Wolfgang Wodarg, Europako Kontseiluko Osasun Batzordeko presidente ohia da eta salaketa historiko baten protagonista izan zen 2009an. OMEri leporatu zion industria farmazeutikoaren interesen zerbitzura zegoela eta A gripearen ustezko pandemiarekin justifikatu gabeko mundu mailako izu-bolada eragiten saiatu zela. Haren salaketak ez zuen lortu Tamifluren milaka milioi dosiren salmenta geldiaraztea, baina behin betiko geratu zen beldurrezko kanpaina mediatikoa.
Michael Yeadon, Pfizer farmazia-erraldoiaren presidenteorde eta zientzialari buru ohia da. Asteak daramatza garrantzi handiko adierazpenak egiten, eta argudio sendoen bidez defendatzen du konfinamenduak ez direla erabilgarriak. Bere lehengo konpainia eta beste batzuk prestatzen ari diren txertoak, ez direla beharrezkoak eta hauek garatzea eta ezartzea arriskugarria ere badela aldarrikatzen du.
2020ko abenduaren 1ean SARS 2 Cov txertoen azterketa guztiak eta espreski BioNtech/Pfizer etxearen BNT162b (EudraCT number 2020-002641-42) azterlana berehala bertan behera uzteko eskaera aurkeztu zuten aipatu bi doktoreek EMAn, EB osoan sendagaiak onartzeaz arduratzen den Europako Medikamentu Agentzian. 2020 NEWS, Alemaniako Korona-Batzordearen argitalpenak egun berean eman zuen albistea eta albiste horixe da hain zuzen ere, erreportaje honen iturri nagusia.
Boluntarioen bizitza eta osasuna babestearren azterlanak ez jarraitzeko eskatu dute Wodarg eta Yeadon doktoreek, harik eta txertoaren eta ikerketaren diseinuaren aurka gero eta ugariagoak diren zientzialariek adierazten dituzten segurtasun-kezka garrantzitsuei erantzun egokia ematen dien azterketa-diseinu bat eskuragarri egon arte.
Alde batetik, eskatzaileek exijitzen dute azterketa serio batean Sanger-en sekuentziazio izenekoa erabiltzeko, PCR probaren zehaztasun faltagatik. Horixe da Covid-19ren aurkako txertoaren eraginkortasunari buruzko adierazpen fidagarriak egiteko modu bakarra. Kalitate oso aldakorreko PCR probetan oinarrituta, ez gaixotasun-arriskua, ez txertoaren balizko onura ezin dira behar bezain ziur zehaztu, eta baldintza hauetan, txertoa gizakietan probatzea berez da ez etikoa.
Bestetik, exijitzen dute aurreko azterketetatik ezagutzen diren arriskuak, hein batean koronabirusen izaeraren ondorioz sortzen direnak, animaliekin egindako esperimentuen bidez, adibidez, baztertu egin behar direla. Kezkak ondoko puntu hauetara bideratzen dira, bereziki:
- “Antigorputz ez-neutralizatzaile” izenekoak sortzeak gehiegizko immunitate-erreakzioa eragin dezake, batez ere, frogaren pertsona horrek benetako birus “basatiari” aurre egin behar dionean txertoa jarri ondoren. Antigorputzen menpeko anplifikazio (ADE) izeneko hau aspalditik da ezaguna, katuetan egindako korona-txertoen esperimentuengatik, adibidez. Azterketa horietan, hasieran txertoa ondo toleratu zuten katu guztiak hil egin ziren, birus basatia harrapatu ondoren.
- Txertoek SARS-CoV-2-ren puntako proteinen aurkako antigorputzak sortzea espero da. Hala ere, puntako proteinek proteina sincitina-homologoak ere badituzte, gizakien moduko ugaztunetan plazenta eratzeko funtsezkoak direnak. Erabat baztertu behar da SARS-CoV-2-ren aurkako txerto batek sincitina-1 horren aurkako immunitate-erreakzioa eragin ahal izatea; bestela txertatutako emakumeengan iraupen mugagabeko ernal-ezintasuna gerta liteke.
- BioNTech/Pfizer-en mRNA txertoek polietilenglicol dute (PEG). Pertsonen %70ak substantzia horren aurkako antigorputzak garatzen ditu. Horrek txertoa jartzean pertsona askok erreakzio alergikoak izan ditzaketela, eta horiek hilgarriak ere izan daitezkeela esan nahi du.
- Azterketaren iraupen laburregia dela eta, ezin da efektu berantiarren estimazio errealista bat egin. Baldin eta larrialdi-onespena ematen bazaio eta txertaketaren ondorio berantiarrak behatzeko aukera geroratzen bada, zerri-gripearen aurkako txertaketaren ondorengo narkolepsia kasuetan bezala, milioika pertsona osasuntsu onartezina den arriskupean egongo lirateke. Hala ere, BioNTech/Pfizer-ek, itxuraz, larrialdiko onespen-eskaera aurkeztu zuen 2020ko abenduaren 1ean.
Txertatze azterketak geldiarazteko aldarrikatuz argudio hauek garatzen dituen txostena aurkeztearekin batera, Wodarg eta Yeadon doktoreek EBko herritar guztiei laguntza deia zabaldu diete eskaera babes dezaten. Ondoko mezua posta elektronikoz EMAra bidaltzea eskatzen dute.
Hartzailea: press@ema.europa.eu
Cc: petitionEMA@corona-ausschuss.com
GAIA: Co-signing the petition of Dr. Wodarg, Germany, and Dr. Yeadon, UK, (submitted on 1-Dec-2020)
Andere edo Jaun agurgarria:
Honen bitartez Dr. Wodarg eta Dr. Yeadon-en premiazko aldarrikapenarekin bat egiten dut, BNT162b (EudraCT Number 2020-002641-42)-ren III. Faseko azterketa klinikoak eta beste azterketa kliniko batzuk geldiarazteko eskatuz.
Dr. Wodarg eta Dr. Yeadon-en eskaeraren testu osoa lotura honetan dago:
Begirunez eskatzen dut EMA-ren erantzun bizkorra Dr. Wodarg and Dr. Yeadon-en aldarrikapenaren aurrean. Adeitasunez
Dear Sir or Madam,
I am hereby co-signing the petition of Dr. Wodarg and Dr. Yeadon to support their urgent request to stay the Phase III clinical trial(s) of BNT162b (EudraCT Number 2020-002641-42) and other clinical trials.
The full text of the petition of Dr. Wodarg and Dr. Yeadon can be found here:
I hereby respectfully request that EMA act on the petition of Dr. Wodarg and Dr. Yeadon immediately. Regards
Izen-abizenak: ……………………………
OHARRA: testu osoa jasotzen zuen loturak akatsa ematen du zentsuratu dutelako. Hemen deskargatu daiteke orain.
Oso artikulu ona, mila esker!
Txertoarena bizi dugun krisi politiko-sanitarioaren gakoetako bat da… Inork ez ote dio bere buruari planteatu ere egiten, A gripearekin eta beste batzuekin gertatu zen bezalaxe, helburu komertziala -txertoak saltzea, alegia- eduki dezakeeka honek guztiak? Harrigarria da benetan!
Jakin nahi nuke zer dioten honi buruz Ugo Mayor, Miren Basaras, Felix Zubia eta enparauek, orain arte euskal prentsan argitaratu dituzten erabat lerratutako panfletoez haratago.
Argi dago txerto hau negozio handi baten barruan ulertzen da A griperekin gertatu zen moduan, nire ere honi buruz Felix Zubiaren edo Hugo Mayorren iritziak jakitea gustatuko litzaidake!