2025eko urrian argitaratu zen Distopia baten kronika Angel Bidaurrazagak Independentean 2022ko martxotik gaur arte idatzitako artikuluekin.
Ostiralean Bergaran izango da Angel Bidaurrazaga liburua aurkezteko. Urtarrilaren 9an, arratsaldeko 19:30ean, kartzela zaharreko Angiolillo liburutegian izango da.
Covid19 operazioa abiarazi zutenetik 6 urte betetzera goaz laster, manipulazioa eta ingeniaritza sozialeko saiakera bortitza bizi izan genuen. Ahots burujabeen gabeziak bultzatu gintuen Independentea sortzera eta herri kazetaritzan murgiltzera.
Angelek 2022ko martxotik kontatu diguna ez du beste inork euskaraz eta euskaldunontzat kontatu Euskal Herrian. Gure kontakizun propioa izateko urrats garrantzitsua izan da liburu honen argitalpena.
KARTZELA ZAHARRA
Bergarako Kartzela Zaharra, lehen gaztetxea izandakoa, gaur egun kolektibo ezberdinek kudeatzen duten gune autogestionatua da. Eraikin barruan aritzen diren eragile zein kolektibo guztien artean sortutako Kartzela Zaharreko Koordinadorak kudeatzen du espazioa.
Historiaz beteriko eraikin batean dago, 1860-70 urteen artean eraikitako kartzela zahar batean hain zuzen.
ANGIOLILLO LIBURUTEGIA
Horietako eragile bat Angiolillo liburutegia da. Ziega batean dagoen liburutegiak Michele Angiolillo izena hartu zuen, ziega horretan bera preso egon zelako. Angiolillok orduko Espainiako gobernuburu zen Cánovas del Castillo hiru tiroz hil zuen 1897ko abuztuaren 8an Arrasateko Santa Ageda bainutegian. Kartzelaren ondoan dagoen epaitegian epaitu zuten eta 12 egun geroago exekutatua izan zen garrotez kartzela zaharreko patioan. Exekutatu zutenean Angiolillok 26 urte zituen.
Liburutegia 2009ko maiatzean jaio zen eta 17 urte hauetan 100 liburu baino gehiago aurkeztu dira, hilabeteroko maiztasunez. Horretaz gain, hainbat kontzertu eta antzezlan antolatu dituzte bertan. Ostiralekoa Angiolillo liburutegiak egingo duen 112. ekintza izango da.
Angiolillo liburutegia saiatzen da liburutegi publikoetan ez dauden liburuak edukitzen, gai politiko eta sozialei tokia eginez. Liburu aurkezpenetan ere ildo bera jarraitzen du: saiakera sozialak, nobela grafikoak, ikerketa kazetaritza… Angiolillo liburutegia espezializatzeko hautua egin dute.
DISTOPIA BATEN KRONIKA
Hurrengo aurkezpenak:
- Urtarrilak 27, 19:00 Liburutopia, Gasteiz
- Apirilak 10, 19:00 Gaztaño, Orereta
Bide batez, gonbidapena luzatu nahi dugu, irakurleren batek liburuaren aurkezpena antolatu nahi badu, gurekin harremanetan jartzeko: lagunak@independentea.eus.
