20:00etako txaloak

Surrealismua da azken txilixua

Jantzi gona eta defenda dezagun gure amona!

6

Ainhoa Bilbao

Filosofia irakaslea. Bilbo

Batzuetan ez dakit nola idatzi ere, zorabiatu egiten bainaiz. Horrenbeste gauza daude esateko eta denak dira hain tuntunak. Mundua begiratzen dudan bakoitzean zentzugabekeria baino ez dut ikusten. Egia esan hau ez da barria, baina, duela urte bitik hona, dena bihurtu da absurdoaren antzerki obra bat. Guztiok etxean giltzaperatu gintuztenean, esker onez txalo egitea besterik ez zitzaigun bururatu. Pandemia baten erdian osasun langileek ongi entseatutako koreografiak dantzatzeko denbora izan zuten. Birusa kutsatu ez zedin, ez zen dirurik erabili behar, baina banku txartelak ongi etorriak ziren, birusak hauetatik behera irrist egingo zuelakoan. Txertoek ez dute gaixotasuna ekiditeko balio; beno, lehenengo asteetan bai eta gero gutxiago baina azkenean ez, baina tabernara joan ahal izateko, ez dago txertoa baino beste ezer baliagarriagorik. Barkatu baina geure buruekin jolasean besterik ez zaretela ari esango nuke nik. Egunen batean esnatuko ote naiz amets gaizto honetatik? Nire eskuari atximurka egiten diot sarritan eta, horrela ere, ez naiz esnatzen. 

Egunero
galdetzen diot
neure buruari
zer izango
ote den
hurrengoa

Egunero galdetzen diot neure buruari zer izango ote den hurrengoa. Egia esan, aspaldi konturatu nintzen nire irudimena ez zela hain ona. Irudimenari dagokionez behintzat, gure agintariei onartu beharra diet irabazi egiten didatela. Inoiz ez nuen pentsatuko pandemia hilgarri eta kontrolik gabeko baten erdian gaudela uste duenak diskotekara joan ahal izateko beharrezko txertaketa aldarrikatuko zuenik. Inoiz ez nuen pentsatuko “Coca Cola lata bat baino gehiago ez dela utopia”.

Salvador Daliren surrealismoa gaindituko duen beste neurririk asmatuko ez dutela uste dudanean, hara non agertzen diren beste ideia zoragarri batekin. Orain musukoa jarri beharra dago, birusa ez zabaltzeko? Ba, ez. Gure helduen pentsioak 2020-2021eko KPI-ari egokitu daitezen. Zure gurasoen edo aitona-amonen pentsioak behar bezalakoak izatea nahi baduzu, jar ezazu maskarilla! Jarri maskarilla eta ikusi nola ordaintzen zaien gure helduei pentsioetan zor zaiena. Magia potagia! Ezer ez hemendik, maskarilla bat handik eta tris-tras! Pentsioak xisteratik irten dira! Tatxaaaan!

Bai, jaun-andreok, bai. Gaur, hau idazten ari naizen egun honetan, 2022ko otsailak 1, asteartea, Parlamentu Españolean bozkatuko da dekretu berria. Bertan musukoak eramateko derrigortasuna eta pentsiodunei KPI-aren igoeraren ondorioz dagokiena ematea bozkatuko da, gauza biak batera, dekretu berean. Trikimailu larregi darabiltzagu jada. Ez dago itsuagorik ikusi nahi ez duena baino. Mundu honen surrealismoa ikusita, egunen batean Magritten harriak bezala airean esekita geldituko naizela espero dut, hau guztia pasatu arte; mundua berriro ulergarri bihurtu arte; jendeak elkarrekin berriro hitz egin ahal izango duen egunera arte; amets gaizto honetatik esnatzen naizenera arte. 

Surrealismua da azken txilixua. Hori horrela bada, ideia askoz ere politagoak nituzke buletinean jartzeko:

1. Artikulua:

Guztiok buruko nabarmenen bat eramateko beharra, bakoitzak bere estilora, baten batek gurekin topo egin nahi ez badu urrunetik ikusi gaitzan eta disimuluz saihestu dezan elkartzea.

2. Artikulua:

Alkandorak gerritik behera janzteko beharrezkotasuna, birusa zapi artean zezena bezala toreatzeko. -Azken hau oso folkloriko eta español geldituko litzaieke-.

3. Artikulua:

Mundu guztiak aurpegia kolore deigarriz margotu behar du birusa beldurtzeko eta kaletik dantzan joan behar da, kirikino iledun birus hori kobra bat bailitzan oharkabetzeko.

Oraintxe konturatu naiz irudimen handiagoa dudala nik gobernuak baino, baina txarkeria askoz ere txikiagoa.

Mundu askoz ederragoa izango litzateke hori, baina… Zer izango ote da hurrengoa? Oraintxe konturatu naiz irudimen handiagoa dudala nik gobernuak baino, baina txarkeria askoz ere txikiagoa. Halan da ezen, animo guztioi, jantzi gona eta defenda dezagun gure amona!

2022ko otsailak 1

Nahi baduzu, Independenteak aurrera egin dezan lagundu dezakezu. Idatziz, itzuliz, janariz, irudigintzan, bideogintzan, bertsotan, diseinuan, informatikan, psikologia klinikoan, abokatutzan edo diruz ere bai. Ziberjazarpenari aurre! INDEPENDENTEA LAGUNDU >

6 erantzun “Surrealismua da azken txilixua” bidalketan

  1. Ona, eskerrik asko Aino. Ni hasia naiz 3. artikulua aplikatzetik, ahal dudanean, pin pan pin pan, zalantzan aurrean beti, bazpare, dantza pixkat! Etxean ere, tarteka. Ez da ezer kostatzen eta babesten dugu elkar. Batez ere helduenganako errespetuagatik egiten dut nik… Ez da ezer kostatzen.
    Eta askatzeko pixkat bizkarra ñooooo

  2. Surrealismoa hasieratik amaierarte! Eta hasieratik guztia susmagarria izan den bezala, orain gutxi izandako ustezko amaiera erabat inkriminatorioa!
    Noizbait kontuak eskatu beharko genituzke gure gobernuei. Eta galdetu ea zergatik gaur posiblea dena, hilabete batzuk lehenago ezinezkoa zen; baita galdetu ere zeren datuetan oinarritu dira bi urteetan zehar jasandako libertateen murrizketa justifikatzeko, komunikabideen bonbardaketa inposatzeko, orain datu epidemiologiko berdinekin edo txarragoekin “pandemiak” ofizialki ia existitzeari utzi dioten bitartean.
    Azken EAE-ko Covid Boletinaren arabera azken astean 71 pertsona hil dira covidarekin (ez covidek, baina “pandemia” osoan horrela kontatu dituzte). Datu hori asteko bataz bestekoa izan balitz “pandemia” osoan zehar, bi urtetan EAEn 7.400 hil izango ziren, ofizialki 2 urtetan izandakoak askoz handiagoa.
    Beste inkoherentzia “surrealista” da, errelatoa lurrera botatzen duena, eta inoiz baino argiago uzten duena ezarri dizkiguten neurri erotuek ez dutela izan inoiz inolako zentzurik. Barkaezina da egin diguten mina!

  3. Zer izanen hurrengoan?

    Hauta ezan.hire profeta.

    Nireak hatatuak ditut,

    Bill Gates, barexek dioena GERTATZEN beti.beti,..PANDEMIA ETORRIKO DA, eta etorri egin zan.

    orain esan dau,.ORINDIK BAINA LASSTER.PANDEMIA.BERRI. BAT..

    .bada, prepara.bunkerrak!

  4. Tira, ez zaizue heldu ene mezua… eta batez ere Biil maitearena.

    Hurrengoa zer izango ote da?, galdetu dau autoreak.

    Hauta ezan hire profeta maiteena.

    Nire maiteena Bill Gates duzue: harexek esaten duena gertatzen da beti-beti:

    PANDEMIA BAT DATOR!, erran zuen eta simulakroa egin ere 2019an.

    Eta euren sasi-txerto pozoitsuak prest zeuzkateanea…. ba etorri egin zen bitxoa edo OTSOA (beno, nik uste haiek erein zutela, lehenbizi Txinan, noski, zeren orain ere Txinan sortu baita kimu berri bat)

    Ba beno, duela gutxi,
    nireBill maiteak erran zuen: “ORAINDIK EZ, BAINA LASTER ETORRIKO BESTE PANDEMIA BAT!”

    Bada, paratu bunkerrak!

Utzi iruzkina

Azken artikuluak