Jazarpena

Asel terrorista? Mesedez!

Bere ideia eta idatziengatik Txileko estatuaren jazarpena jasan duen euskal idazlea da Asel Luzarraga. Lege Antiterroristaren pean, maputxe herriari erakutsitako elkartasunagatik eta bere ideia eta testu anarkistengatik Karabineroek antolatutako muntaia baten jomuga bihurtuta; jazarpen politiko, polizial, judizial eta mediatikoaren zurrunbiloan harrapatua geratu zen.

1

Patrik Unzurrunzaga Garate

Koroa Biluzikeko kidea. Algorta

Independenteara kasu hau ekarri nahi izan dugu, bideo honen bitartez eta gertakarien inguruko informazio zabala jasotzen duen Asel terrorista? Mesedez! webgunea bisitatzeko gonbita luzatuz.

“Asel terrorista? Mesedez!” bideoan Asel Luzarraga euskal idazle anarkistak Txilen pairatu zuen eraso politiko eta polizialaren eta oraindik bizi duen egoera judizialaren berri ematen da, munduko hainbat tokitatik jendeak bidalitako mezuak ere jasota / Asel Luza YouTube kanala

Webguneko atal ezberdinetan aurki daitekeenaren hainbat TRANSKRIPZIO:

1. Jazarpen historia baten hasiera. Asel Luzarraga idazlea 2009k abenduaren 31n atxilotu zuten Araukanian zuen etxean, Txileko Karabineroek antolatutako muntaia baten jomuga bihurtuta, Lege Antiterroristaren pean, maputxe herriari erakutsitako elkartasunagatik eta bere ideia eta testu anarkistengatik. Une harrezkero, jazarpen politiko, polizial, judizial eta mediatikoaren zurrunbiloan geratu zen harrapatuta. Gehiago irakurri.

2. Bidegabekeria judizialari aurpegi ematen. 2010eko abuztuan, Temukoko epaitegiak Asel Luzarraga idazlea kondenatu zuen, aldez aurretik idatzitako gidoiari jarraituz. Txiletik alde egitera derrigortuta, bidea han bukatzen ez zela erabaki, eta estatuaren giza eskubideen urraketak salatu zituen, Ameriketako Giza Eskubideen Batzordean (AGEB) haren aurkako demanda aurkeztuta. Gehiago irakurri.

3. Bide luze baten lehen argi-izpiak. 2019ko abenduan, Jaime Madariagak, Asel Luzarragaren abokatuak, albiste ona jaso zuen: AGEBk bere salaketaren onargarritasunaren alde ebatzi zuen. Onartuta zegoen kasua eta beste bide luze bat zabaltzen zen aurrean, jakitun absoluzioak baino ezin duela Interpolen zerrendatik atera eta antzeko beste mehatxu batzuen aurrean babestu. Izan ere, etxean egon arren, hamar urte geroago kondenak jarraitzen du haren askatasunak murrizten. Gehiago irakurri.

4. Eta orain? Asel Luzarragaren giza eskubideen urraketaren zantzuak daudela onartuta, bide bat zabaldu dio AGEBk euskal idazleari. Bide bat, eta erronka berriak, aurrean aldapa luze eta gogorra agertzen baita oraindik, nazioarteko babesa eta baliabideak behar dituen aldapa, azken mailaraino iristeko. Gehiago irakurri.

Logoa / Asel Terrorista? Mesedez!

Aske behar dugu Asel Luzarraga, erakutsi haren aldeko atxikimendua!

Asel Luzarragak pairatu duena ez da kasu isolatua. Herrien eta ideien aurkako errepresio amaiezinaren katearen begi bat baino ez da. Gutxi dira, ordea, Ameriketan AGEBn onartuak izateko aukera duten salaketak. Orain egunero ikusten dugu, garai batean maputxe herriaren eta anarkisten aurka bideratuta zegoen estatu-terrorismoa, Txileko herritar guztien kontra lehertzen. Aselen kasuak, beraz, leihotxo bat zabaltzen du Txileko estatua seinalatu eta haren kontrako presioa nazioartean zabaltzeko. Adierazpen eta kontzientzia askatasunak ez du jostailu bat izan behar estatuen apeten eskuetan. Horregatik, garrantzitsua da zure atxikimendua ere.

Atxikimendua adierazteko aukera ematen du webguneak, eta baina ekonomikoki laguntzekoa ere / Asel Terrorista? Mesedez!

Erantzun bat “Asel terrorista? Mesedez!” bidalketan

  1. Orduan Gripe A
    eta orain Covida.

    2009ko abenduaren 31n Gripe Aren montajearen aurkako borrokan murgilduta harrapatu gintuen Aselen atxiloketak.

    Halaxe esan nien Gabon Zahar hartako mezuan, nazioarteko kazetariei berri ematean:
    “Gripe Aren farsa honekin aspaldi ari natzaizue iraultza planetario baten aurrean gaudela esaten. Baina ez nuen uste hain arin hasiko zenik”.

    Horrela ikusi nuen,
    eta horrela ikusten dut
    oraingo sinkronia honetan ere: nire bizitzan behintzat, Asel borroka planetario honetan da… ikur.

Utzi iruzkina

Azken artikuluak