Txertoa

Arrazoia duenari eman: badaude txertoen argitalpen zientifikoak

Barkamena eskatu eta azalpenak eskaini nahi ditugu herenegun zabaldutako informazio zaharkitua dela eta. Gutxienez abenduaren 10etik aurrera badaude argitalpen zientifikoak. Iruzkin eta mezuen bidez jasotako informazioari, eskerrak.

6

Haizea Urtasun Rosano

Ikaslea eta ama. Sarasa

Independentean herenegun argitaratutako artikuluak sekulako difusioa izan du, eta jasotako zenbait kritikak aintzat hartuta, barkamena eskatzea baino ez da geratzen, egia baita informazio zaharkitua zela bertan jasotakoa, eta beraz, ulergarria batzuek erabateko manipulazio saiakeratzat interpretatu izana, edo hala egin nahi izana, batez ere barrutik edo gertutik jarraitzen ez gaituzten horiek, eta gure funtzionamendua ezagutzen ez duten horiek. Zalantzarik geratu ez dadin, hortaz, artikulu hori testuingurutik kanpo argitaratu izanarekin zerikusi txikiena izan dugun guztion izenean: zinez sentitzen dugu.

Ainhoa Bilbao irakasleak duela aste batzuk idatzi zuen artikulu hau, zenbait medikuk partekatutako gaztelaniazko irratsaioa euskarara ekarriz. Bertan zera esaten da: txertoa Ingalaterran onartu zenean prentsa oharrak besterik ez zeudela argitaratuta txerto horren inguruan, ‘panazea’ zela iragarriz hori bai, baina ez zela ikerketa zientifikorik argitaratu, komunitate zientifikoak azter zezan. Hori esaten den irratsaioa abenduaren 7an eman zen, eta handik gutxira bidali zuen testua Ainhoa Bilbaok. Abenduaren 10etik aurrera jada argitaratua zegoen gutxienez txertoei buruzko argitalpen bat, eta beste batzuk jarraitu diote. Beste kontu bat da noren interesei egiten dieten jokoa jakina, baina egon, badaude. [Interesgarria Joni Weltz-ek goizeko lehenengo iruzkinean partekatutako estudioaren irakurketa hau]. Zoritxarrez Ainhoaren artikuluak ez du argirik ikusi abenduaren 26ra arte, eta testua eguneratua izan gabe ere, tamalez.

Halakorik gertatzea zorigaiztoko hanka-sartze kate bat baino ez izatea sinistu nahi ez duenak ez du egingo, noski. Independenteari asmo txarrak egoztea erabakia duenak bere horretan jarraituko du nahi adina.

Aurreiritzietatik libre Independentea ilusioz irakurtzen eta egiten dugunok, ordea, uler dezakegu muturreko baldintzek duten eragina, zeinen neketsu, eta era berean ederra den herritarron lan xumetik sortzea komunikabide aske bat, horrek dakartzan emaitza on eta oker guztiekin.

Neronek behintzat, ez dut inongo zalantzarik honetan behintzat. Mila bider nahiago huts egiteko aukerara arriskatu, kritikak jaso eta eraikigarriak izan daitezkeen gaietan aintzakotzat hartu, nire aletxoa subentzio publikoek elikatu eta aldi berean kateatzen dituzten edozein komunikabidetan jarri baino. Baldintzotan, hots, gobernu-jaurlaritzen dirurik gabe, herenegunekoa bezalako huts lotsagarriak egiteko arriskua dago, bai, baina harro aurrezten dugu “lotuta gaude, ezin dugu halakorik argitaratu” inori erantzutearen lotsa handiagoa.

Akatsetatik ikasiz eta burujabe, aurrera!

6 erantzun “Arrazoia duenari eman: badaude txertoen argitalpen zientifikoak” bidalketan

  1. Lehenengo eta behin, proposatzen digutena ez da txertoa, horrela eriketatu badute ere. Txertoa “eritasun germen ahulduak” dira, medikuntza akademiaren definizioaren arabera. Eta sartu nahi digutena, dirudienez, ARN kate eraldatuak dira. Hala ere, ezin seuru jakin, sekretupean baitute.
    Bigarrenik, ezin da egon botika horren epe ertain eta luzeko ondorioei buruzko ikerketarik. Inork ez duelako eduki bere gorputzean epe ertainean edo luzean. Horrexegatik orain arte txerto baten frogatze faseak hamar urtetik gora irauten zuen.

  2. Zorionak Haizea modu honetan zuzenketa bat argitara eman izanagatik, gaur prentsan akatsak ugari ikus badaitezke ere, ia ezinezkoa bai da zuzenketak ikustea. Zorionak komunikabide burujabe bat gu guztiok eskura izatea posible egiten duzulako. Zorionak, euskal gizarteari une berezi hauetan egiten diharduzun ekarpenagatik.
    Eta gaiari erantsi nahi nioke egunerokotasun handia duen aspaldiko Kode bat : Nurembergeko Kodea (1947koa). Prozedura mediko behartuak debekatzen ditu, derrigorrezko txertoak barne. Kode honek prozedura edo terapia mediko beharturik ez onartzetik babesten gaitu.
    Bigarren mundu gerra amaitu ostean hainbat alemaniar mediku naziei Nurembergen egin zitzaien epaiketan du jatorria Kode honek, naziek gizakiekin burutu zituzten hainbat esperimentu kriminalengatik. Kode honek medikuen interbentzioen etika erregulatzen du.
    Eskubide osoa, librea eta aurreiritzirik gabea duzu jaso nahi ez duzun edozein prozedura mediko edo terapia baztertzeko.
    Informazio gehiago helbide honetan duzue: https://es.sott.net/article/75677-Plaga-de-mentirosos-El-Codigo-de-Nuremberg-prohibe-los-procedimientos-medicos-forzados-incluyendo-las-vacunas-obligatorias

  3. Eskertzekoa da informazio badagoela esatea, eskertzekoak dira gaurko artikuluari egin zaizkion iruzkinak. Informazioa badago, bai, baina bide ofizialez eta hauetan sinisten dutenen bitartez zabalduak. Badago ere isiltasunaren zentsura beste jakinduri zientifikoekiko eta badago ezkertiar batzuren bertsio ofizialaren onarpen itsua.

  4. Aupa Independentea! Hedabide ofizoalekoak hanka sartze bakoitzagatik edo informazioa txarto emateagatik hain zintzoki jokatuko balute egunero parkamena eskatzen agertuko lirateke, kar kar kar.
    ARN txertoa…gizakiekin egingo den esperimentu eroa!

Utzi iruzkina

Azken artikuluak