Uda honetan Euskal Herriko sorginkeriaren inguruko jardunaldiak, pelikulak eta artikuluak agertu dira, baita Independentean ere. Horietan, gaur egungo ikuspegitik azaldu da nola botere politikoak, Elizaren dogmak aldatuz, sekulako hilketak egin zituen XVI. mendean, Europan zein Euskal Herrian bertan, askotan Nafarroako konkistaren errepresioaren luzapen gisa.
Komunikabide nagusiak zigorraren alde daude nabarmen
Indian, historia gurpil bat bezala irudikatzen dute. Eta, hara non, gaur egun antzeko egoera batean gauden. Botereak erlijioz aldatu du eta zientzia edo, hobeto esanda, sasi-zientzia erabiltzen du Inkisizioaren arrazoi moduan. Botere horrek orain, bere morroi diren Osakidetza eta Erizain Kolegioaren bidez, kartzelara bidali nahi du beste emakume bat, erizaina, sakrilegio bat egin duelako, hau da, umeei ez dielako txerto genetikorik jarri. Hori sekulako bekatua omen da, 7 eta 20 urte arteko kartzela-zigorra eskatzen dute-eta, aginduak ez betetzeagatiko zigor gisa. Komunikabide nagusiak zigorraren alde daude nabarmen eta, pandemia garaietan bezala, totalistarismoari jarraituz, alde bakarreko argudioak argitaratzen dituzte eta bestelakoak ezkutatu.
2021ean jada, Danimarkan eta Suitzan debekatu egin zuten gazteei eta umeei Covid txertoak jartzea
Eta zein berri estaltzen ari dira komunikabide nagusi horiek? Bada, adibidez, 2021ean jada eta hortik aurrera, Europar Batasuneko bi estatutan, Danimarkan eta Suitzan alegia, debekatu egin zutela gazteei eta umeei Covid txertoak jartzea, miokarditisaren sorburu direlako. Edo, orain dela sei hilabete, AEBn ere txerto genetiko horiek kendu egin dituztela ia populazio osoarentzat, bereziki ume eta gazteentzat, eta RNA mezularia darabilten terapien inguruko ikerkuntzari diru-finantzaketa moztu diotela. Milaka artikulu agertu dira Covid txertoen eragin kaltegarriaz eta herrialde batzuk OMEtik atera dira dagoeneko; OMEren prestigioa guztiz galduta dago.
Baina hemen ez, Euskal herrian mugitu gabe jarraitzen dugu. Iparrak iaz datuak eskatu zizkien osasun-arduradunei, txertatuen eta txertatugabeen gaixotasun batzuen intzidentziak konparatzeko: iktusak, tronbosiak, minbiziak, antzutasuna eta abar. Baina ez dute horri buruz ezer jakin nahi. Eusko Legebiltzarreko Osasun batzordean errepikatu egin genuen eskaria joan den maiatzaren 5ean, eta irainak jaso genituen erantzuntzat. Mundu osoan ugaritzen ari dira guk eskatutakoen moduko ikerketak, eta hemen orain dela bost urteko diskurtsoarekin jarraitzen du ofizialtasunak.
Gezurra eta izua zabaldu zituzten berberek orain emakume erizain bat sutara bidali nahi dute. Historia errepikatu egin ohi da
Gezurra eta izua zabaldu zituzten berberek orain emakume erizain bat sutara bidali nahi dute, irailaren 15ean (datorren astelehenean) Barakaldoko epaitegian hasiko den prozesuan. Historia errepikatu egin ohi da.
Komunikabide nagusiak zigorraren alde daude, NOSKI ! !
Barakaldokoak nahastu nau; izan ere, epaitegia bertan dagoen arren, gertakariak Santurtziko Osakidetzaren zentro batean jazo ziren.
Erizain honek erakutsi duen kontzientzia maila txalogarria bezain harrigarria iruditu zait.
Askok pentsatuko dute erizain bat, are gehiago emakumea izanik (edo batez ere emakume izateagatik), ez dela nor muzin egiteko medikuntza sistemaren hierarkiari eta “primun non nocere” printzipioa aplikatzeaz batera, hau bezalako desobedientzia zibileko sekulako ikasgaia emateko.
Era berean, askok pentsatuko dute emakume ausart hau burutik eginda dagoela horrela desobeditzeagatik, edo arduragabekeriaz jokatu duen gaizkilea dela. Gutxi izango gara, ordea, desobedientzia ekintza honetan erizainaren onberatasuna eta kontzientzia maila altua ikusiko ditugunak. Ziur aski honelako pertsona batentzat eramangarriagoa da justizia sistemak ezar diezaiokeen zigorra bere kontzientzian ehunka umeren gaixotasun edo baita heriotzak ere eramatea baino.
Orain eskarmentua dator, ezein mediku, erizain edo bestelako osasun langilea ez dadin ausartu hierarkiatik datozkien aginduak ez betetzera, lerroak ondo itxita egon daitezen kriminalen errugabetasuna ziurtatzeko.
Goazen erizain hau laguntzera, mesedez!
Errugabetasuna ez, zigorgabetasuna. Barkatu.
Guztiz ados Ane. Eskura ditugun tresna guztiekin lagundu behar diogu erizain ausart eta kontsekuente honi.
Prentsan irakurri dudanez, hasierako eginbide judizialak Barakaldoko Instrukzio Epaitegian izan ziren, baina bihar hasiko den epaiketa Bilboko Bizkaiko Auzitegian izango da goizeko 10:00etan, egunero ostiralera arte.
Salbuespenak salbuespen, epaiketak publikoak izaten dira. Entzule moduan sar daitekeen jakiteko Auzitegian bertan galdetu behar da.