Kaixo:
Burujabetzaren Aldeko Mugimenduko (BAM) Osasun Burujabetza taldeko kideok gonbit hau luzatu nahi dizugu: eztabaidan gabiltza eta jende gehiagoren iritziaren beharrean gabiltza, ahalik eta oparoen atera dadin egoeraren azterketa.
Gure herriaren etorkizuna, beti bezala, subiranotasunean oinarrituko da ala ez da ezertan oinarrituko. Horretarako, iritzi propio bat behar dugu. Gai ororen inguruko hausnarketan eta, horietan guztietan, guztion iritzia mahai gaineratzeko ahalmenean oinarritzen da herri boterea. Subiranotasuna, alegia. Eta Herri honek Subiranotasuna behar du, bestela ez du Herri izaten jarraituko.
Osasun arloko burujabetza izateak ere aske egingo gaitu. Horren inguruko eztabaidan gabiltza azken urte eta erdian BAMeko Osasun Burujabetza taldeko kideok eta, orain, heldu garen hausnarketen aurkezpena egitea dagokigu.
Horrenbestez, osasun burujabetzaren inguruko eztabaidarako txostenaren aurkezpena egingo dugu azaroaren 22an Larrabasterrako Auzoetxean, goizeko 10:00etan hasita.
Gure asmoa da eztabaidarako txosten hau eskualdeka zabaltzen joatea eta, bide horretan, lehen hitzordua azaroaren 22koa da.
Gonbidatuta zaudete bertara hurbiltzera, txostenaren inguruan eztabaidatzeko eta etorkizuneko pausoak zeintzuk izan beharko luketen ahalik eta herritar gehienen artean adostu ahal izateko.
Eskertuko genuke deialdi honen zabalpena egingo bazenute.
Deialdiaren kartela, eztabaidarako txostena eta osasun burujabetza kooperatibaren manifestua doaz behean atxikita:
BAM
Burujabetzaren Aldeko Mugimendua
