Estatuak

Pablo Gonzalezen atxiloketa bidegabea

Gaur egun kazetaritzako benetako profesionala izatea oso arriskutsua da. Historia pixka bat eginez, esan beharra dago Francoren estatu-kolpearen ondoren, Pabloren familiak Errusiara erbesteratu behar izan zuela.

1

Patxi Aznar Bellido

Aktibista. Zarautz-Andoain

Munduaren funtzionamendu bidegabeaz dakigunok, Pablo Gonzalezen atxiloketak ez gaitu ustekabean harrapatu. Historia pixka bat eginez, esan beharra dago Francoren estatu-kolpearen ondoren, Pabloren familiak Errusiara erbesteratu behar izan zuela.

Pablo, bere bizitzako lehen urteak Errusiako lurretan eman zituelako, ederki moldatzen da errusieraz, eta, horren ondorioz, Nabarnizen bizitzen jartzean, Europako ekialdeko kronikak eramaten jarraitu zuen hainbat informazio-hedabidetara.

Polonian atxilotu zutenean, errefuxiatu ukrainarrek herrialde horretan sartzen jarraitzen zuten. Errusiaren zerbitzura espia gisa aritzea leporatu zioten Pablori. Atxiloketa gauzatzeko, Poloniak oinarrizko eskubideen gutuneko 18 artikulu urratu behar izan zituen.

Atxiloketa gauzatzeko, Poloniak oinarrizko eskubideen gutuneko 18 artikulu urratu behar izan zituen

Duela gutxi, Pedro Sánchez Espainiako presidentea Polonian egon zen, baina Espainiako gobernuak ez dio kexa formalik aurkeztuko Poloniako gobernuari, eta gobernuaren ekintza hau laguntza kontsular hutsera murriztu da.

Duela gutxi Rzeszówko (Polonia) apelazio-auzitegiak Pablo kazetariaren abokatuak espetxeratze prebentiboaren aginduaren luzapen berriaren aurka aurkeztutako helegitea atzera bota duenez, Pablok espetxean jarraitu beharko du beste hiru hilabetez.

Puntu honetan, hau gogorarazi behar dugu: prebentziozko espetxealdia urtebetera arte luza dakiokeela Pablori. Amaitzeko, idazkiaren hasierara itzuli behar dugu, gaur egun kazetaritzako benetako profesionala izatea oso arriskutsua dela azpimarratzeko.

Gipuzkoako txokoetan ikusia / begitxo kolore

Nahi baduzu, Independenteak aurrera egin dezan lagundu dezakezu. Idatziz, itzuliz, janariz, irudigintzan, bideogintzan, bertsotan, diseinuan, informatikan, psikologia klinikoan, abokatutzan edo diruz ere bai. Ziberjazarpenari aurre! INDEPENDENTEA LAGUNDU >

Erantzun bat “Pablo Gonzalezen atxiloketa bidegabea” bidalketan

  1. EEBBen entelekia den Europako kide batek (Poloniak) bahituta dauka Pablo.

    Gaur EEBBen entelekia horrek mezu bat bidali dio Putini, “gerrarik ez duela nahi” esanez.

    Baina ahaztu egin zaio antza, mezu bera bidaltzea EEBBei, zeinak gerra-ekimenaren protagonista handiena baita, izan ere.

    QUOSQUE TANDEM CATILINA
    ABUTERE PATIENTIA NOSTRA?

Utzi iruzkina, izen eta abizenez

Azken artikuluak