Hona hemen herriBiltzaren agiria:
Agur lagunak,
Baxe Nabarreko Behorlegin asteburu bikaina pasa berri dugu.
Larunbatean, Nekazaritza Ekosozialaren topaketan, besteak beste, 1871ko martxoaren 18an piztu zen Pariseko iraultzaren 152 garren urte urrena gogoratzeko, La Communarde deitu dugun Lur-udarea landatu ginuen.
Datorren urtean, hortik sortutako hazia Euskal Herri osora zabalduko dugu, iraultza eder hori segitzeko.
Igandean, Kurdoen eta euskaldunon artean Udaberriko festa egin ginuen, hau da Kurdistan eta Euskal Herriaren arteko elkartasun eguna.
Herri Jantegiarentzat kurdoek prestatutako kurdo bazkari mundiala egin ondoren, suaren inguruan dantzatuz Newroz ospatu ginuen.
Ondotik, “Jin, Jiyan, Azadi” (emaztea, bizia, askatasuna) tipula kurdoek eta euskaldunek elgarrekin erein ginuen, gure arteko elkartasun hazia bilakatu dena. Hazi hau ere datorren urtean Euskal Herri osora zabalduko dugu.
Bukatzeko, Kurdoen Konfederalismo Demokratikoaren eta herriBiltza Euskaldunon Biltzarren Elkargoaren arteko antzekotasunen inguruan eztabaida egin ginuen eta kurdoek Kurdistango egoeraren aurkezpena egin ziguten.
Bestetik, hauek dira herriBiltzaren datozen hitzorduak:
Apirilak 1, Oñatiko gaztetxean, herriBiltzaren aurkezpen-eztabaida.
Apirilak 15, Behorlegin, Hausnartzen Eguna.
Etorri, eta lagunak gomita!
herriBiltza
