Ekimen honen berri eman eta bertara gehitzera animatu nahi ditut hezkuntza komunitate guztiak:
Bilboko 20 eskola publikotako Guraso Elkarte eta Ikastoletako komunitateak, azken hilabete hauetan Palestinan gertatzen ari denak hunkituta, hango haurrak eta nerabeak pairatzen ari diren sarraskiak gure barrenak inarrosita kontsentsuzko manifestu baten inguruan bildu gara. Gure begiek isurtzen dituzten amorruzko malkoak genozidio hau geldiarazteko indar bilakatzea nahi dugu. Euskal Herriko gurasook ere ahal dugun guztia egin behar dugu sarraski hau geldiarazteko. Bide horretan, sortu dugun manifestuari atxikitzeko eskatu nahi diegu Euskal Herriko eskola, ikastola eta hezkuntza zentro guztietako komunitateei.
maiatzaren 10ean 18:00etan Gasteizko Foru plazan eta maiatzaren 15ean 19:00etan Bilboko Moyua plazan
Hemen guraso hauek idatzitako manifestua eta Hezkuntza Komunitate bezala gehitzeko formularioa.
Bestetik, Gasteizko hainbat eskolatako hezkuntza komunitateek antolaturiko ekitaldian parte hartzeko deia luzatzen digute Gasteizko ikastetxeetako guraso elkarte, ikasle zein irakaskuntza-taldeetako kide guztioi datorren maiatzaren 10ean, ostirala, 18:00etan, Foru Plazan antolaturiko ekitaldian. Eta maiatzaren 15ean, asteazkena, 19:00etan, Bilboko Moyua Plazatik aterako den familien manifestaziora ere gonbidatzen gaituzte.
Palestinako umeak gureak ere badira!
Geldi dezagun Palestinako genozidioa!
