatu zuen. Horren zitala izan zen, Indiako Parlamentuak lantalde bat sortu zuela, kasua aztertu eta errua Gates Fundazioari egotzi.

– [Colin Gonsalves doktorea, Indiako Auzitegi Goreneko Abokatu Nagusia] Baina India herrialde krudela da, hemen gauzak gogorkeria handiz gertatzen dira. Baina harritu egin ninduen erakunde amerikar bat egunez egun gauzak modu oso, oso… “indiarrean” esan dezagun, egiten aurkitzeak. Eta orduan, prozedura guztia ikertzea nahi nuela izan zen hartu nuen bidea. Indiako Parlamentuak ikerketa batzordea eratu zuen eta niretzako mugimendu nahiko txundigarria izan zen, ez baita arrunta hain maila goreneko ikerketa bat jende txiroari eragiten dion kontuetan aritzea. Eta horren ezohikoa izan zen txostena. Ez dut uste Indiako Parlamentuak sekula halako garrantzi handiko txostenik aurkeztu duenik. Gobernuko funtzionarioak etorri eta esan zuten: “Ez genukeen hau baimendu behar, sentitzen dugu, ez dugu berriz gertatzerik onartuko”. Eta orain euren betiko trikimailu berberak egiten dituzte.

– [Kazetari maskaratu bat] Albiste ona gizakietan entsegu klinikoak COVID-19aren lehen txerto autoktonoarekin Indian jada 2020ko uztailean has daitezkeela da, Bharat Biotechek garatu txertoarekin.

– [Colin Gonsalves doktorea] Beraz, irudika dezakezu nola gauzatzen duten komunikabideen manipulazioa hedabideek beraiek, iritzi publikoaren manipulazioa, alderdi politiko guztien buruzagien eskutik, denak aho batez “txerto bat nahi dugu” esaten. Eta okerrena da filantropotzat hartuak direla, egiazki honakoa denean: botere politiko eta finantzarioaren  eskuratzea. Eta bigarren herrialderik populatuena, 1.300 milioi pertsonakoa, konpainia farmazeutikoak ederki aberasteko eta gainera prozesuan jende asko erailtzeko oinarri on bat izango delakoan nago. Bai, sufritu zuten neskentzako inongo onurarik lortzeko gai izan ez garela ikustea tamalgarria iruditzen zait, badakizu, izu-ikaragarria da munduarekin egiazki egiten ari direna.

– [BG] Genetikoki eraldatutako organismoak hartzen ari gara eta, badakizu, haur txikien besoetan injektatzen. Xiringatzen ditugu, besterik gabe, zuzen-zuzenean zainean.

International Journal of Environmental Research and Public Health-en (Ingurumen-ikerketa eta Osasun Publikoko Nazioarteko Aldizkaria) 2018an argitaratutako ikerketa zientifiko batek Indian 490.000 haur baino gehiagok poliomielitisaren aurkako aho-txertoaren ondorioz, Gatesek babestu zuena eta 2000 eta 2017 urteen bitartean eman zena, paralisia garatu zuela ondorioztatu zuen. Prestidigitazio guztiaz baliatuta, AEBetan egoitza zuten komunikabide guztiak eta gertakari-detektagailuek azkar batean ekin zioten albistea lurperatzeari. Baina indiar ikerlari eta mediku talde baten lan zorrotzari esker, egia deserosoak nih.gov. webgunean bizirik dirau.

– Bill eta Melinda Gates aurkezteko ohorea dut… [txalo zaparrada].

Inongo formakuntza medikurik gabe, Bill eta Melinda Gatesek Immunizazio eta Txertatzerako Mundu Aliantza [egun, GAVI] fundatu zuten, zeinaren bitartez mundua txertatzeko bere agenda konplitzen duten.

Nazio pobre eta zaurgarrienetako batzuek fundazioa demandatu dute, txerto esperimentalen programen bitartez kalte larriak eragiteagatik.

– [Melinda Gates] Osasun arloko mundu osoko langileei erreparatzen badiegu, eurek merezi dute txertoa lehenengo jasotzea. Badakizu, hemen, Estatu Batuetan, egiazki jende beltza izango da benazki lehenengo jaso behar dutenak, eta indigena asko.

– [Jamel C. Holley, New Jerseyko Estatu Ordezkaria] Beti erakutsi ziguten txertoak seguruak zirela, osasuntsuak zirela, egin behar genuen zerbait zirela; baina legegile estatal gisa egun nagoen lekuan egonik, eta ikerketa hauek ikusita eta ikerketa hauetako asko berraztertuta, izu-ikara handia sortzen du, eta komunitate afro-amerikarrak begiak zabal ditzala nahi dut.

– [Aaron Lewis doktorea; humanitario, ikertzaile eta hezitzailea] Gates jauna joan zitekeen munduko txoko guztietatik, zergatik aukeratu zuen Afrika? Ez da nire itxura antzekoa duen jendearengatik kezkatzen delako, agenda batez kezkatzen da.

– Afrikarren gorputzak farmazeutika handien laborategiko arratoitzat erabiliak izan dira urte luzez.

– Entseguetarako erabiltzen gaituzte, probetarako erabiltzen gaituzte, baina afrikar naizen aldetik, honakoa diot: gehiagorik ez.

– [Theo Wilson; ekintzailea, kazetaria eta mintzalaria] Afrikarrak munduko esperimentu-haragi bilakatzeaz unatzen ari dira, ernai daude, eta sare sozial guztietatik esaten ari dira oraintxe bertan alerta gorenean daudela.

– [Raymond de Souza; Human Life International (Nazioarteko Giza Bizitza)] Amerikar gobernuaren politika bat dago, Kissinger Txostena deritzona, 70. hamarkada erdialdera idatzia, eta bertan esplizituki adierazten da Afrikaren inguruko kanpo-politikaren helburua biztanleria murriztea zela, hor sekulako baliabide mineralak dituztelako; eta Kissingerrek eta Carterren administrazioan inplikatuta zeudenek biztanle kopurua txikitu nahi zuten garaian afrikarrak ez garatzea bermatu beharra zegoela, baliabideak euren buruentzat erabil ez zitzaten, guk, AEBetan, behar ditugulako. Afrikako biztanleria kontrolatzeko atzerriko potentzien arteko ahalegin hitzartu bat dago.

– Ume batzuk pasa den hileko txertoen lardaskeriatik bizirik atera dira, eta bere onera itzuliko dira, baina bost urtetik beherako 15 haur txiki hil egin ziren, sukarrak, gorakoak eta beherakoak jota.

– Giza hutsegiteek umeen zorigaiztoko heriotzak ahalbidetu dituzte.

– [Theo Wilson] Nola sinets diezaiekezu farmazeutika handiei, baina ezin diezu sinistu guraso hauei beren seme-alabak farmazeutika handiek kaltetu dituztela diotenean? Ez zait axola makineria korporatibo honek zeinen handia dirudien, aita naizen aldetik jende honek sekula ez diola euren seme-alabengatik borrokatzeari utziko esan dezaket.

Bill Gates bizirik gauden gizakion artean jendeak gutxien ulertzen duena da, edo sekula existitu den iruzurgilerik konbentzigarriena. Heroi onbera ala gogo gaiztoko oportunista da? Pertsonalki, oso atsegin litzaidake munduko gizakirik aberatsenetako bat bere dirutza gizateriaren hoberako oparitzen ari dela sinestea. Irribarre amultsu hori sinetsi nahi dut, bere bihotza bere jertseak bezain leun eta epela dela sinistu nahi dut. Gutxienez, eragin duen kalteaz kontziente ez dela sinetsi nahi dut.

– Noiz uste duzu itzuliko dela erabat bizitza urtarrilean normaltzat kontsideratzen genuenera? Maskararik gabe, distantzia sozialik gabe, bestelako babes neurriren beharrik gabe?

– [BG] Egiazki, udararako normaltasunetik orain baino askoz gertuago egongo gara. Baina, beste lurralde batzuk gaixotasun honetatik libratzen lagundu eta gurean txertaketa tasa altuak lortu ezean, berriro sartzearen arriskua hor egongo da baita 2022ko hasiera arte eta, jakina, munduko ekonomia geldotuko da, Estatu Batuak ekonomikoki era nahiko lazgarrian kaltetzen dituelarik honek. Hortaz, udatik aurrera bederatzi bat hilabete izango ditugu zeintzuetan gauza batzuk, elkarretaratze publiko handiak, esaterako, mugatuta egoten jarraituko duten. Ordea, badakizu, 12 eta 18 hilabetetara bitarteko tartea ikus dezakegu orain eta aukera bat daukagu normaltasunera itzultzeko, ondo maneiatzen badugu.

– [BG] Normaltasuna, munduarentzat orokorrean, soilik neurri handi batean munduko biztanleria guztia txertatua dugunean itzuliko da…

– [BG] Eta tira, hau ez da izango aurre egin beharko diogun azkeneko pandemia, beraz, gu, badakizu, hurrengorako prestatu beharko gara… Badakizu, “oraingoan arreta lortuko dugula” esango nuke nik.

“We will get attention this time”.

Zer?

Benetan hori esan du?

Nahi baduzu, Independenteak aurrera egin dezan lagundu dezakezu. Idatziz, itzuliz, janariz, irudigintzan, bideogintzan, bertsotan, diseinuan, informatikan, psikologia klinikoan, abokatutzan edo diruz ere bai. Ziberjazarpenari aurre! INDEPENDENTEA LAGUNDU >

Honen harira

Utzi iruzkina, izen eta abizenez

Azken artikuluak