Zein arrazoi zientifiko dago 0-6 urte bitarteko haurrei gripearen txertoa jartzeko?

5 hilabetetik 6 urtera bitarteko adingabeei gripearen txertoa jartzeko akordioa Mediku Pediatren Elkartearekin batera hartu dela-eta, herritarrok, lehenik eta behin, neurriaren proportzionaltasuna ezartzen duten azterketa zientifikoak erakusteko eskatu behar dugu, txertaketa horrek herritarrei eta, zehazki, adingabeen biztanleria-sektore horri onura handiak ekarriko dizkiela egiaztatzeko.

Covid pasaportea ezarri zutenean, EAEko Auzitegi Nagusiak ebatzi zuen Eusko Jaurlaritza ez zela gai izan zientifikoki frogatzeko neurria proportzionala zenik, osasun-arloko profesionalek, alderdi guztietako politikariek eta Eusko Jaurlaritzak baieztatzen zituzten onurekiko, eta orain aurkezten zaigun kasua covid pasaportearekin gertatutakoaren antzekoa da. Eusko Jaurlaritzako jaun-andreok, osasun-arloko profesionalak eta, bereziki, pediatriakoak: proposamen hori bermatzen duten azterketa zientifikoak erakutsiko dizkiguzue?

Gripea duela mende bat baino gehiagotik dugu gure munduan, eta txertoa, berriz, joan den mendeko 40ko hamarkadaren erdialdetik, eta inoiz ez da pentsatu adingabeek txertoa hartu beharko luketenik. Horregatik galdetzen dizuet, eta edozein politikarik galdetu beharko luke covid txertoaren porrotaren aurrean: zein da erabaki hori hartzeko benetako arrazoia?

Era berean, esan dezakegu gripearen txertoa, historikoki, erabateko porrota izan dela; izan ere, datu ofizialekin, behin eta berriz, txertaketa hori ematen den adineko pertsonen artean, heriotzen ia % 50 gripearen txertoa hartu duten pertsonei dagozkie, eta hori, estatistikoki, ez da txerto horren eraginkortasunaren adierazgarri.

Beraz, osasun-arloko profesionalengana jotzen dut, eta, bereziki, Pediatriako Mediku Elkartearengana, politikariengana eta Eusko Jaurlaritzarengana, adingabeei txertoa jarri aurretik galdera batzuk erantzun diezazkiguten:

• Azaldu nahi al diguzue neurriaren proportzionaltasuna, proportzionaltasun hori berresten duten ikerketa zientifikoekin batera?
• Adin txikikoei txertoa jartzeko arrazoi bakarra griperako zein coviderako txertatuta dauden adinekoak babestea baldin bada, benetan uste al duzue neurri hori zientziari dagokiola?
• Adinekoen txerto bikoitzaz gain, adingabeek ere txertoa hartu behar dutela uste baduzue, horrek ez al du esan nahi benetan zuek ere ez duzuela txerto horietan sinesten?
• Txertatzeko seta horren aurrean, herritarrok galdetzen dugu: ez ote dira, egiazki, diru-interesak egongo, eta ez interes zientifikoak?
• Publiko egingo al digute gardentasun osoz zenbat osasun-profesionalek eta, bereziki, zenbat pediatrak hartu duten gripearen txertoa? Eta covid txertoa?
• Publiko egingo al dizkigute, txertaketari dagokionez, adingabeek nozitutako albo-kalteen eta hildakoen berri gardentasun osoz ematen duten datuak?
• Publiko egingo al digute txertatutako zenbat adineko gaixotu diren gripeak eta covidak jota?

Gardenak izateko eta herritarrak galdera horiei buruz informatzeko gauza ez baldin badira, edo, datuek hala berresten badute, txertaketaren neurri hori medikuntza ofizialaren eta politikaren beste porrot bat izan dela aitortzeko gai ez baldin badira, geratzen zaigun aukera bakarra erantzukizunak eskatzea da, bai sanitarioei, auzitegietara eramanez, bai politikoei eta Eusko Jaurlaritzari, erantzukizunak eskatuz eta, jakina, dimisioa exijituz.

Esperientzia zitala izan genuen COVIDarekin pandemiak iraun zuen bitartean, eta ez gaude orain berriz ere esperientzia negargarriak jasateko, ez osasun-arloan tratamenduekin erakutsi duten inkonpetentziagatik, ezta politikariek agertu duten demokrazia eta giza eskubideekiko errespetu faltagatik ere.