Pandemiaren jatorrira garamatza erabaki nagusien kronikak

Gure Memoria hain ahula denez, komeni zaigu gauzez gogoratzea noizean behin. Duela bi urteko udaldi hartaz, adibidez. Non geunden, zein egoeratan, 2020ko udaberri hartan “kukuak hain makur jo” zigunean.

Kronika gisara adieraztea balitz, honela adieraz daiteke lerro nagusietan, bakoitzaren esku utziz gogoetak:

1

2019ko hondarrean, arazo bat sortu zen mundu mailan: gaixotasun orokor bat, seguru, zeini “Covid-19” deitu zioten, arnasbideetako koroa-birus mota bat zelakoan.

2

Une horretan, Davos izena duen Suitzako herri txiki horretan, “Davosko Gailurra” zegoen bilduta. Parte-hartzaileak: Mundu Bankua, Black-Rock AEBetako Funtsa multinazionala, Vanguard eta gainontzeko Digitalak (Microsoft, Bill Gates&Melinda Foundation, Rockefeller Foundation…) eta azken hauek finantzaturiko OMS (Mundu Osasun Erakundea). Komeni da protagonista horiek guztiak kontutan hartzea, orain ikusiko dugunez.

3

Kontua da Davosko Gailurrean bildu ziren guztiek bazekitela “pandemia bat” gertatzear zela munduan. Izan ere, iragarria baitzuten aldez aurretik “pandemia bat sortuko zela”, eta ez soilik iragarria, baizik eta simulakro zenbait gauzatuta, New Yorkeko hirian bertan, adibidez.

Horregatik, gai horri buruz agertu zen liburu baten goiburua “Plandemia” zeritzan, Plan baten barruan zegoela adierazi nahian-edo. Eta izen xelebre horrekin gelditu ginen: “Plandemia”

4

Wühango iruzurra.

Lehen irregultasuna zera izan zen: gaixotasun horren jatorriaz mundu osoari ziria sartu nahi izan ziotela apropos, hainbat gezur eta manipulazioren bidez.

Konspiranoikoarentzat ere sinesgaitza, baina halaxe izan zen. Garai hartako analista batzuen arabera, “birus” hori “ez zen izan naturala”, baizik eta mikrobiologia-laborategi batetan sortua.

Non eta, “informazio iturri guztien arabera” Wühan hiriko Laborategian: Txinan, hain zuzen.

5

Egia? Ala, esan bezala, munduari ziria sartu gura zioten? Sinesgarria ala sinesteziña? Izan ere, Mikrobiologia-Laborategi handiena Marylandeko estatubatuarra zen, hango militarrek erabitzen zutena guerra-zioetarako, oraintsu Ukrainan agertu direnen antzekoa, hauek ere AEBen menpeko (Jon Biden jr.-ek subentzionatuak).

Baliteke oraindik urteak igarotzea egia osoa argitu arte, baina “Wühango ikuskizun” hura ez zen egia nonbait. OMS Erakunde ezagunak “Aditu-talde bat” bidalia du Wühanera (ezen ez Marylandera), “pandemiaren jatorria ikertzera”; baina horretaz ez dakigu ezer oraindik. Ezta ezer iruzkindu ere, munduko Hedabide Salduenen eskutik.

Kontua da Wühan hiri txinatarra geratu dela jatorrizko bekatuarekin.

6

Wühango ikuskizuna kea bezala izan da: nabarmenkeria Itzela, baina ezer zehatzik ez. Hasiera hartan gezurra izan zan nagusi, esan bezala. “Hedabide guztiek” zabaldu zuten bertsio ofiziala eta bakarra: koroabirusaren kutsadura Wühango Merkatu zentraletik etorri zela, ziur (beti Wühan). Han animalia biziak saltzen omen zituzten haragi gisa, zehazki saguzarrak, pangolinoak, zenbait itsaski (guretzat exotiko)… eta animalia horietatik, omen, gizakion kutsadura. Hots, “zoonosia” kasua: animalien haragi bidez gizakiongan sortutako birus bat. Hori guztia buruz ikasi genuen, eta saguzarrekin ametsetan ere, berauen kobak eta ezkutalekuak… Baina “zoonosiaren zergatiaz” hitz erdi ere ez.

Egia esan, gure hedabideetan ezein zergatiri buruzko arretarik ez; den-dena ondorioei buruz, eta ondorioen ondorioei buruzko matraka etengabea, hildakoen zenbaki izugarriak, eguneroko kopuru dantza etengabeak. Ez al zen bidezko zergatiez ere hitz egitea? Ala ez al zen komeni akaso? Hori bai, “gaiari” buruzko zentsura hertsi batez baliatuta. Panikoa eragitea bailitzan xede nagusia.

7

Hortaz, “Zoonosiaren” nobelari buruz, ez da argitu ezer. Eta egiazko zergatiez ere ez, noski. Zergatik “zoonosia”? Ez galdetu, umeok.

Eta Laborategien auzia? Zeren han bertan Merkatuaren ondoan dagoen Laborategi mikrobiologikoaz ere ahaztu ezer jakiteaz. Maryland eta Wühango ustezko trafikoaz, harremanetan parte hartu zuen Wühango kolaboratzaile txinatarra “hil” egin zen handik laster, Covidaz antza. Lekuko zuzenik ez da gelditzen, beraz (Mayrelandekoekin ez kontatu).

8

Baina historia “rokanbolesko” honetan larriena 2020ko udaldi hartan gertatu zen, aipatu bezala. “Davosko Eliteak” (horrela deituko diogu mundua benetan gobernatzen duen Eliteari) zera erabaki zuen, Etika oro hankapetik pasatuz: “pandemia” horretaz baliatzea, hots, giza gaixotasun batez baliatzea, beraien interesen arabera mundua maneiatzeko. Horixe gertatu zen “kukuak makur jo zigun” udabarri hartaz geroztik.

Orduan, mundu hüntako agintariek “pandemia-alarma mundu mailakoa” aldarrikatzea ebatzi zuten goizetik gauera. “Pandemia-alarma” bat legalki deklaratu ahal izateko, horren aldarrikatzaileek legea aldatu zuten aurretiaz. Detailetxoa.

9

Dagoeneko, hastapen hartako iragarpen eta simulazioez gain, Covid.19aren kontrako txertoak ere prest zituzten ia, azken protokoloen faltan soilik. Dena zegoen lotuta, itxura batean. Eta, beraz, “alarma egoera” deklaratu zuten.

Baina orduan, aurretiaz kontenplatu gabeko zerbait gertatu zen: “Sputnik” txerto errusiarra merkaturatu zutela!

Ezusteko zertzelada horrek, berez osasun auzia soilik behar zukeen Gaia, arazo politiko, ekonomiko eta geoestrategiko bihurtu zuen. Horren guztiaren aurrean, “Osasuna” enegarren mailan geratzen zan, noski. Osasunak bost axola orduan.

10

ELITEA eta OMS. Ezusteko emergentzia hartaz jabeturik, Mendebaldeko Eliteak beste erabaki garrantzitsu bat hartu zuen, nola eta OMS erakundearen bidez (Davosko partaideetariko bat, gogoratzen?).

Mendebaldeko txertoak oraindik esperimentazio fasean zeuden, ohizko protokoloa konplitu gabe. Eta orduan, OMSk erabaki zuen, eta agindu: Mendebaldeko txerto horiek behingoan merkaturatzea, zeuden moduan zeudela. Arrazoia: “alarma egoeran” geundela (eta gogoratzen zeintzuek eta zergatik aldarrikatu zuten “alarma egoera”?).

Honen aurrean, Montaigner genetista ospe handikoa ez zen bederen isilik gelditu: “mota hartako txertoek (ARN-teknikan oinarrituak), gutxienez 14 urtetako esperimentazio-prozedura behar zuketela” esan eban. Nobel Saria merezi bazuen ere, jai zeukan aurrerantzean.

11

Beraz, une hartako erabaki horrekin, Zientzia mailan ordura arte funtsezkoa den Arau bat hautsi zen: “Prebentzio Printzipioa” deritzana. Hau da, PRIMUM NON DAMNARE, hots, ez dala esperimentatu behar inoiz ezer, harik eta guztiz frogatu arte produktu hori EZ DALA KALTEGARRIA. Gainera, une horretan (2020an) arrazoi erantsi bat zegoen: gai geniko haiek (potentzialki transgenikoak) gizakiengan lehen aldiz frogatzen zirela. Hortaz, inoiz baino beharrezkoagoa zen “Prebentzio Printzipioa”.

12

ONDORIOAK

Gutxi gehiago geratzen da Kronika honi eransteko. Etorkizunak esango du, baina historia hau ez da bukatu, tamalez eta begibistakoa denez. Esan ohi denez, “hasi besterik ez da egin”.

Izan ere, jada duela bi urte aurreikusten ziren albo-kalteak agertzen hasi dira datuetan, benetako datuetan oraingoan; Big-Farmaren presiopean datuak argitaratzeko ohorea duten instantzietan: Britainia Handian, AEBetan, eta hemen, Extremadurako Komunitate Autonomoan orain arte. Testigantza zenbait ere ageri da Sare Digitaletan gehienbat: kirol profesionalean miokarditiaz hildakoen datu kontrastatuak, ume/nerabeen hilkortasun-tasa ez-ohikoak. Hori oraingoz epe laburraz ari garelarik, zeren oraindik goiz baita inokulazio anomalo horien epe ertaineko zein epe luzeko albo-kalteez hitz egiteko (minbizia tasak eta abar).

Egungo gizarteak sekulako presioa izan du “txertoen bidezko “Covid-0-talde-inmunitatea” lortuko zelako konsignaren pean. Orain bistakoa da “konsigna irrazional eta interesatu” horrek porrot egin duela. Une honetan gizateriak bi gauza egin ditzake: bata, burua hegopean ezkutatu eta “hemen ez da gertatu ezer” esatea; bigarrena, gertatu berri denetik ikasi hurrengorako. Osasunaren egoera “osasuntsu bat” lortzera egiazki, presioak presio eta gutxi batzuen Makro-negozioak negozio, Justiziaren eta Bakearen izenean.

Azken batean BAKEA hauxe besterik ez baita: bakoitzari dagokiona. Stop Gerra pribatu eta Faxismo hazkorrari.

Naiz-en argitaratuta 2022 uzt. 18.
Autoreak ekarria Indepera eta CCera.