eskuineko zein ezkerreko

Abertzaleak Babian

Ulertu daiteke duela urte eta erdi abertzaleak Babian egotea, gaitz berri eta erasokor haren aurrean babian baitzegoen osasungintzakoak, politikariak, kazetariak zein oinezkoak, baina gaur egun berdin jarraitzea ez da erraza ulertzen.

16

Juan Martin Elexpuru

Euskal idazlea eta filologoa. Bergara

[Artikulu hau jatorriz 2021ekoa da, orduan Independenteak jarduera etenda zuelarik.]

Erregeren presentzia edo sinadura beharrezkoa zen une larrietan, honako elkarrizketa hau entzuten ei zen Leongo Gorteko agintarien artean: «Non dago errege?», «Errege Babian dago». Esaera ezaguna da gazteleraz Estar en babia (errealitatetik at egotea), baina zenbaitek ez du jakingo Babia Leongo mendietako eskualdea dela, Asturiasko mugan, eta hara joaten zela Espainiako erregea ehizara edo auskalo zertara. Eta garai hartan ez zegoen telefonorik.

Eta niri iruditu abertzaleak Babian daudela COVID-19aren krisi honetan. Donostian ginen abuztu bukaerako manifestazio jendetsuan; denetariko jendea, baina ez zen euskara asko entzuten; ezagun mordoa, herrikoak edo irizkide izandakoak zertan edo hartan, baina etiketadun abertzalerik ez genuen bat ere ikusi, eta are gutxiago buruzagirik. Bulebarreko hitzaldietan euskara gutxi, eskerrak bi bertsolarik eman ziotela amaiera. ¡Los niños no se tocan! sarriago Haurrak ez ikutu! baino. Egia da Jota ke, irabazi arte! oihukatu zuela bazter bateko jendeak bukaeran. Hurrengo eguneko prentsan ehunka ziren manifestariak milaka beharrean. Eta pozik, oraingoan behintzat zerbait jarri dute. Non pass sanitaire! eta Liberté!  oihukatu genuela aitortu behar, frantximentaz eta trikolorez inguratuta, inork ez baitzuen Askatasuna!  aldarrikatzen. Ametsetan ote geunden pasatu zitzaigun burutik, edo zeharo zoratuta. Ai ene!

Non pass sanitaire! eta Liberté!  oihukatu genuela aitortu behar, frantximentaz eta trikolorez inguratuta, inork ez baitzuen Askatasuna!  aldarrikatzen

Joan den larunbatean Baionan ginen. Jendetza handia. Hitzaldi guztiak frantsesez. Frantziako banderak, ikurrina batzuk ere bai (gure aurrekoak makila berean zeramatzan ikurrina handia eta Frantziako txikia). Ez genuen ezagun bakarra ikusi, eta hori gure ibilbide politikoagatik lagun asko dugula Iparraldean. Abertzaleak Xiberoko bortüetan ibiliko ziren ziur asko, Babia urrun samar geratzen baitzaie. Karrikaz karrikako ibilbide gozatsuan (tabernari eta dendari anitz txaloka, aurretik pasatzean), Non pass sanitaire! eta Liberté! oihukatu genuela aitortu behar, frantximentaz eta trikolorez inguratuta, inork ez baitzuen Askatasuna! aldarrikatzen. Ametsetan ote geunden pasatu zitzaigun burutik, edo zeharo zoratuta. Ai ene!

Ulertu daiteke duela urte eta erdi abertzaleak Babian egotea, gaitz berri eta erasokor haren aurrean babian baitzegoen ia mundu guztia, osasungintzakoak, politikariak, kazetariak zein oinezkoak, baina gaur egun berdin jarraitzea ez da erraza ulertzen.

badakigu haurrek eta gazteek gaitzagatik hiltzeko edo hondatzeko duten arriskua hutsaren hurrengoa dela

Txertoen gaiari soilik begiratuta, orain badakigu txertatuek zein txertatu gabeek arrisku berdintsua dutela gaitza harrapatzeko zein transmititzeko (eta hiltzeko), benetako datuek hori erakusten dute. Eta denok ezagutzen ditugu albo kalteak auzoan eta lagunartean. Eta badakigu haurrek eta gazteek gaitzagatik hiltzeko edo hondatzeko duten arriskua hutsaren hurrengoa dela. Hala ere inork ez du txintik esaten abiada bizian doan gaztetxoen txertaketaz, eta zenbaitek jaunartzera bezala daramatza seme-alabak ziztada hartzera, jakinik edo jakin gabe sartuko dietena jatorrizko birusari (alfa) begira asmatutakoa dela, eta ez dagoela garbi egun bolo-bolo omen dabilen delta aldaerarentzat zenbateraino balio duen, hori entzuten zaie behintzat hirugarren dosiari bidea prestatzen ari diren osasun agintariei. Miokarditis? Perikarditis? Balizko ondorioak epe erdi eta luzera? Baina zer diozu, konspiranoikoa!

Zertarako jarraitu. Nik uste abertzaleek, eskuineko zein ezkerreko, sindikatu nagusia buruan, badutela Babiatik eta Xiberoko bortüetatik jaisteko garaia. Bestela Leireko San Birilari gertatu zitzaiona gerta dakieke.

Berrian argitaratuta estreinakoz 2021eko irailaren 10ean >

Nahi baduzu, Independenteak aurrera egin dezan lagundu dezakezu. Idatziz, itzuliz, janariz, irudigintzan, bideogintzan, bertsotan, diseinuan, informatikan, psikologia klinikoan, abokatutzan edo diruz ere bai. Ziberjazarpenari aurre! INDEPENDENTEA LAGUNDU >

Honen harira

16 erantzun “Abertzaleak Babian” bidalketan

  1. Abertzale munduko jende bat hasieratik egon dira osasun ikuspegi tiranotik at, buruzagiak, noski, ez, beste maila batean jokatzen dute. Baina ditxosozko egoera honetan paradigma politiko desberdin baten aurrean ez ote gaude? Euskaldunok gure hitza eta hizkuntza aldarrikatu beharra daukagu, hori etengabe esan behar diogu geure buruari eta disidentzia berezi honetan parte hartzen dutenei behin eta berriz adierazi.
    Gure prentsaren eta intelektualen paperaz nahiago dut txintik ez esan, ez du giroa hobetzeko balioko eta.

  2. Sakon sakonean dagoen auzia, abertzaleon artean, paradigma aldaketa da: desobedientziatik obedientziara, antagonismotik asimilaziora. Aralarreko Elexpuru erneago ibiltzea da, agian, umilagarriena.

  3. Disidente hitzak, bereziki, ez nau harekin bat egiten. Nolanahi ere, erresistenzia gorputzen dugu. Elite eugenista da gizateriarengandik disentitzen duena. Hoiek dira gizateriatik banandu direnak.

  4. Nire ustez, ezker abertzalean ere, gainerako alderdi, sindikatu eta abarretan bezala, ez dute bertsio ofizialetik desbideratzen den ezertxo ere esaten, ezta egiten ere; birusaren iruzurrari jokoa egiten jarraitzen dute. Ez dute birusik, inork ez du isolatu. Espainiako gobernuak, Kanada bezalako beste estatu batzuek, OMEk eta abarrek hala esan digute.
    Noizean behin, horrelako artikuluak onartzen dituzte jarraitzaile kritikoak lasaitzeko. Baina ofizialtasunarekin hitzartuta duten marra gorririk igaro gabe.

    Nire ustez, honako hau gertatzen ari da:

    1. Animalien % 1ek gainerako pertsonen gizartea aldatu nahi duela.
    2. MOB (NWO) delakoa inplementatu nahi dutela.
    3. Horretarako, planetako pertsona guztien banakako kontrola behar dutela. Gutxienez herrialde garatuetakoak.
    4. Kontrol horrek akatsik edo ihesik ez izatea. Horregatik, gorputzean injektatutako nanoteknologiarekin lortzen da. Nanoteknologia horrekin gutxienez bi kontrol lortzen dira; A) Geolokalizazioa, B) Neurokontrola, portaera zuzentzeko, emozioak eta pentsamenduak txertatuz.
    5. Pertsonek nanoteknologia hori injektatu ahal izateko, engainatu egin behar izan dira. Zer hobe bakunaren aitzakiarekin baino.
    6. Eta bakunarena eskusa izateko, inork ikusi ez duen birusa asmatu da.
    7. Amaitzeko, jendeak birusaren existentziak sinets dezan, gehiegizko hilkortasuna eragin dute, txertoekin eta beste gauza batzuekin intoxikatuz, are gehiago irradiazio elektromagnetikoekin.

    Ea noiz uzten diguten Gara, Berria egunkarian ildo horretan hitz egiten. Nik uste dut inoiz ez

  5. Holako manifestazinoetan, konzentrazinoetan…euskera gitxi entzuten da. Lelo gehienak gaztelaniaz dira. Eguenean Asier Arregi Bilbon izan zan eta gaztelaniaz berba egin eban entzuleek euskeraz ez ekielako, batzuok, bi edo hiru, izan ezik. Onartu egin behar da “Covid 19ak” bidelagun desberdinak sortu dauzala. Baina ez hemen bakarrik, leku guztietan. Eta konprobetako Berlingo manifestazinoak ikusi besterik ez dago.

  6. Eta zenbat lagun joan ziren Asier Arregiren hitzaldira Bilbon? Galdetu al zitzaien entzule guztiei euskara ulertzen ote zuten? Hemen iaz, Algortan, Asierrek hitzaldi bat eman zuen euskaraz, eta horrela iragarri zen, eta euskaldun jendea bakarrik etorri zen. Zonaldeak ere kontuan hartu beharko lirateke, eremu batzuk euskarazkoak dira eta beste batzuk gaztelaniazkoak. Bilbon, adibidez, eta Getxon, gero eta gehiago hitz egiten da euskaraz, kalean jendea entzuten da hitz egiten. Agian aurreiritzien kontua da eta hitzaldia euskaraz eman zezakeen. Manietan, kontsignak % 50ean euskaraz eta erdaraz esan beharko lirateke, eta poneteak, oreka bat bilatzea izan badaiteke, hori saiatzen direla uste dut. Azken hau zailagoa izan daiteke.

  7. ezker antolatu ORTODOXO nahiz HETERODOXOren jarrerari buruz, Europan zein hemen, ZERGATIAZ solasta gaitezke.

    Seguru arrazoi bat baino gehiago dagoela. Orduan, Foro honetan, bakoitzak dakusatzan zergatiak eman, eta, aberasgarriago izan dadin, zergatiak MAILAKA ditzakegu.
    Nik adibidez, informazio eta ikerketa ia-ia nuloa atzematen diat MUTISMO HORREN barrenean.

  8. Patrik ez deutset denei galdetu “mesedez gaztelaniaz ” entzuten nekatuta nagoelako. Bilbon euskeraz gero eta gehiago entzuten da. Baina dakigunok Asierren hitzaldietara oso gitxi joaten gara. Pentsetan dot Bilbon holako hitzaldietan inoiz ez zarala izan. Ez dot gai honegaz jarraitu gura, badakidalako zein dan egoera.

  9. Zertan denbora galduko dugu
    alferrikako disputan
    gure zilborrai beti begira
    hain ibilbide hestutan
    demagogia ta autoengainoa
    sarri diskurtso puztutan
    abertzaleen prediku antzuak
    burujabetza hustutan
    aspaldi erori egin zirelako
    globalisteen eskutan!

  10. Zori ona, Patrik, artikulua argitaratu baitiate GARAko zokondo digitea. Oso ona. Haizea poparean goazak.

    Beno, Ezker Antolatuak pot egitearen zergatiez, baditiagu bi zergati bederen:

    -Ezjakintzaren Faktoriak biluzik utzi dituk

    -Globalismo manipulatuarena MEZUAK irenstearren, tokikoa abandonatu eta lekuz kanpo geratu ditut (arraina lehorrean bezala)

    Ez gaituk hasiko zergati biotarik zein ote den lehenbiziko (oiloa ala arrautza), baina hortxe bi arrazoi. Besterik?

    Esango nuke Ezkerrak bere memoria historikoa GALDU duela.
    “Zuen arbasoen Memoriaren umezurtzak zarete”, erran dute gutaz, Zurbil-Aurpegioz, Wachumara leinukoek.

  11. Duela egun batzuk bidali nuen, eta uste nuen ez zutela argitaratuko. Eskerrik asko abisatzeagatik Josu! Besarkadak!!!!

  12. Gabonetako oporrak Gaztelara igarotzera etorri behar izan dugu, aisialdiaz nolabaiteko normaltasunez eta askatasunez gozatzeko. Familiako batzuk txertatuta daude, beste batzuk ez, baina denok ados gaude pasea ez dugila sekula erabiliko.

  13. Juan Martin, Iruña-Veleiaren aferan argi ikusi zenuen abertzaleak non dauden.
    Gai honetan ere argi ikusi da: E. Herria politikoki hilda dago.
    Euskeraren egoera ikusita ere herria hil zorian dagoela esango nuke. Zoritxarrez 4 erromantiko gelditzen gara.
    Zuk ez dakizun zer esango dizut ba?
    Batzuk azken hatsa bota arte borrokatuko dugu.
    Besarkada bat.

Utzi iruzkina

Azken artikuluak