Txosten mediku antropologikoa

Angel Bidaurrazaga Vandierdonck-ek hautatutako eta euskaratutako pasartea, honako liburutik: HISPANOLIZACIÓN: Crónicas de una Guerra de Cuarta Generación contra los Baskos del siglo XXI

Kostunbrismo sindromea eta bereziki amnesia larria duen gaixo bat aurkezten da bere gaitasun auzokratikoen krisiarekin.

Pazientearen izena: Euskalduna. Lehen abizena: Cro-Magnon. Bigarren abizena: Neanderthal.

Adina: arkeo-dokumentazio linguistikoen arabera 5.500 urte inguru duela adierazten du, baina beste iturri batzuetatik 11.000 urtekoa izan daitekeela uste da.

Helbidea: Auñamendi-Pirinioan kokatutako familia batekoa da, 9.000 urte inguruz hedatu zena mendilerroaren iparraldera eta hegoaldera. XV. mendearen amaieratik, haren ondorengoak nabarmen ugaritu dira Ameriketan.

Nazionalitatea: kultura megalitikoa.

Diagnostikoa: fisikoki ez du kalte handirik agertzen, Txinako birusaren fenomenoarekiko esposizio handiaren ondorioz atera daitezkeen emaitzen zain.

Diagnostikoa: Txinako birusaren fenomenoarekiko esposizio handiaren ondorioz atera daitezkeen emaitzen zain

Bere osasun kulturala artatzen hasi zen Antoine Abadiek dio, XIX. mendeko hainbat gerratan jasotako lesio larrien ondorioak atzeman zituenetik, bertako biztanle ugariren sistema immunologikoa ahuldu zela, autoestimu baxua eta ezaugarri exogenoekiko lehentasuna sortuz, bereziki saprofito inbaditzaileen bitartez. Formalismo gisa identifikatutako fase terminalean dauden kasu ugari antzematen dira. Gure zentroak eskura dituen langileen eta bitartekoen falta dela-eta, oraingoz ezin izan dugu ugaritutako kultur zonbi kopurua zenbatu.

Pazientea bigorismo batean bizi da: adibidez, pedalei eman eta eman ibiltzea, bizikleta estatiko batean dagoela konturatu gabe

Kultur amnesiak bere Memoria Historikoari eragiten dio bereziki, arbasoekiko lotura osasuntsua eragozten dio, eta horregatik Kultura eta Zibilizazioa nahasten ditu. Neurona mailan, kultura-ingurunea ulertzeko gaitasunean kalte sakonak antzeman dira, eta, horregatik, bigorismo batean bizi da: adibidez, pedalei eman eta eman ibiltzea, bizikleta estatiko batean dagoela konturatu gabe. Zailtasun handiak ditu morala eta legala bereizteko. Jokabide mailan, erosoagoa da liderren aginduak betetzea idealei kasu egitea baino; ongizate pertsonalaren aldeko apustua egitea bere kontzientziarekin bat egitea baino, indibidualismoaren hobespen handia eraginez, jai egoeretan bere aurrekari gregarioak azalduz.

Tratamendua: Abadie jaunaren terapiari eustea, gaixoaren kontzientzia etengabe estimulatuz, arbasoen bizipenekin loturiko bertsoen, abestien, esaeren, jatorrizko hizkuntzak zaindutako kontzeptu humanistikoen eta gertakarien bidez. Talde-terapia pixkanaka aplikatzea, gaixoak bere kultura espeziearekin erlazionatzeko gogoa erakusten duenean.

Bermeon, 2022ko abenduaren 4an.

Odon Ulibarrena Iroz