Sasoia duk, garai egoki eta ezinbestekoa, gainera, egiazko eüskaldünak jaiki gaitezen, Matalats Maule Zuberoako hori; Kolonizatze orori, kanpotikako nahiz barneko kolonizazioari, bai eta kultur kolonizatze barneko zein kanpokori STOP erranez ausarti;
Agian jakinen dugu, egünen batean gure Herri eta Arbasoren ondare aberatsaz, altxor ezin aberatsagoaz hornitzen, gure “Lezoko Erraldoiaren” oin eta belaun ahulak zutikarazten, zoruan finkatzen, eta hala belaunadi barriak erakartzen euskerara, gure kulturara eta nortasunera lerra daitezen;
Agian, kanpo zein barneko kolonizatzaile orori BEHINGOZ STOP fermuki arrapostu eginez, deliberoko baldin bagenu zer edo zen merezi duguna, merezi duena Üskal Herriak, Eüsquel Erriak, gure Euskal Herriak; kexuez eta lanturuaz haratago;
Agian, pisu larriaz kulturalki zanpatzen gaituen barne kolonizatzaile orori EZETZ BOROBILA erranen diogu honezkero, “gure” erakunde publikoetako Zuzendaritza kolonizatzaileei STOP biribila arrapostuz behingoz;
Agian, jakinen dugu, honez gero, nolanahiko zanpaketa oro geure bizkarretik astintzen, eta kulturgile bilakatzen geure honetan, geure baitan, mende honetan, XXIgarren mendean.
Agian, eüskaldünon justiziazko kexuez harago jakinen baldin bagenu, euskal kultura gosez garenok elkarrengana bildu eta egitasmo bat aurkezten, euskal gizarteari zor dioguna eskaintzen;
Agian, “again”, egungo eüskadünok nagiak astindu, alkarrengana bildu eta egitasmo zehatz bat proposatuko bagenio, proposatu, euskal kultura eta nortasun gose den gizarteari, bizirik dirauten euskalgune, kultur elkarte eta gainotzeko guztiei, proposatu;
Agian, programa zehatza bezain anitza aurkeztuko bagenu, auzo eta herri bakoitzak aldarrika dezan bere inguruetan, auzo hurbilenetik hasi eta olatu gisara zabalduz;
Agian hala, Euskal Herriko belaunaldi sufritu honengana zuzendu eta gure kultura lantzen ihardunen bagenu, guztiok batera murgilduko bagina, auzo ekimenean, gure hizkuntzaren eta nortasunaren bidegurutze zail honetan;
Agian, gutxien-gutxiengo bat izan arren euskal kontzentziadunak EHko herritarren artean, seguru, Mauleko Matalats euskal martiri hori, bizibarrituko hintzatekeela, eta zanpatzaile atzeak ezartzen dizun heriotza kondena ankerraren aurrean, zera erranen hindükeela barriren barri:
“Agian, agian, jaikiko dira egiazko eüskaldünak…”.
Gure kultura landu beharrean, 2030 Agenda eta “Next Generation” bidean gaude. Etorkizun oso iluna Euskera eta Euskal Herriarentzat.
Hona Mikel Alzuart, benetako eüskaldün batek bota zituen bertso bikainak orain dela urte ta erdi:
https://www.youtube.com/watch?v=ssbTWsWVhb4&t=1s
Agian? Agian bai edo agian ez, eta horrela igarotzen dira egunak, eta ni etsipenez eta zu, erantzuten, Agian, agian,agian. EZ, ez da abestien unea!
Orain da garaia, aurrera pausoak emateko unea, eta zalantzarik gabe, proiektu politiko instituzional batez umezurtz izanda ere. Herriaren proiektua herriak kudeatzen du eta harentzat lan egiten du. Orain herriaren unea da!
Hi, Patricio Mundakako,
AGIAN, AGIAN, … Hi bezalako kastako boluntarioak behar dirá KULTURGINTZA plagintzarako.
Parte hartzeko prest?
Algortakoa. Eta dagoeneko aktiboki parte hartzen dut gure herriaren kulturan. Franco bezala nire izena erdalduntzea errespetu falta da, euskaldun izateko izen-abizenak euskaraz eta RH negatiboa izatea eskatzen duzun horietakoa ez bazara behintzat.