Ea nor datorren barriro eta nor datorren barri. Zer on dakarren bakoitzak eta zein onura daraman. Ea nor garen aurten Elosuko barauan, ea zenbat barre, zenbat ekintza, zenbat kantu, zenbat berba eta ze momentu barri elkarbanatzen ditugun giro osasuntsu, barnerakor eta ezin hobean. Barriro ospatu dezagun bizitza, barauaren apaltasunean.
Badator barriro Independentearen baraua. Aurten ere, teknologiari eta erdarari baraua eta janariari baraua egingo diogu (nahi duenak sasi-baraua) Elosuko aterpetxean. Zure burua zaintzeko denbora bila bazabiltz, euskaraz hitz egin eta entzuteko beharra baduzu eta telefonoari astebetez ez erantzuteko arrazoi potolo bat nahi baduzu, etorri gurekin baraura!
