Deialdia

Azaroak 21 Manifestazio Nazionala

COVID19 gaiari beste modu baten heltzeko eskaera

10

Oier Nuñez

Eskola kiroleko arduraduna. Sopela

Azaroaren 21ean, larunbatean 10:00etan, OSASUNA ETA ESKUBIDEAK taldeak Bilbon manifestazioa antolatuko du. Gure bizitzan une honetan gehien kezkatzen gaituzten gaien inguruko aldarrikapena egiteko: herritarren ekonomia, osasuna eta eskubideak hain zuzen ere. 

COVID-19aren gaixotasunaren inguruan bertsio ofizialarekin bat ez datozen hamaika adituen ahotsak entzun eta gero harrituta jarraitzen dugu aditu horien ahotsak isilarazten, mespretxatzen eta alboratzen jarraitzearekin. Hori dela eta argi utzi nahi dugu adituen arteko debate zientifiko bat egon arte ez garela geldituko. 

Herritar guztioi eragiten digun gai honen kudeaketa ahalik eta eraginkorrena izateko desberdin pentsatzen duten adituen arteko eztabaida zientifikoa ezinbestekotzat jotzen dugu. Gizarte bezala aurrera egin nahi badugu eta norberaren osasuna, eskubideak eta ekonomia ahalik eta gutxien kaltetzeko beste biderik ez dugu ikusten.

Martxotik hona gaia kudeatzen eta horren inguruan informatzen dabiltzan horiek denbora soberan izan dute herritarrek merezi dugun gardentasuna eta pentsaera guztietako iritziak entzuteko mekanismoak martxan jartzeko. Hori gauzatzeko pauso txiki bat ere eman ez dutela ikusita mugimendu bezala kolektibo hauei zuzentzen gatzaie: 

a. Eusko Jaurlaritzari: 

  • Konstituzioaren kontrakoa izan zen konfinamenduaren inguruan azalpenak emateko. 
  • Mundu Orden Berriak ezarri nahi duen agenda globalistarik ez dugu onartzen eta espreski salatzen dugu.
  • Eten ditzala alarma egoeran hartzen ari diren legez kanpoko neurri zorrotzak. 
  • Osasun krisiaren aitzakiarekin herritarren eskubideak zapaltzeari uzteko, herritarren ekonomiarekin eta osasunarekin ez jolasteko. 

b. Eusko Jaurlaritzari eta Osakidetzari:

  • 3.000 bat medikuk osatzen duten COMUSAV elkarteak Covid gaixotasunerako frogatutako sendagaiak dituela publikoa da baina norbait edo norbaitzuk ezkutatzen dabiltza. Momentu honetan, mahai gainean ez dago medikamentu edota txerto eraginkorragorik.
  • Osasun Sailari COMUSAV elkartearekin kolaborazioa egin dezala eta ikerketa serioa egitea eskatzen dugu. 
  • Mundu mailan osasunaren inguruko hainbat aditu bertsioa ofizialaren kontra daudela ikusita debate zientifiko bat eskatzen dugu. Bertsio ofizialarekin bat ez datozenei ahotsa emateko. 
  • Adi! Maria Jose Martinez Albarracin, medikuntzan eta zirujian lizentziatua eta prozesu diagnostiko klinikoetan katedraduna, garai honetan jarritako eta jartzen ari diren gripearen kontrako txertoek osasunerako kaltegarriak diren osagaiak dituztela publikoki salatu du. Euretako batean adibidez Fluzone HD osagaia dago eta fitxa teknikoan ere aste bat eta 6 hilabeteko tartean efektu negatiboak eta kasu batzuetan heriotza ere eragin dezakeela jartzen duela dio.
  • Txerto batzutan joan daitezkeen beste gai batzuk antzutasuna eragin dezakete gizonezkoengan.
  • Mundu mailako adituek PCR frogak baliogabetu dituzte, Espainiako “Medicos por la Verdad”eko kideek azterketa zientifikoen bidez ez duela balio demostratu dute. AEB CDCko zuzendariak, Anthony Faucik, 35 ziklotatik gorako PCRak positibo faltsuak direla publikoki onartu du.
  • Osasungintzan murrizketak zergatik egiten ari diren publikoki azaltzeko.
  • Arreta telefonikoa baztertzeko eta aurrez aurreko arreta berriz ere martxan jartzeko.
  • Nagusien egoitzako eta eskoletako zentzugabekeriarekin amaitzeko.
  • Krisi sanitarioa eskubide sozialak edo banakakoen eskubideak ukitu gabe kudeatu behar da.

c. Eusko Jaurlaritza eta hedabideetako zuzendariei: 

  • Hedabideen bitartez sartzen duten beldurra gelditzeko. Dagoen zentsura bortitza berehala gelditzeko.
  • EITBko zuzendaria den Andoni Aldekoari herritar guztiona den hedabidean debatea espreski eskatu diogula jakinarazi nahi dizuegu.

Hurrengo hauei egoera latz honetan hausnarketa bat egiteko eskatzen diegu, izan ere, euren jokaerek eurengan zein senideengan (seme-alabak, guraso, neba-arreba…) eragina izan dezakete. Bestalde, gure eskubideak murrizteko legeak etengabe aldatzen daudela ohartarazi nahi dizuegu.

d. Kazetariei:

  • Gai honen inguruan gehiago ikertzeko eta informazioa kontrastatzeko.

e. Osasun arloko profesionalei:

  • Sortu dugun taldean parte hatzeko eta gaia behar bezala ikertzen laguntzeko. 

f. Poliziei:

  • Gogoratu nahi dizuegu herritarrak babesteko eta legea betetzeko zaudetela. Konstituzioko 10, 14, 15, 17 eta 55. artikulua eta Giza Eskubideen Adierazpen Unibertsala irakurtzea eskatzen dizuegu. 
  • Aginduak modu itsuan betetzeari utzi eta legedia aplikatzea eskatzen dizuegu, legez kanpokoak diren neurriak betearazteagatik sortzen diren ondorioengatik kode penaleko 172. artikuluan agertzen den bezala zuengan legezko erantzukizuna egon daiteke.

g. Herritarrei:

  • Antolatzeko, hedabide ofizialetik kanpoko informazioa ere entzuteko eta informazio osatua eskuratzeko.

Osasuna eta askatasuna!

Informazio gehiago:  osasunaetaeskubideak.blogspot.com   

Harremanetarako: osasunaetaeskubideak@gmail.com 

Nahi baduzu, Independenteak aurrera egin dezan lagundu dezakezu. Idatziz, itzuliz, janariz, irudigintzan, bideogintzan, bertsotan, diseinuan, informatikan, psikologia klinikoan, abokatutzan edo diruz ere bai. Ziberjazarpenari aurre! INDEPENDENTEA LAGUNDU >

Honen harira

10 erantzun “Azaroak 21 Manifestazio Nazionala” bidalketan

  1. Iluntasunean argia sartzeko lasaitasunetik izan behar da…ez dugu itsu dagoena kobentzituko …errespetatu gaitzatela…

  2. Ados esaten duzunarekin Amaia. Baina hedabideetan kontrako ahotsik ez dago, beraz, fartsa hau sinisten ez dugunok kaleara irten behar gara. Bakarrik sentitzen direnak babesa daukatela ikusteko. Laster txertoa derrigortuko dute eta elkartuta egotea ezinbestekoa izango da, eta momentu horretan ere, orain bezala, itsuek ez gaituzte errespetatuko

  3. Alde batetik eskerrak ematen dizkizuet autoritarismo beldurgarriari honi aurre egiteko mobilizazioak antolatzeagatik. Hala ere deialdian aldarrikatzen diran gauza batzuekin ez nator bat, “adituen” autoritatea indartzera datorrelako besteak beste.
    Uste dut benetan mugimendu zabal eta indartsu bat deitu nahi baldin bada, bi edo hiru aldarrikapen xinple sendo eta zabalak, nahikoa izan beharko liratekela.

  4. Ni neu, zu ez bezela pentsatzen dutenei, itsu deitzearen arrokeriak,uste dot, zure arrazoien konsistenzi eza, agerian uzte dutela. Eskatzen den
    debaterako ate guztiak isten ditu, zuk esaten dezun bezela da edo itsu dago bestea!!! Ta hau autoritarismoari aurka egin nahian zabiltzala!!!hipokresia estau gorenean!!!

  5. Nire ustez Aiserrek arrazoia dauka. Ahalik eta trinkoen izan beharko luke mezua. Josu berari ez zaio falta arrazoia, hain zuzen. Eutsi Oier

  6. Txertoa jartzeko derrigorrez izan behar duela pentsatzen duenari itsu deitzea ez zait hainbesterako iruditzen, egia esan. Hau da, itsu daudelako prest daude edozer gauza egitera eta besteok edozer gauza egiteko derrigortzeko “pandemia” honekin bukatzeko.

    Begiak ireki dezatela, hori lortu behar dugu.

  7. Arrazoi osoa duzu Galder Rabatt jauna, ongi etorri normaltasun anormalera. Proposatzen dizut: Bilbokoari buruzko artikulu diztiratsua idatzi eta bidali gure helbide elektronikora, argazkirik esanguratsuenak bilduz, izenburu adierazgarriena aukeratuz, endtradilla edo laburpentxoa zehaztuz ere, argazki oinak eta literatura guztiarekin. Artikulua osatzeko autorearen ikuspuntua garbi gera dadin, izen abizenak jarri, autorearen argazkitxoa bidali ere, zurea alegia, autorea azaltzeko, lanbide-ikasketak-edota- afizioak zeintzuk diren zehaztuz, eta bizitokia ere. Guzti horrekin lan egingo dugu beste igande honetan gustora eta beharrez, bihar artikulu hori argitaratzeko.

    Ez digu inork ezer idatzi.

Utzi iruzkina, izen eta abizenez

Azken artikuluak