“Aguas de Bilbao” tiburoiaren desenbarkoa Busturialdean

“Monopolia” dokumentala ikusi dugunok —negozioa egiteko uraren monopolioa erakusten duen lehen kazetaritza-dokumentala—, eta Busturialdean asko gara, badakigu ura zer nolako negozioa den.
Bizkaiko Aldundiak ere badaki.

1

Bizkaiko Aldundiak badaki Busturialdeko ur iturri, arteria printzipalak Oiz mendikoak, uraren %40 bidean galtzen duela… tuboa, hodia 1950 hamarkadakoa delako.

%40 galdu!!! Ia uraren erdia bidean galdu?!!

Bizkaiko Aldundiak badaki. 2011tik dauka idatzita proiektua tuberia hori berritzeko baina… konpondu ez. Ura negozioa da, eta haundia.

Ze ganora da hau?! Hamaika urtetan tuberia konpondu ez, eta orain ura barkuetan?! …
Afrikan bageunde bezela…
Santurtzitik Bermiora

2

Bizkaiko Aldundiak badaki, bere politika forestal zentzugabea dela eta, ura erruz “edaten” duten pinu eta eukaliptuen landaketa neurrigabearen ondorioz, Busturialdeko kaptazioetan uraren %20 murriztu egin dela.

3

Bizkaiko Aldundiak, eta Busturialdeko uren propietatea hartu berri duen “Aguas de Bilbao”, Bilbao Bizkaia Ur Partzuergo tiburoiak, badakite Gernika azpian badagoela beste ur kaptazio bat, La Vega IV putzua, erabiltzen ez dena.

Ur edangarria izan ez arren, jatorrian industriek kutsatutako metal astunak dituelako… filtratzeko makinatik pasa ondoren, industriarako zein kaleak garbitzeko guztiz erabilgarriak diren 60 litro/segunduko ematen dituena.

4

Bilbao Bizkaia Ur Partzuergo tiburoiak badaki udalak eta enpresak direla urik gehien kontsumitzen dutenak, baina nahiago dute alarma sortu herritarren artean, herritarron kontsumoa erabakigarria balitz bezela…

Ura zentzuz erabiltzea danori dagokigu, zentzuzkoa da, baina ez gaitzatela tontotzat hartu.

Zenbat kostatuko zaigu Busturialdeko uraren arduradun berri hauen ura barkuz ekartzearen harrikada hau?!

Ze… orain arduradunak berriak dira.
2022 urtearekin oparitu diote, lehen Busturialdeko Ur Partzuergoa osatzen zuten udalek
(guztiak ez dira alde egon baina gehiengoak irabazi du)
Bilbao Bizkaia Ur Partzuergo tiburoiari, Busturialdeko urarekin zer ikusi duen ondare guztiaren propietatea: emariak, instalazioak, tuberiak eta kudeaketa.

Labur esateko, gure ura orain tiburoiaren esku utzi dute udalek, negoziorako prest eta doan.

Busturialdeko urak suposatzen duen negozioari neurria hartzeko datu pare bat:

• 2011an talde berriak Busturialdeko Ur Partzuergoko lehendakaritza kargua hartu zuenean, 3 miloi euroko zuloa aurkitu zuten, aurrekoek, urteetan ganora gabeko (kakots artean) kudeaketa egin ondoren kiebran utzia zutelako, hilzorian, “erreskaterako prest”.
• 2015ean, lau urtetako legegintzaldia burutzean, egindako kudeaketa zintzo eta eraginkorrari esker, Busturialdeko Ur Partzuergoa ekonomikoki osasuntsu zegoen berriz eta 1.700.000€ko superabitaz gainera.

Lau urtetan, gauzak ondo eginez gero, gastuetatik aparte, 4,7 milloi euro libre!!

Lehortea egon dago.
Baina ez dira zintzo jokatzen ari: aspaldiko kontua da Oizko tuberia konpontzearena.

Darabilten helburua ez da uraren arazoa benetan konpontzea.
Darabilten helburua negozioa da.