Kaixo, guztioi, berriro ere.
Burujabetzaren Aldeko Mugimenduko (BAM) Osasun Burujabetza taldeko kideok gonbita luzatu nahi dizugu:
Eztabaidan gabiltza eta jende gehiagoren iritziaren beharrean gaude, ahalik eta oparoena izan dadin egoeraren azterketa. Gure herriaren etorkizuna, beti bezala, subirautzan oinarrituko da ala ez da ezertan oinarrituko.
Horretarako, iritzi propio bat behar dugu. Gai orotan, lantzen duguna guztion arteko hausnarketatik sortuko da, eta, gai horietan guztietan, guztion iritzia mahaigaineratzeko ahalmenean oinarritzen da herri boterea. Subirautza, alegia. Eta Herri honek Subirautza behar du, bestela ez du Herri izaten jarraituko.
Osasun arloan burujabetza izateak ere aske egingo gaitu. Horren inguruko eztabaidan gabiltza azken urte eta erdian BAMeko Osasun Burujabetza taldeko kideok eta, orain, ondu ditugun hausnarketen aurkezpena egitea dagokigu:
Azaroan egin genuen lehen aurkezpenaren ondotik, Osasun Burujabetzaren inguruko eztabaidarako txostenaren bigarren aurkezpena egingo dugu APIRILAREN 25ean goizeko 10:00etan BARAKALDOko Ainara aisialdi-taldearen lokaletan.
Gonbidapen honen mezua guztion buru, aho eta belarritan egon dadin, eskertuko dugu Euskal Herri osoan zabaldu dadin ahalegina egitea.
HEMEN DESKARGA daitezke eztabaidarako txostenak, euskaraz eta gazteleraz:
[Oharra: Barakaldoko saioan eztabaida erdaraz izango da]
BAM
Burujabetzaren Aldeko Mugimendua
